Jeremiah 4:16 - Syin Chin Bible

¹⁶ A khuala ngam khat panin ngalte hong paina thu, Jerusalem tungah son tu le minamte kidop natu hilkhol tu in amate hong pai uh hi. Hi ngalte in Judah ngamsung khuapite ausan tu uh a,

Jeremiah 4:16 Iomraidhean Croise

Isaiah 34:1

Minam theampo te awng, hong pai tavun! Hong kikhawm tavun a hong ngai tavun. Leitung buppi le leitung ah a teang mihingte theampo hi lai ah hong pai in thu ngai hen.

Isaiah 39:3

Tuaciang kamsaang Isaiah sia Hezekiah kumpipa kungah pai in, “Hi mite koisung pan hong pai a, nang tungah bang hong ci ziam” ci in dongh hi. Hezekiah in, “Amate sia a khuala mama na ngam Babylon pan hong pai ahi uh hi,” ci in zo hi.

Jeremiah 1:15

banghang ziam cile saksang ah a teang minamte theampo hong pai tu in ka sam hi. Amate ii kumpite in a kumpi tokhumte uh sia Jerusalem kongpite le, luphung kiimkot ah ahizong, Judah khuapi dangte ii kiimkot ah ahizong phut tu uh hi.

Jeremiah 16:6

Hi ngam ah a hau le a zawngte thi tu uh a, kuama in amate phum ngawlin, kaa ngawl tu hi. A khuangaina a lak natu in kuama in ama le ama nam taw ki at ngawl tu a, a sam uh meet ngawl tu hi.

Jeremiah 2:15

Amate in tawpi bangin ama hawk san uh hi; amate in ama ngam sennealngam suaksak zo hi, a khuate siasak zo a, kinusia cip zo hi.

Jeremiah 31:10

Topa in, “Minamte awng, hong ngai tavun a, ka kammalte a khuala na tuipi vaalbo ah thangsak vun. Ka mite ka thethaang hi, ahihang amate ka kaikhawm tu a, tuucing pa in a tuuhon a cin bangin ka keam tu hi.

Jeremiah 39:1

Zedekiah ii Judah kumpi a sua zawk a kum kuana, a tha sawm tha in Babylon kumpipa Nebuchadnezzar sia a ngalkap buppi taw hong pai in Jerusalem sim hi.

Jeremiah 4:17

mihingte lo hung bangin Jerusalem kiim uum tu uh hi, banghang ziam cile a mite in Topa a langpan hang ahi hi. Topa in ci zo hi.

Jeremiah 5:15

Israel mihingte awng, ngam khuala pan no hong sim tu in Topa in minam khat hong paipui hi. Tua minam sia a thahat le taanghlai minam khat hi a, a kam na heak ngawl uh minam khat ahi hi.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 50:2

“Minamte tungah hi thu son in! Hi thu thangsak in! Limlakna pia in a, a thu taangko in! Thuku in koi heak in! Babylon taak zo hi! A pathian Marduk kisemtham zo hi! Babylon ii milimte kimaizumsak zo hi; a kiihuai a milimte kisutham hi!

Jeremiah 6:18

Tua ahikom Topa in, “No minamte awng, ngai vun, ka mite tungah bang thu piang tu ci sia he vun.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Jeremiah 6:22

Topa in, “Saksang ngam khat panin mite hong pai hi; a khuala na pan a thahat ngam khat sia ngal sim tu in kithawthoai hi.

Jeremiah 6:23

Amate in a thal le a namsaute toai zo a; ngilo in ngual hesuakna thin nei ngawl uh hi. Amate in a siphu tung tek a to uh ciang, tuipi hawk bangin nging hi. Amate in Jerusalem sim tu in a kinging sa in om uh hi.” ci hi.

Jeremiah 8:19

Ngai vun! Ngamsung mun theampo ah ka mite ii kaana aw ka za hi, “Zion khua ah Topa om nawn ngawl ziam? Zion ii kumpipa tua munah om nawn ngawl ziam?” ci in kap uh hi. Amate ii kumpipa ahi, Topa in zo kik a, “Banghangin na milimte na biakna le a man nei ngawl na ngamdang pathiante na paaina uh taw in kei hong thin uuksak nu ziam?” ci hi.

Ezekiel 21:22

Tu in! A ziatsang khut in “Jerusalem” ci in a kiciamtee thaltang sia toai hi. Tua aisaanna in, va pai a, thingluangte taw a kithoai natu, ngal thotna aw au tu, thingluangte taw kongpite khaktan natu, kanhte to in kidalna vawt natu a hil hi.