Jeremiah 32:9 - Syin Chin Bible

⁹ Hanamel tung panin tua lo ka lei a, ama atu in khaiteena taw ka tee hi; a man sia ngunntang sawm le sali tung hi.

Jeremiah 32:9 Iomraidhean Croise

Pianciilna 24:22

Ngaknu nu sia tua teng a man zawkciang, tua pa in a manham khamh kual khat la in, ama naak ah baasak a, khamh hak lian nii zongh la in a baan ah bunsak hi.

Pianciilna 37:28

Midian te sum vawt pawlkhat hong thet nai ciang a suapuite in Joseph tuikhuk sung pan kaito kikin, Ishmael te tungah ngunn dangka kul taw zuak a, amate in Egypt ah paipui uh hi.

1 Kumpite 20:39

Kumpipa hong kaantan ciang kamsaang pa in biakpui a, “Kumpipa awng, ngal ka do laitakin ngalkap khat in a ngal mat khat kei kungah hong paipui a, ‘Hi sia pa cing in; a suakta napo le na nuntakna taw lul tu ni hi, tua ahibuale zong ngunntang tulthum liau tu ni hi,’ hong ci hi.

Nehemiah 5:15

Ka mai ah ngamukmang a seam peuma mipite ii vanhngit hi a, ni simin a an tu le a sapittui tu in ngunn dangkatang 40 veu ngen uh hi. A naseamte ngawngawn in mipite nengcip hi. Ahizong keima in Pathian zakta ka hikom tuabangin ka ngamta bua hi.

Esther 3:9

Kumpipa awng, na lung a kim le, amate a kithalup natu in thutan in. Tuabangin thu na tan le kumpi ukna ngam vaihawmna sungah zak tu in kumpi sum le vanh manpha sungah keima ngunntang kilogramme 340,000 vaal kong piak tu in kong kamciam hi,” ci in son hi.

Pusuana 21:32

Khuital in sila numei khat ahibuale sila pa khat a silum le ngan neipa in sila topa tungah sum ngunntang sawmthum pia tu a, tua khuital suang taw kideanglum tu hi.

Isaiah 55:2

Banghangin ngilva dangva na ngawl po in sum zangh thawthong nu ziam? Banghangin na thalaw sa sumte zangh napi ngilkial lalai nu ziam? Hong ngai tavun a, kong ci bangin seam vun, tua hile an limbel na ne tu uh hi.

Ezekiel 4:10

Ni khat in anluum gram 230 veu hong kipia tu a, a zing ciang dong na khom tu hi tu hi.

Hosea 3:2

Tua ahikom tua nu ka lei natu in ngunn dangka sawm le nga le mangtaang kilogramme 150 ka pia hi.