Jeremiah 4:1 - Syin Chin Bible

¹ Topa in, “Irsael mite awng, na kiheak nuam uh le, kei kungah hong heak kik tavun. Ka tungah nong thumaan a, ka ngaimawk milimte na vawk uh le,

Jeremiah 4:1 Iomraidhean Croise

Pianciilna 35:2

Tua ahiciang Jacob in a innkuan puite le a ompui teng tungah, “Ngamdang pathian milim na nei te vawk vun a; noma le noma kithiansua in, puanthiang silh vun.

2 Kumpite 23:13

Josiah in Kumpipa Solomon ii saksa Jerusalem nisuana sang Olive Mual thang sangah a om a thasiathuai milim biaknataute — Sidon numeipathian Astarte, Moab pathian Chemosh, Ammon pathian Molech milim biaknate lalsak hi.

2 Kumpite 23:24

Thiampi Lianbel Hilkiah ii Biakinnpi sung pan a mu Thukham laibu sungah a ki at te bang ngamtatsak natu in Kumpipa Josiah in Jerusalem pan le Judah ngam lei dang panin, thaa sam thei te theampo, aisaan theite, bangkua pathiante, milimte, a dang doai sepna in a zak nate a vekpi in heam siat hi.

2 Khangtaanghthu 15:8

Asa in Oded ii tapa Azariah ii kamsaanna a son sia a zaak ciang tha nga hi. Ama in Judah le Benjamin ngam sungah a om milimte theampo le Ephraim mualtung ngam pan a laak khuapite sungah a om milimte theampo vawk siat hi. Ama in biakinn leitual ah a om Topa ii biaknatau zongh pua kik hi.

2 Khangtaanghthu 33:8

Israel mite in ka thukham theampo zui in ka naseampa Moses ii amate a piak Thukham buppi a zui uh le a taanghpupite tungah ka piak ngam panin a kinawkeak tu ka oai buatu hi,” a ci sa hi.

2 Khangtaanghthu 34:33

Josiah kumpipa in Israel te neisa a ngam sungah a om a kiihuai milim theampo susia hi, tuaciang ama nuntak lai teng mipite in amate taanghpupite ii Pathian, Topa na seamsak hi.

Isaiah 31:6

Pathian in, “Israel mihingte awng, kei tungah nong maw zo uh a, nong langpan zo uh hi. Ahitazong tu in kei kung hong zuan kik tavun!

Jeremiah 15:19

Hi thu taw kisai in Topa in, “Nong heak kik ahile kong la kik tu a, ka naseampa na suak kik tu hi. Thu mannung ngawl po na son sangin thu manpha thu taknei na son le, ka kamsaang na suak kik tu hi. Mipite sia nang kung hong zuan kik tu a, amate kungah nang na pai kul ngawlzaw tu hi.

Jeremiah 15:4

Hezekiah ii tapa Manasseh in Judah ngam ah kumpi a sep laitakin Jerusalem khua ah a vawt thute huu in tuate taw leitung mite theampo ka liinglawngsak tu hi,” hong ci hi.

Jeremiah 18:11

Tua ahikom tu in, Judah mite le Jerusalem mite kungah amate siatsak tu tupna nei a daan pia tu in a kinging sa in ka om sia son in. Mawna khialna vawtin a nuntaknate a kheal natu — a omziate le a nasepte a lai natu in amate tungah son in.

Jeremiah 24:9

Amate tungah tuabang tuasiatna ka thengsak tu a, leitung minamte theampo patau tu uh hi. Mite in amate sia ciammuina lelin nei a, nunau selno in, amate ka thethaangna mun theampo ah a min uh sia kihaamsiatna in zangh tu uh hi.

Jeremiah 25:5

Nang le na taanghpupite ii a tawntung na lua tu in Topa ii hong piaksa ngam sungah na teen tan thei natu uh in, na seksolnate le a sia na ngamtatnate panin na kikheal natu uh kamsaangte in no tungah hong son zo hi.

