Jeremiah 32:2 - Syin Chin Bible

² Tua hunin Babylon kumpipa ii ngalkaphonpi in Jerusalem sim a, kumpipa innhuang sungah kei hong khacip hi.

Jeremiah 32:2 Iomraidhean Croise

2 Kumpite 25:1

Zedekiah in Babylon kumpipa Nebuchadnezzar leedo ahikom Nebuchadnezzar in a ngalkap hon theampo taw Jerusalem sia Zedekiah ii kumpi maan a kum kua kum, a tha sawm, ni sawm ni in sim hi. Amate in khuapi pua sangah ngiaphual saat a, a uumci natu in pangte vawtin,

Nehemiah 3:25

Uzai ii tapa Palal in a cingte zum paam kumpi inn tungnung tausaang le luphung ii king pan kipan a khen zom sia, ciang hi; Parosh ii tapa Pedaiah in nisuana sang Tui Kongpi nai le Biakinnpi cinna tausaang kung dong a khen zom sia, ciang hi. (Hi mun sia Ophel kici khuapi taw a kinaina mun hi a, biakinn naseamte teenna hi.)

Psalm Late 88:8

Ka ngualtamhte in kei hong taisansak zo ni hi; amate atu in kei sia a kiihuai nong suaksak zo hi. Kei sia hong kikhabil a, ka suakta thei bua hi;

Jeremiah 32:3

Zedekiah kumpipa in kei sia tua munah thong hong khum a, Topa ii son bang a ka taangko hu in kei hong mawsiat hi, Topa sonna pan, “Babylon kumpipa in hi khuapi ka lasak tu a,

Jeremiah 32:8

Tua zawkciang, Topa ii hong son bangma in, Hanamel sia ka omna zum huang sung, ka kungah hong pai in tua lo lei tu in kei hong sawl hi. Tua ahikom Topa in keima tungah hong son tatak hunlam ka he hi.

Jeremiah 33:1

Kumpi innhuang sungah thongtaak a ka om laitakin Topa ii thupuak sia ka kung hong theng kik hi.

Jeremiah 34:1

Babylon kumpipa Nebuchadnezzar, ama ngalkaphonpi le amate a hu a khutnuai ah a om minamte theampo ii ngalkapte in Jerusalem le a naina khuate a sim uh lai in Topa in keima hong paupui hi.

Jeremiah 36:5

Tuaciang keima in Baruch tungah a nuai ah kihilnate ka pia hi: “Keima in Biakinnpi sungah pai thei natu thu ka nga nawn bua hi.

Jeremiah 37:15

Amate ka tungah thin uuk mama in hong saatsak in zum thuzeakpa Jonathan ii inn, thonginn a, a kivawt inn sia sungah hong khum in taw hong kalhcip uh hi.

Jeremiah 37:21

Tua ahikom Zedekiah kumpipa in kumpi innhuang sungah kei hong kikhum natu in thu hong pia hi. Tua munah ka om a, khua sungah anluum a bo siat dong ni simin anluum lum khat veu anluum vawtna panin kei hong kipia hi.

Jeremiah 37:4

Tualai hunin thong sungah kei hong kikhum ngawl lai a, mihonpite sungah ka vak kawkoai thei lai hi.

Jeremiah 38:13

tuasia ciang amate in tuikhuk sung panin kei hong kaito in hong pusua hi. Tua zawkciang kumpi innhuang sungah kei hong keam hi.

Jeremiah 38:6

Tuaciang amate in kei hong paipui a, kumpi innhuang sungah a om, kumpipa tapa Malchaiah ii tuikhuk sungah khau taw hong khiasuk uh hi. Tuikhuk sungah tui om ngawlin, buan bek om a, tua buan sungah ka tumsuk hi.

Matthew 5:12

Na thinnuamsak vun, lungdam vun, banghang ziam cile vantung ah na thaman saan tu hong kikoisak sia lian mama hi. Taanghlai kamsaangte zongh tuabang ma in, na kivawtsia hi.