Jeremiah 4:11 - Syin Chin Bible

¹¹ Vui a sa mama khat sennealngam panin Jerusalem mite sangah hong va tu hi cina thu sia Jerusalem mite tungah a kison tu hun hong theng zo hi. Tua vui sia anvaaite a mut keak vui bang bek hi ngawl tu a —

Jeremiah 4:11 Iomraidhean Croise

Psalm Late 11:6

Ama in a seksolte tungah suangmeihol kaamte le kaan meikuangte buaksuk hi; ama in amate a sa mama vuite taw daan pia hi.

Isaiah 22:4

Ka mihing a thite theampo atu in nasia tak ka kaa thei natu in, tu in keima nguak hong nusia ta'n. Hong heeneam heak in.

Isaiah 27:8

Topa in a mihingte ngamdang ah saltaang tu in a puakna taw daan pia hi. Topa in amate sia nisuana sang pan hong va vui ngilo in seamkeaksak hi.

Isaiah 41:16

Amate sia vui sungah na lawn tu uh hi; vui va in amate len a, vuipi in amate thethaang tu uh hi. Tuasia ciang keima in na Pathian ka hi hu in na lungdam tu uh hi; Israel ii a thiangtho Pathian ahi keima nong pok tu uh hi.

Isaiah 64:6

Eite theampo ih maw siat zo hi. Ih ngamtatna a phabelte ngawngawn a nincip hi siat hi. Ih mawnate hangin vui ii letkeak thingteekote taw ih kibang hi.

Jeremiah 13:24

Sennealngam pan a hong va vui in taangphaw a muutkeak bangin Topa in note hong thethaang tu hi.

Jeremiah 14:17

Topa in ka khuangaina thute mipite tungah hi bangin son tu in kei hong sawl hi: “Sun zong zan zong ka thitui luang tahen, tawp hun nei ngawlin kap ka tong, banghang ziam cile ka mite nasia tatakin kiliamsak a, na sa uh hi.

Jeremiah 23:19

Ama ii thin uukna sia vuipi nguapi bangin mi seksolte ii lu tungah puaktham tu a,

Jeremiah 4:12

Topa ii sawlna taw a va vui sia tuasia sangin thahat zaw tu hi! A mite tungah thukhenna a pia sia Topa ama mama ahi hi.

Jeremiah 8:19

Ngai vun! Ngamsung mun theampo ah ka mite ii kaana aw ka za hi, “Zion khua ah Topa om nawn ngawl ziam? Zion ii kumpipa tua munah om nawn ngawl ziam?” ci in kap uh hi. Amate ii kumpipa ahi, Topa in zo kik a, “Banghangin na milimte na biakna le a man nei ngawl na ngamdang pathiante na paaina uh taw in kei hong thin uuksak nu ziam?” ci hi.

Jeremiah 9:1

Ka lu sia tuikhuk hi hen a, ka mitte thitui ii naak khat hi le uuk ing, tua hi thong le a kithatlum ka mite atu in a sun a zanin ka kap zo tu hi.

Jeremiah 9:7

Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Kaa late 2:11

Ka ka kaana in ka mitte paat zo a, ka thin na mama hi. Ka mite lalna hangin hee in ka tha zawm ngawp hi. Patangnote le nausente khuapi lampite ah butthi uh hi.

Kaa late 3:48

Ka mite siatna hu in ka thituite ngun bangin luang hi.

Kaa late 4:10

Ka mite tungah a tung tuasiatna sia cizat huai mama hi, a nute in a neak tu in a tanote huan uh hi.

Kaa late 4:3

Ngiapui khat ngawngawn zongh in a note ou tu hi, ahihang ka mite ahile a tate tungah a ngilo kalaoh vacim puite bang ahi hi.

Kaa late 4:6

Ka mite sia thakhat thu in Pathian khut sa a thuak Sodom a teang mihingte sangin nasia zaw in daan kipia hi.

Ezekiel 17:10

Hi hi, hi sapitkung sia a kisuan ma hi, ahihang hingin a khang natu ziam? Nisuana sang vui in a nawk ciang vul ngawl tu ziam? A kisuanna munah vul ngawl tu ziam?” ci hi.

Ezekiel 19:12

Ahihang a thin uuk khutte in a zung pan longhto in lei ah vawk uh hi. Nisuana vui in a ngate kosak hi. A baakte kithiaktan a; ko in kihaltum hi.

Hosea 13:15

Israel in lopa bangin pung hikale, sennealngam pan nisuana vuisa khat ka vasak tu a, a tuinaakte le a tuikhukte ka kangsak tu hi. Tua vuisa in a mannei na theampo lenmang tu hi.

Hosea 13:3

Tua ahiciang hi mite in zingsang mokkaaite bangin mang tu a, nisua tuung a bo daaituite taw kibang hi. Amate sia taangcilna phual pan, vui ii seamkeak a site bang, meikhu suana pan meikhu bang hi tu hi.

Hosea 4:19

Amate vuipi seam bangin kiseamkeak tu a, a lawki sangaw biakpiaknate hangin amate maizum nga tu hi.

Habakkuk 1:11

Tua zawkciang a thahatna sia amate ii pathian ahi, hi mite, sia vuiva bangin paisuak a bo uh hi,” ci hi.

Habakkuk 1:6

Tua a kiitakhuai a om thong thei ngawl Babylon te tungah vaangletna ka pia tu hi. Amate in ngamdangte a zawthal natu in leitung theampo ah kuan tu hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Luke 3:17

Ama in ankheap natu taangkheaplaw, a khut sungah toai zo hi, zungtaangte hong kheap tu a, a tang teng saal sungah khawmtua in; a theap teng a mit ngeingawl meikuang sungah hal tu hi,” ci hi.