Jeremiah 4:6 - Syin Chin Bible

⁶ Zion paina lampi hil vun! Na suatak natu in tai vun! Haisaang heak vun! Topa in saksang panin tuasiatna le suksiatna lian hong puak hi.

Jeremiah 4:6 Iomraidhean Croise

Isaiah 62:10

Jerusalem mite awng, khuapi panin pusuak vun a Hong heak kik na mite atu in lam khat ziik vun! Lampi lian khat ziik vun; suangte heam vun! Mihingte heak thei tu in tepteena lim lakna khat khai vun.

Jeremiah 10:22

Ngai vun! Thu khat hong theng zo hi! Saksang ngam khat sungah buaina lian khat om hi; a ngalkaphon in Judah ngam khuapite sia ngiate teenna sennealngam suaksak tu hi,” ci in ka zo hi.

Jeremiah 18:11

Tua ahikom tu in, Judah mite le Jerusalem mite kungah amate siatsak tu tupna nei a daan pia tu in a kinging sa in ka om sia son in. Mawna khialna vawtin a nuntaknate a kheal natu — a omziate le a nasepte a lai natu in amate tungah son in.

Jeremiah 21:7

Ahihang, nangma, na khutnuai a uliante le ngalsung, kialpi le natna ngilo pan a, a suakta mite sia — no hong that nuam Nebuchadnezzar kumpipa le na ngalte in na vekpi in kong mansak tu hi. Nebuchadnezzar in no hong thatlum tu hi. Ama in note hesuakna le deisakna hong nei ngawl tu a khat zongh hong khoaikhe buatu hi. Keima Topa in ka ci zo hi.”

Jeremiah 22:7

Tua kumpi inn a susia tu in mihingte ka puak tu hi. Amate in a hei uh tek hong keng tu uh a, cedar thing khuam phate phukin meikhuk sung denna in nei tu uh hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 4:21

Bang tanvei ngal kisim lialua ka mu lai tu ziam, bang tanvei lemle tum ka za lai tu ziam?

Jeremiah 50:2

“Minamte tungah hi thu son in! Hi thu thangsak in! Limlakna pia in a, a thu taangko in! Thuku in koi heak in! Babylon taak zo hi! A pathian Marduk kisemtham zo hi! Babylon ii milimte kimaizumsak zo hi; a kiihuai a milimte kisutham hi!

Jeremiah 50:22

Hi ngam ah ngal kisimna aw kiza a, suksiatna nasia takin om hi.

Jeremiah 51:12

Babylon ii luphungte sim tu in lim lak vun. Phualcingte belapin thahatsak vun! Ngalvilte koi vun! A suam tu mite koi vun!” ci in thupia hi. Topa in Babylon mite tungah ka vawt tu hi a ci sia vawt zo hi.

Jeremiah 51:27

“Ngalsim natu in heaksakna lim pia vun! Minamte ii zaak thei tu in lemle tum vun! Babylon sim tu in minamte kithoaisak vun! Ngalsim tu in Ararat ngam, Minni ngam le Ashkenaz ngamte son vun. Ngalsim lampui tu in ngalkap mang khat see vun. Khaumaw honkhat bangin siphute keng vun.

Jeremiah 51:54

Topa in, “Babylon khua sungah kaana aw le, ngamsung kisuksiatna hu in khuangaina aw ngai vun.

Jeremiah 6:1

Benjamin mite awng, na kihuuk natu uh in tai vun! Jerusalem khua panin kisuatak tavun! Tekoa khua ah lemle tum vun a, Beth Haccherem khua ah kiheaksakna mei thut vun. Tuasiatna le suksiatna sia saksang pan hong pai tu hi.

Jeremiah 6:22

Topa in, “Saksang ngam khat panin mite hong pai hi; a khuala na pan a thahat ngam khat sia ngal sim tu in kithawthoai hi.

Ezekiel 9:1

Tua zawkciang Pathian sia hi bangin a au ka za hi, “No, khuapi daan a pia tute awng, hi sungah hong pai tavun. Na ngalhiamte hong keng tavun” ci hi.

Ezekiel 9:2

Thakhatin pasal luk sia Biakinnpi ii saksang kongpi puanung pan hong pai a ngalhiam khat tek toai uh hi. Amate taw lai at natu khat toai a, puanneal a silh pasal khat om hi. Amate a vekpi hong pai in, taau biaknatau hui ah ding uh hi.

Zephaniah 1:10

Topa in, “Tua ni ciang, Jerusalem Ngasa Kongpi ah kaana aw na za tu uh hi. Khuapi khen a thak zawna munah tauna aw le mual tungah sukthapna awnging lian khat na za tu uh hi.

Zechariah 6:6

Siphu vomte ii kai leang sia saksang Babylon zuan tu a, siphu kaangte nitumna sang zuan tu hi, siphu pawl tiptepte thangsang ngam zuan tu uh hi.