Jeremiah 39:4 - Syin Chin Bible

⁴ Zedekiah kumpipa le a ngalkapte theampo in a piang thu a mu uh ciang zanlai in khuapi pan a suatak natu hanciam uh hi. Amate sia kumpi huan sung lam tawnin luphungte ngeal kikawnna kongpi lam tawnin, Jordan Kuam sangah suakta uh hi.

Jeremiah 39:4 Iomraidhean Croise

2 Khangtaanghthu 32:5

Kumpipa in khuapi uumna luphungte puuapha in, a tungah ngal vilna tausaangte sa in khuapi uumna pua sangah luphung cian thuana taw ngal nannate khosak hi. Tuaban ah, ama in Jerusalem khua lui mun khen khat ii nisuana sang lei kidipna tungah ngalnanna a sakte zongh puua kik hi. Ama in lum le tei tam mama zongh vawtsak hi.

Isaiah 22:11

tuikhuk a lui sia pan a luangsuk tuite khol natu in khuapi sung sangah tuibeam khat na vawt uh hi. Ahihang nidang lai pekin, hite theampo hong ngealsak le a piangsak Pathian na thusim bua uh hi.

Isaiah 22:3

Na lampuite theampo taikeak in, thaltang khat beak zongh a kaap ma in kiman uh hi.

Isaiah 29:2

tua zawkciang, “Pathian ii biaknatau” a kici khuapi tungah Pathian in siatna thengsak tu hi. Kaana le tauna om tu a, a khuapi buppi sia chi taw a kituam biaknatau khat bang hi tu hi.

Jeremiah 32:4

Zedekiah kumpipa suakta ngawl tu hi. Ama sia Babylon kumpipa khut sungah ki aap tu a, ama taw maitang kisi in thuson tu hi.

Jeremiah 32:5

Zedekiah sia Babylon ah kipaipui tu a, ama kungah ka kihiil kik mateng tua munah om zii tu hi. Babylon te a do hial zongin, zo ngawl tu hi. Keima, Topa in ka ci zo hi”.

Ezekiel 12:12

Amate kumpipa in khuazing sungah a liangko ah a vanh pua in, ama atu a kitolet panghawng panin a suakta tu hi. Ama in a mit hong sawm tu a, a pai natu mun a mu buatu hi.

Ezekiel 12:4

Amate in nang hong mu thei natu in, khuavak lai in saltaang tu bangin na vanh heang in, tuaciangin saltaang tu bangin nitak a na din sia ensak in.

Thiampite 26:17

Ngal na lel natu in kong nungngat tu a, hong ngaimaw te in hong uk tu hi; na patau mama tu uh a, hong del om ngawl napi na tatai tu uh hi.

Thiampite 26:36

“Saltaangin a om note kong patausak mama tu a, vui ii seam thingtee nging sia in note hong taisak tu hi. Ngal kisimna ah ngalte ii del bangin na tai tu uh a, na kiim ah ngal om ngawl napi na liik tu uh hi.

Amos 2:14

Tai manlangte zongh suakta ngawl tu uh hi; mihing thakhote a tha bo tu a, tuaciang ngalkapte zongh in a nuntakna uh kihuu zo ngawl tu uh hi.

Thuhil kikna 28:25

“Topa in na ngalte in hong zosak tu hi. Note in mun khat pan na sim tu uh a, ahizong mun theampo ah na tai tu uh hi, note tungah thupiangte a mu uh ciang leitung mihingte theampo lau mama tu hi.