Jeremiah 4:25 - Syin Chin Bible

²⁵ Khua ka et le mihing kuama om ngawl a; vacimte ngawngawn leang siat zo uh hi.

Jeremiah 4:25 Iomraidhean Croise

Jeremiah 12:4

Ih ngam sia bang tanvei kongaw tu a, lo theampo sungah lopate bang tanvei kongaw tu ziam? Nganhingte le vacimte thi dektak uh hi, banghang ziam cile ih mite ii seksolna hang hi a, ih mite in ‘Pathian in ih sep ih vawtte hong mu ngawl hi’ a ci uh hang ahi hi.”

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Ezekiel 38:20

Ngasa le vacim theampo, nganhing a lian a no theampo le leitung ah a om mihing theampo in kei hong kiita in a liing tu uh hi. Mualte le liangte cim tu a, luphung theampo puk tu hi.

Hosea 4:3

Tua ahiciang a ngam kaanghko tu a, ngam sungah nuntakna nei theampo thi tu hi. Nganhingte, vacimte theampo le ngasate ngawngawn thi tu hi,” ci hi.