Jeremiah 3:6 - Syin Chin Bible

⁶ Josiah, kumpi in a maan lai in, Topa in kei tungah, “Tua a thumaan ngawl numei, Israel ngamtatna na mu zo ziam? Ama in kei hong taisan zo a, mual saangna theampo tung le thingkung hing theampo nuai ah pumpi kizuak numei khat bangin ngamta zo hi.

Jeremiah 3:6 Iomraidhean Croise

1 Kumpite 14:23

Amate in pathian theamte biak natu in biakna munte vawt a, mualtung le thinglim nuaite ah biak tu in Asherah limte le suangkhuamte phut uh hi.

2 Khangtaanghthu 34:1

Josiah in kum liat a phak ciang Judah kumpi suak a, Jerusalem panin kum 31 sung uk hi.

Psalm Late 106:39

A ngamtatna uh taw amate le amate kininsak in Pathian tungah a thumaan bua uh hi.

Isaiah 57:3

No, mimawte awng, thu khenna thuak tu in hi munah hong pai tavun! Note in aisaante, nupa kipalngulte, le pumpi zuak numeite sangin na phazaw tuan bua uh hi.

Isaiah 57:7

Mual saangte tungah biakpiakna pia tu le numei le pa khialna vawt tu in na pai uh hi.

Jeremiah 1:2

Amon ii tapa Josiah sia Judah kumpi a sua zawk kum sawm le kum thum a cin kum in Topa in Jeremiah paupui hi,

Jeremiah 11:10

Amate in ka thu hong nial, a taanghpupite ii mawna khialna teng ma vawt kik uh hi; Amate in pathian dangte bia uh hi. Israel le Judah mite in a taanghpupite taw ka vawt khop thuciamna paltan zo uh hi.

Jeremiah 17:2

Na mite sia numeipathian Asherah atu in ngamsung thingkung hing theampo ii kung, mualno dawnte

Jeremiah 3:8

Israel sia keima kung pan tai zo a, pumpi kizuak numei khat suak zo ahi hu in ama khul a, ka nawkeakna thu sia Judah zongh in mu hi. Ahihang Israel ii a thumaan ngawl a suapuinu Judah sia lau ngawl hi. Ama zongh pumpi kizuak khat suak a,

Jeremiah 31:22

Bang tanvei haisaang tu nu ziam, upna nei ngawl mihingte awng? A thak le a tumdang na khat ka bitphua zo a, numei khat in pasal khat a sungsiat bangin tumdang hi,” ci hi.

Jeremiah 5:11

Israel mite le Judah mite in kei hong leeheak cip zo uh hi. Topa keima in ka son zo hi,” ci in dongh hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Ezekiel 16:31

Lampi lian theampo tungah milim biakna tu le pumpi kizuak natu omna munte na vawt hi. Ahihang pumpi kizuak pawpo bangin sum dei na hi bua hi.

Ezekiel 16:35

Tua ahiciang tu in, Jerusalem, nang pumpi zuak nu! Topa ii hong ci teng ngai in.

Ezekiel 20:28

Ka piak tu a kamciam ka piaksa ngam ah ka paipui hi. Mualsaangte le thingkung hing te a mu uh ciang amate in tuate theampo tungah sangaw biakpiakna pia uh hi. A sangaw meihal biakpiakna le sapittui biakpiakna te in kei hong thin uuksak hi.

Ezekiel 23:11

“A suapuinu Oholibah in mu ahihang ama sia Oholah sangin zongh khai zaw a, pumpi zuak hi kaan zaw hi.

Ezekiel 23:4

A u zaw ii min sia Oholah (ama sia Samaria taang) hi, tuaciang a nau zaw sia Oholibah (ama sia Jerusalem taang) hi. A nii in ka teenpui a, amate in tate hong hinpui uh hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 4:13

Amate in mualpi dawn mun thiangthote ah sangaw biakpiaknate pia in, mualnote tung thingkung a saang, a boaite nuai ah ngimnamtui hal uh hi, banghang ziam cile tua thinglim te nuam mama hi! “Tua hu in, na tanute sia pumpi zuakte suak a, na mote in palngul mawna vawt uh hi.

Thukhente 2:17

Ahihang Israel te in a lampuite sia awlmawk vawt ngawl uh hi. Israel te Topa tungah thumaan ngawlin pathian dangte bia uh hi. Amate ii pate in Topa thupiakte ni hi, ahihang hi khangthakte in thu ni nawn ngawl paih uh hi.