Jeremiah 4:18 - Syin Chin Bible

¹⁸ Judah awng, na nuntakna zia le na nasepna sate taw in hi thu nangma tung ma na then hi. Na mawna in hi thuakna piangsak zo a; tua in na lungtang hollet hi.

Jeremiah 4:18 Iomraidhean Croise

Psalm Late 107:17

Pawlkhatte mawmaw a, a mawna hu le a ngitlo hu in thuak uh hi;

Paunakte 1:31

Tua ahikom, nangma taw a kiphu bangin na nga tu hi, tuaciang nangma ngamtatna ma in na ci hong nasak tu hi.

Paunakte 5:22

Mi seksol khat ii mawnate sia thaang khat ahi hi. Amate mama ii mawna ngeen sungah amate awk uh hi.

Isaiah 50:1

Topa in, “Pasal khat in a zi a khul bangin keima in ka mite hawlkeak hong sa nu ziam? Tua ahile, zi khulna laite koisungah om ziam? Mihing khat in a tate sila in a zuak bangin, keima in note saltaang tu in zuak hong sa nu ziam? Hi ngawl hi, noma mawna hangin saltaang in a pai na hi uh a; noma khialna liante hangin hong kihawl khia ahi hi.

Jeremiah 14:16

Amate ii hi thute a sonna mihingte, hi bangma in kithatlum tu hi. A luangte sia Jerusalem khua lampi tungah kilawn thal tu a, a phum tu kuama om ngawl tu hi. Hi thu sia amate a vekpi — a zite, a tapate le a tanute theampo tung zongh ah tung tu hi. Amate ii seksolna thaman amate in ka thuaksak tu hi.”

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 26:19

Hezekiah kumpipa le Judah mite in Micah thatlum ngawl uh hi. Hezekiah in Topa zatak vawtin Topa ii mai pha a nga natu in hanciam zaw lai hi. Amate tungah tuasiatna ka thengsak tu hi a ci sia Topa in a thin kheal kik hi. Tu in eima in a lauhuai tuasiatna khat eima tung ma ah ih thengsak dektak hi!” ci uh hi.

Jeremiah 5:19

Hite theampo banghang vawt khi ziam ci in amate in hong dok ciang Jeremiah awng, amate in kei kung pan puapial a, a ngam sungah ngamdang pathiante atu a sep bangma in, amate ii ngam ahi ngawl ngamsung khat ah ngamdangmite atu na seam tu uh hi, ci in amate son ta'n,” ci hi.

Jeremiah 5:25

Na mawna, na khialnate uh in hi naphate na nga tu uh hong khaktan hizaw hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Kaa late 3:15

An le tui hong piak taangin ama in nasia takin hong thuaksak hi.

Ezekiel 39:24

Amate a ninnoi na le a seksol nate taw a kilawm bangin ka thuaksak a, amate ka nungngat hi,” ci hi.

Hosea 7:2

Hi a ngamtat siatna theampo ciamtee tu ka hi hunlam amate in ngaisun ngeingawl uh hi; ahihang a mawnate in amate kiim uum a, tuate mu ngawlin ka om thei bua hi,” ci hi.