Jeremiah 4:7 - Syin Chin Bible

⁷ Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 4:7 Iomraidhean Croise

2 Kumpite 24:1

Jehoiakim sia kumpipa ahi laitakin Babylon kumpipa Nebuchadnezzar in Judah sim hi, tuaciang kum thum sung Jehoiakim sia ama ii ukna nuai ah lutsak hi; tua zawkciang ama in leedo hi.

2 Kumpite 25:1

Zedekiah in Babylon kumpipa Nebuchadnezzar leedo ahikom Nebuchadnezzar in a ngalkap hon theampo taw Jerusalem sia Zedekiah ii kumpi maan a kum kua kum, a tha sawm, ni sawm ni in sim hi. Amate in khuapi pua sangah ngiaphual saat a, a uumci natu in pangte vawtin,

Isaiah 1:7

Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 5:9

Vaanglianbelpa Topa in, “Hi a lian a pha inn theampo a hawm suakin lal tu hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 2:15

Amate in tawpi bangin ama hawk san uh hi; amate in ama ngam sennealngam suaksak zo hi, a khuate siasak zo a, kinusia cip zo hi.

Jeremiah 22:6

“Kei atu in, Judah ii kumpi inn sia Gilead ngam le Lebanon Mualte bangin hoi hi; ahihang kuama ii ten ngawlna a ngamkhing mun kolh khat ka suaksak tu hi.

Jeremiah 22:7

Tua kumpi inn a susia tu in mihingte ka puak tu hi. Amate in a hei uh tek hong keng tu uh a, cedar thing khuam phate phukin meikhuk sung denna in nei tu uh hi.

Jeremiah 25:38

Tawpi khat in akua a nusiat bangin Topa in a mite nusia zo hi. A lauhuai ngal kidona le Topa ii a kiitakhuai thin uukna in hi ngam sennealngam suaksak zo hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 26:9

Banghangin Topa min suangin hi Biakinnpi sia Shiloh khua bang suak tu a, tuaciang hi khuapi kisusia cip in kuama teang ngawl tu hi ci ni ziam,” ci in au keak uh hi. Tuaciang mihonte in kei hong uumci uh hi.

Jeremiah 27:8

“Ahihang minam khat pawpo, ahibuale kumpi ngam khat in, Nebuchadnezzar ii ukna sungah a tum bua ahile tua minam sia, Nebuchadnezzar ii ka suksiat cipsak mateng in keima in ngal, kialpi le natna taw in daan ka pia tu hi.

Jeremiah 33:10

Topa in, “Mihingte in hi mun sia, mihing zongh nganhing zongh ii teen ngawlna senneal ngam taw kibang hi ci uh hi. Amate ci bang hi peu hi; Judah khuate le Jerusalem khua lampite awngthong a; tua munah mihing zongh nganhing zongh teang ngawl hi. Ahihang hi munte ah,

Jeremiah 34:22

Keima in thu ka pia tu a, hi khuapi ah amate hong heak kik tu uh hi. Amate in tua khuapi simin la tu a, mei taw haltham tu uh hi. Keima in Judah ngam khuate sia kuama ii teen ngawlna sennealngam khat bang ka suaksak tu hi. Keima, Topa in ka son zo hi,” hong ci hi.

Jeremiah 4:29

Siphu ngalkapte le thal toai ngalkapte ii ngin a zaak uh ciang mihing theampo tai keak tu uh hi. Pawlkhat sia ngam tawnghtol sungah tai tu a, a dangte suang kawm ah kaato tu uh hi. Khua theampo a hawm nguakin kinusia tu a, tua khuate sungah kuama teang kik ngawl tu hi.

Jeremiah 44:2

Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 46:18

Vaanglianbelpa Topa Keima sia kumpipa ka hi hi. A nungta Pathian ka hi hi. Mual dangte sangin Tabor mual a saan zawk bangin, Carmel mual sia tuipi tungah dawk to in a saan bangma in, No hong sim sia pa ii thahatna zongh lian tu hi.

Jeremiah 49:19

Tawpi in ngam tawnghtol sung pan hong pusuak a, lopa hingna Jordan ngundung zui in a pai bangin, keima kong pai tu a, Edom mite a ngam uh panin thakhat thu in ka taikeaksak tu hi. Tuasia ciang keima ii teal lampuipa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Kei hong nalh zo tu ukpa akua om ziam?

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 50:17

Topa in, “Israel mite sia tawpite in delmang a, a kithethaang tuute taw kibang uh hi. A masabel in amate sia Assyria kumpipa in sim a, tua zawkciang Babylon kumpipa Nebuchadnezzar in a ngu khimtham hi.

Jeremiah 50:44

“Jordan ngundung taam thuk sung pan pusuak in, lopa hingna munah a pai to tawpi khat bangin Keima, Topa kong pai tu a, Babylon te a khuapi uh pan thakhatthu in ka taikeaksak tu hi. Tuasia zawkciang lampui ka tealpa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Hong langpan ngam tu kumpi akua bang om ziam?

Jeremiah 8:16

Dan khuapi sungah ih ngalte hong theng zo uh hi; a siphute ii a naak thin uh ih za hi. A siphute a haam uh ciang ngam buppi liing hi. Ih ngam le ih ngamsung a, a om na theampo, ih khuapi le khua mite theampo susia tu in ih ngalte hong pai zo uh hi.”

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Ezekiel 12:20

Tu laitak mihing a dim omna khuapite sia kilalcipsak tu a, tuaciangin a ngam sia duisung ngampa kisuaksak tu hi. Tuasia ciangin, amate in Kei Topa ka hi hunlam hong he tu uh hi,” hong ci hi.

Ezekiel 21:31

Ka thin uukna meikuang leang bangin kong tha ciang note in na phawk tu uh hi. Suksiat zia a thiam mihing cizat nei ngawl te tungah nang kong aap tu hi.

Ezekiel 32:2

Ama in, “A thithei mihing awng, Egypt kumpipa tungah hi bangin a ciliap huai kidop natu thupia in. Keima thupuak sia son in: Minamte sungah tawpi khat bangin na diang a, ahizong nang sia ngun sungah a kipeak awle khat taw na kibang zaw hi. Na peangte taw tui na nusak ngawp a, ngunte na ninsak hi.

Daniel 5:19

Ama sia lian mama ahikom ngam theampo, minam theampo le paunam theampo pan mihingte in ama kiita in liing uh hi. Mihing khat pawpo a thatlum nuam le thatlum a, a nungtasak nuam le nungtasak hi. Ama in a upat nop pawpo upat a, a maimawlsak nop pawpo maimawlsak hi.

Daniel 7:4

A masabel sia tawpi taw kibang a, ahizong muvanlai khat bangin tha nei hi. Ka et laitakin a thate tong hi. Tua nganhing sia kilaamto in mihing bangin kidingtosak hi. Tuaciang ama sia mihing ngaisutna kipia hi.

Thiampite 26:31

na khuapite ka lalcipsak tu a, na biakna munte siasak in, na sangaw biakpiaknate kong saang buatu hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.