Jeremiah 3:9 - Syin Chin Bible

⁹ a maizum ngawl het hi. Ama in ngam ninsak hi, suangtum le thingkungte a biakna taw in palngul khialna vawt hi.

Jeremiah 3:9 Iomraidhean Croise

Isaiah 57:3

No, mimawte awng, thu khenna thuak tu in hi munah hong pai tavun! Note in aisaante, nupa kipalngulte, le pumpi zuak numeite sangin na phazaw tuan bua uh hi.

Isaiah 57:6

Tua mun panin suangnealte la in pathiante bangin na bia uh hi. Biakpiakna in amate tungah sapittui na buak uh a antang na puak uh hi. Hi bang teng theampo diksa tu in nong um uh ziam?

Jeremiah 10:8

Amate theampo ngoai in mawmaw uh hi. Thing taw kivawt milimte kung pan amate in bang sin thei tu ziam?

Jeremiah 16:18

Amate ii mawna khialna le seksol nate hu in a zaa nii ka liausak tu hi, banghang ziam cile mithi luangte bang a nuntakna a nei ngawl milimte taw amate in ka ngam ninsak uh a, amate ii a maan ngawl pathiante ka ngamsung kidimsak hi,” ci hi.

Jeremiah 2:27

Thingkung khat sia ka pa hi, suangtum khat sia ka nu hi a cite — no teng na mai uh zum tu hi. Keima kung hong zuan ngawl a puapial na hi uh kom hi thu piang tu hi. Ahihang ngimna na thuak uh ciang hong hun tu in hong pai ta'n ci in nong ngen uh hi.

Jeremiah 2:7

Keima in amate thaw an laaknate le a dang a phate a nga natu in leiphana mun ka thetpui hi. Tua hi napi amate in ka ngam siasak zaw a; amate ka piaksa ngam ninsak uh hi.

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Ezekiel 16:17

Ngunn le khamh kizepna kong piakte la in, pa milimte vawtna in na nei a, tuate taw palngul mawna na vawt hi.

Ezekiel 23:10

Amate in a puan suutsakin a pumnguak a koi zawkciang, a tapate le a tanute matsakin ama sia namsau taw thatlum uh hi. Mun theampo ah numeite in tua nu ii thuakna teng nawnsem uh hi.

Ezekiel 23:21

(Oholibah awng, Egypt ngam ah na ngaknutno lai in na paktat nate, pasalte ii na noai hong sawsak a, ngaknut thianthona bosua a na tat bangin na paktat kik nuam hi.)

Ezekiel 23:3

A khanmoi lai in Egypt ngam ah ngaknu thiangtho a hina bosua a, pumpi zuakte suak uh hi.

Hosea 2:2

Ka tate awng, ama sia ka zi hi nawn ngawl a, keima a pasal ka hi nawn ngawl hang na nu tungah na thuum vun. Ama ii hong palngulna le pumpi kizuakna a kheal natu in thuum vun.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Joel 1:19

Topa awng, nang kong ausan hi, banghang ziam cile mei ii halthap bang keakin nganthana le thingkungte kongaw hi.

Habakkuk 2:19

Nang a lal na hi zo hi! Thingbek khat tungah “Khanglo in!” tua ahibuale suangtum khat tungah “Tho in!” ci ni hi. Milim in na khat pawpo hong lak thei ziam? Khamh le ngunn taw kituam tha tu hi, ahizong a sungah nuntakna om ngawl hi.

Matthew 5:32

Ahihang tu in kong ci in ah: a zi ii thumaan ngawlna simngawl thudang taw pasal khat in a zi khul a, tua nu in pasal dang khat a nei kik le, nupa palngul mawna a vawtsak suak hi. A pasal kik sia zongh in, nupa palngul mawna vawt ahi hi.