Jeremiah 39:8 - Syin Chin Bible

⁸ Tua hun sung ma in Babylon te in kumpi inn le mipite ii innte haltum a Jerusalem khua luphungte sutham uh hi.

Jeremiah 39:8 Iomraidhean Croise

2 Kumpite 25:8

Babylon kumpipa Nebuchadnezzar ii kumpi maan kum sawm le kum kua kum, a tha nga na, a ni sali ni in kumpipa thudokpa le a ngalkaphonpi ukpa Nebuzaradan sia Jerusalem ah tum hi.

2 Khangtaanghthu 36:19

Ama in Biakinnpi le khuapi sia a kumpi innte le a nei a lam theampo taw haltum in khuapi uumna luphungte sutham hi.

Nehemiah 1:3

Amate in, kei tungah a nungta lai teng a khua a tui a zot uh ciang haksatna lianpi a thuaknate le a kiim a paam a teang ngamdangmite ii a nomuna thu teng hong ko uh hi. Amate in Jerusalem luphungte a cimhtham in om lai a, kongpite a kihaltum pan kipan a kivawt kik ngawl laina thute zongh hong son uh hi.

Psalm Late 79:7

Banghang ziam cile amate in na mite thatlum zo hi; na ngam zaancipsak hi.

Isaiah 5:9

Vaanglianbelpa Topa in, “Hi a lian a pha inn theampo a hawm suakin lal tu hi.

Jeremiah 17:27

Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.

Jeremiah 21:10

Hi khuapi sia khe tuan ngawlin suksiat tu in ka thin ka khensat zo hi. Babylon kumpipa khut sungah kipia tu a, ama in mei taw haltum tu hi. Keima, Topa in ka ci zo hi.”

Jeremiah 32:29

mei taw hal tu uh hi. Kei hong thin uuksak a innkhum tung a Baal atu ngimnamtui a halna le a dang pathian te atu sapittui sungsukin a biakpiakna mun ahi innte haltum tu hi.

Jeremiah 34:2

Topa Israel ii Pathian in Judah kumpipa Zedekiah kungah pai in hi bangin son ta'n, “Keima, Topa in hi khuapi sia Babylon kumpipa khut sungah ka aap tu a, ama in haltham tu hi.

Jeremiah 34:22

Keima in thu ka pia tu a, hi khuapi ah amate hong heak kik tu uh hi. Amate in tua khuapi simin la tu a, mei taw haltham tu uh hi. Keima in Judah ngam khuate sia kuama ii teen ngawlna sennealngam khat bang ka suaksak tu hi. Keima, Topa in ka son zo hi,” hong ci hi.

Jeremiah 37:10

Babylon ngalkap buppi na zo zong, a taanglai a liamte bekma puanbuk sungah lum lai ahi hial uh zong, tuate ma hong thoto veve tu a, hi khuapi haltum tu uh hi.”

Jeremiah 38:18

Ahihang na tum bua le, hi khuapi sia Babylon te khut sungah ki aap tu a, amate in haltum in amate ii khut sung panin na suakta buatu hi,” a ci teng ka son hi.

Jeremiah 5:10

Ka mite ii sapithuante ah a nguite saattan tu in ngalte ka paisak tu hi, ahihang a vekpi in ka susiasak buatu hi. A baakte heu in ka sawl tu hi, banghang ziam cile a baakte sia kei aa hi ngawl hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Kaa late 1:10

A ngalte in ama ii a nei a lamh theampo suttol hi. Topa ii Gentile te pai tu a khaamna mun Biakinnpi sung mama ah a ngalte a tum sia ama in mu hi.

Kaa late 2:2

Topa in Judah ngam khuano theampo hesuak ngawlin lalthamsak a, Ngam huukna kulhpite baltham hi. Ama in kumpi ngam le a ukte maizum pia hi.

Kaa late 2:7

Topa in a biaknatau nial a, ama ii a thiangtho Biakinnpi taisan hi. Ama in Biakinn pangte sia ngalte in balthamsak hi. Khatvei lai in lungdamna taw ih biakna munah amate ngalzo in au uh hi.

Ezekiel 16:41

Amate in na innte hong haltumsak tu a, na daan thuakna sia numei honte in hong ensak tu uh hi. Na pumpi zuak sia kong tawlngasak tu a, na lawmpate letsong na piak sia kong tawlngasak tu hi.

Ezekiel 23:47

Tua mi ngilote in suang taw deang tahen a, a namsaute taw simin a tate thalupsakin, a innte haltumsak tahen.

Ezekiel 33:21

Ih sal tan zawk kum sawm le kum nii kum a ni nga ni in, Jerusalem khua pan hong suakta khat in Jerusalem khuapi bo zo hi ci in hong son hi.

Amos 2:5

Tua ahikom Judah tungah meikuang ka khiak tu a, Jerusalem kulhpite ka haltum tu hi,” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.