Jeremiah 3:1

Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Jeremiah 3:12

Ama in kei tungah Israel te kung pai in hong sawl a, “Thumaan ngawl Israel awng, ka kungah hong pai kik ta'n. Keima in ka hesuak thei a, ka thin uuk ngawl tu hi; nang tungah a tawntungin ka thin a uuk buatu hi.

Jeremiah 3:14

“Thumaan ngawl mite awng, hong pai kik tavun; keima ii neisa na hi uh hi. Khuapi sim panin khat tek le bee le phung sim panin nii tek kong la tu a, Zion mual ah kong puak kik tu hi.

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 36:3

Judah mite in amate susia tu a ka sawmna thute theampo a zaak uh ciang, a tatsiatnate panin kikheal tha tu uh hi. Tuasia ciang a seksolna le a maw a khialnate ka maisak tu hi,” hong ci hi.

Jeremiah 4:4

No, Judah mite le Jerusalem khua mite awng, na Topa ahi keima taw na vawt uh thuciamna sia keamcing vun a, ka tungah hong ki aap tavun. Tuabangin na hi bua uh le, a siate na vawtna uh hu in ka thin uukna sia mei bangin kuang tu hi. Tuasia kuangin tua meikuang a mit tu kuama om ngawl tu hi,” ci hi.

Jeremiah 7:5

“Na nuntakzia uh kheal vun a, na sep na vawt uhte tawlnga vun. Khat le khat a pha in kivawt vun.

Jeremiah 7:7

Na kikheal uh le, na taanghpupite tungah a nei top tu ka piaksa hi ngam sungah kong teang suaksak tu hi.

Ezekiel 11:18

Amate hong heak kik uh ciangin, a ninnoi a kiihuai milim a mu theampo a vawk keak tu uh hi.

Ezekiel 18:13

tuaciang, a meet deina taw sum pukthaak hi. Ama a nungta tu ziam? Nungta vet ngawl tu hi. Ama in hi a kiihuai nate theampo vawt ahikom thi tu hi. Ama ii thina tungtaang ama kimawsiat tu hi.

Ezekiel 43:9

Tu in amate sia pathian dangte bia nawn ngawl tu a, a kumpite ii luangte heam tu uh hi. Tuabang a ngamta le, amate sungah ka teang tawntung tu hi,” hong ci hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 2:2

Ka tate awng, ama sia ka zi hi nawn ngawl a, keima a pasal ka hi nawn ngawl hang na nu tungah na thuum vun. Ama ii hong palngulna le pumpi kizuakna a kheal natu in thuum vun.

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Joel 2:12

Topa in “Ahihang tu mama zongh in, thintak taw kisiik kik in kei kungah an tanna, kaana le mauna taw hong heak kik tavun.

Zechariah 1:4

Na taanghpupite taw kibang nawn heak vun. Khuangeipi lai in kamsaangte in amate kungah ka thupuak sonin, ngamtat sia, mawna taw a nuntak nawn ngawl natu in thuhil uh hi. Ahihang amate in ka thu hong ngai nuam ngawlin hong mang nuam bua uh hi.

Thuhil kikna 27:15

“ ‘Suang, thing ahibuale leisung sumpiangte taw milim vawt a, tuasia a bia ku pawpo tungah Pathian haamsiatna tung tahen; Topa in milim biakna ngaimaw hi.’ “Tuasia ciang mipi theampo in ‘Amen!’ ci in zo tu uh hi.

Thuhil kikna 4:30

Note ngim thuak in, tua thute no tung hong tun ciang, a khakbel in Topa kungah na heak kik tu uh a, a thu na ni tu uh hi.

Joshua 24:14

“Tua ahiciang, tu in, Topa zatak vawt vun a, thintak le thumaanna taw a na seam vun,” ci in Joshua in a thu son zom a, “Mesopotamia le Egypt a na taanghpupite ii biak pathiante vawk vun, Topa atu bek seam vun.

Thukhente 10:16

Tua ahikom amate in ngamdang pathiante vawkin, Topa bia uh hi; tuasia ciang ama sia Israel te ii ngim ngana tungtaang ah a thinnuam ngawl hi.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.