Jeremiah 4:13 - Syin Chin Bible

¹³ En vun, meeite bangin ngal hong pai hi. Amate ii siphu ngalleangte sia suumpei taw kibang a, a siphute sia muvanlaite sangin ngang zaw uh hi. Ei a lel ih hi hi! Ei a lal ih hi hi!

Jeremiah 4:13 Iomraidhean Croise

2 Samuel 1:23

“Saul le Jonathan, lamdangin ithuai a, a nunna ah nungta khawm, a thina ah thi khawm hi; muvanlaite sangin zuan ngang zaw, tawpi te sangin hat zaw hi.

Isaiah 13:5

Amate sia leimong ah a om ngam khualate pan hong pai uh hi. Topa sia a thin uukna taw ngam bup lalthamsak tu in hong pai hi.

Isaiah 19:1

Hisia sia Egypt ngam taw kisai thupuak ahi hi. Topa sia meei tungah to in, manlang mama in Egypt ngam ah hong pai hi. Ama mai ah Egypt milimte liingin, Egypt mihingte a hanna bo hi.

Isaiah 3:8

Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi.

Isaiah 5:28

Amate thaltangte hiam a, a thalte kaa tawm tu bekin eal pinpen uh hi. A siphu peangcinte thausuang bangin sak a, a muite suumpei bangin pei hi.

Isaiah 66:15

Topa sia meikuang taw hong pai tu hi. Ama sia a thin a uuk sakte tungah daan pia tu in vuipi ii tha tungah to tu hi.

Jeremiah 10:19

Jerusalem mite in, “Nasia takin ih liam hi! ih liammate dam ngawl tu hi. Hite sia ih thuak zawk tu khat po hi vak ci in ih ngaisun hi!

Jeremiah 4:12

Topa ii sawlna taw a va vui sia tuasia sangin thahat zaw tu hi! A mite tungah thukhenna a pia sia Topa ama mama ahi hi.

Jeremiah 4:31

Numei khat nautun a, a kap bang aw khat ka za hi, taciil a suak numei khat ii cik-au taw kibang hi. Tua in Jerusalem ii hu sam saa a, a kaana ahi hi, a khut zan in, “Kei a lal hi ing! Keima that tu in amate hong pai hi!” ci hi.

Jeremiah 46:18

Vaanglianbelpa Topa Keima sia kumpipa ka hi hi. A nungta Pathian ka hi hi. Mual dangte sangin Tabor mual a saan zawk bangin, Carmel mual sia tuipi tungah dawk to in a saan bangma in, No hong sim sia pa ii thahatna zongh lian tu hi.

Jeremiah 48:40

A tha a phalh muvanlai khat bangin minam khat sia Moab ngam tungah hong suktun tu hi ci in Topa in kamciam zo hi,

Jeremiah 49:22

Muvanlai in a tha phalhin a suktun taw kibangin ngalte in Bozrah sim tu hi. Tua ni in Edom ngalkapte sia nausuak tu a tun numei bangin thin patau in om tu uh hi,” ci hi.

Jeremiah 6:23

Amate in a thal le a namsaute toai zo a; ngilo in ngual hesuakna thin nei ngawl uh hi. Amate in a siphu tung tek a to uh ciang, tuipi hawk bangin nging hi. Amate in Jerusalem sim tu in a kinging sa in om uh hi.” ci hi.

Jeremiah 9:19

Zion khua sung a kaana aw ngai vun; “Ih lalcip hi! Hong kimaimawl cipsak hi! Ih ngam ih nusiat kul tu hi ih innte hong suksiatsak hi,” ci uh hi.

Kaa late 4:19

Muvanlaite van pan suktun a hong len sang a manlang zaw in amate in ei hong zuizen suk hi. Amate in mual tungah ei hong sul zui a; sennealngam ah muanmawk ngawlin ei hong phaa hi.

Ezekiel 26:10

A siphute ii peang pan a leang leivui khu in nang hong tuam tu hi. Siphu leangte le siphu ngalleangte paina a nging sia in a lalsa khuapi kongpite a kaantan ciang, note luphung liingsak tu uh hi.

Ezekiel 38:9

Ama le a ngalkapte le ama taw kipawl ngam tam mamate in vuipi bangin sim tu a, meei bangin a ngamsung a tuamcip tu uh hi,” ci hi.

Daniel 11:40

“Syria kumpipa ii hun a bo kuan ciang, Egypt kumpipa in ama sim tu hi, Syria kumpipa in a tha nei theampo taw, siphu ngalleangte, siphute le teambaw tam mama zanghin Egypt kumpipa do kik tu hi. Ama in namthuam tuikhang bangin ngam tam mama sim tu hi.

Daniel 7:4

A masabel sia tawpi taw kibang a, ahizong muvanlai khat bangin tha nei hi. Ka et laitakin a thate tong hi. Tua nganhing sia kilaamto in mihing bangin kidingtosak hi. Tuaciang ama sia mihing ngaisutna kipia hi.

Hosea 8:1

Topa in, “Patau daak tum vun! Ngalte muvanlai bangin ka ngam sungah hong suktun hi! Ka mite in amate taw ka vawt thuciamna paltan a, ka hilna langpan hi.

Micah 2:4

Tua hun a tun ciang, mite in no sia tuasiatna huvau sonteena in hong nei tu hi, noma thuakna teng khuangai la in na sa tu uh hi: Eite ih lalcip dikdek zo hi! Topa in ih ngam ih lei la zo a, tuaciang ei hong mante tungah tuasia kipia zo hi,” ci tu uh hi.

Nahum 1:3

Topa thin uuk papaih ngawl a, ahihang ama vaanglian in a maw a khial te daan pia ngawlin tha thong ngeingawl hi. Topa paina munah vuipi suangval va a; meeite sia a peang taw a sina pan a leang leivui khute ahi hi!

Habakkuk 1:8

“A siphute pawlbeam sangin manlang zaw a, ngia ngilkialte sangin kiitakhuai zaw hi. A siphu ngalkapte ngam khuala pan hong pai a; a siphute in lei khuat uh hi. Muvanlaite suktun in a mat tute a zap bangin amate hong pai uh hi.

Zechariah 6:1

Mukholna dang khat ma ka nei hi. Tusia hun ciang taau mual nii kilaklaw pan siphu ngalleang li hong pusuak ka mu hi.

Matthew 24:30

Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Thuhil kikna 28:49

Topa in no hong langpan tu in a kampau na heak ngawl uh minam khat leimong panin hong puak tu hi. Muvanlai khat bangin amate in no hong man tu hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!