Jeremiah 3:3 - Syin Chin Bible

³ Tua hu in nguatui hang a, khuapi nguazu ngawl hi. Numei kizuak khat taw na kibang hi; maizumna na nei bua hi.

Jeremiah 3:3 Iomraidhean Croise

Pianciilna 19:34

A zing ciang a unu in a suapuinu tungah, “Zeini zan in ama taw ka lumkhawm hi; tu nitak zong sapittui ih khamsak kik tu a, nangma taw na lumkhawm tu hi. Tuasia ciang ih unau in ih pa taw ta khat veve ih nei tu hi,” ci hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Paunakte 21:29

Thumaan thutang mihingte in amate le amate kimuang uh hi; a seksol mihingte in a thiam thei za in a kivawttawm uh kul hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Jeremiah 14:1

Nguatui hanna taw kisai in Topa in kei tungah,

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Jeremiah 14:3

Sumhau mite in a naseamte tui toai tu in sawl a; amate tuikhukte ah a pai uh le, tui om ngawlin a bealhawm nguak taw heak kik uh hi. Thinkiam lungmangin, amate in a mai uh seal hi.

Jeremiah 14:4

Nguazu ngawl ahikom leiko ngawp a, lothote lungmang mama in, a mai uh seal hi.

Jeremiah 36:2

“Laizial khat la in a tua tungah Israel le Judah le minamte theampo ii thu kong sonte at in. Josiah kumpi a sep lai in, na tungah kong son masak phit pan kipan tuni dong kong sonte theampo at in.

Jeremiah 5:24

Keima in a hun ciangin tuuk ngua le khaal ngua hong zusakin kum simin anlaak hun hong pia hi napi in kei zatak tu na ngaisun ngei bua uh hi.

Jeremiah 5:25

Na mawna, na khialnate uh in hi naphate na nga tu uh hong khaktan hizaw hi.

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Jeremiah 6:15

Hi a kiihuai nate a vawt uh hu in amate a maizum ziam? Hi ngawl hi, maizum dek ngawl a; maizum natu zia zongh he ngawl uh hi. Tua ahiciang midangte ii puk bangma in amate puk tu uh hi; amate daan ka piak ciang, amate bona hi tu hi. Keima Topa in ka son zo hi,” hong ci hi.

Jeremiah 8:12

Ka mite awng, hi a kiihuai nate na vawt uh manin na mai uh a zum ziam? Hi ngawl hi, na mai uh zum vet ngawl hi; maizum natu zia zongh na he bua uh hi! Tua ahikom midangte puk bangma in na puk tu uh hi; daan kong piak ciang na bona uh hi tu hi. Keima Topa in ka son zo hi.

Jeremiah 9:12

Keima in, “Topa awng, hi ngam sia kuama khualhaw ngawl natu in banghangin kisia cip a sennealngam bangin kongaw ziam? Akua in hi bang thute a tel thei tu za in ciim tu ziam? Midangte tungah sonsawn thei tu in akua tungah na thiang son zo ziam?” ci in ka dongh hi.

Ezekiel 3:7

Ahihang Israel mite khat zongh in hong ngai nuam ngawl tu hi, amate in kei pau ngawngawn hong ngai ngawl tu hi. Amate theampo sia thinpui in nalh nopna thin vive nei uh hi.

Thiampite 26:19

Na thinpui kiphatsakna ka sumai tu hi; nguatui hang a, na leitangte ko in thik bangin sak tu hi.

Amos 4:7

Na lo ante ii kisapbel hun laitakin nguatui ka hangsak hi. Khuapi khat sungah ngua ka zusak a, khat sungah ngua ka hangsak hi. Lo khat sungah nguazu a, a dang lo khat kocip hi.

Amos 4:8

Dangkona taw tha zawmin, khuapi tam ma ii mite sia khuapi khat ah tui mu tu ki um in a pai uh hang neakkhom tu a om bua hi. Tua hi napi, kei kung nong zuan kik tuan bua lai uh hi.

Zephaniah 2:1

A maizum maw minam awng,

Zephaniah 3:5

Ahihang khuapi sungah Topa om lai hi; ama in a maan bang seam a, a hi ngawlte vawt ngeingawl hi. Zing sim a pealmaw in a mite tungah thutang lak hi. Tua hi napi thutang ngawl mite in a maan ngawlte ma vawt tan viuveu a, a mai uh zum ngawl hi.

Haggai 1:11

Keima in leitang tung — a mualte, anciinna lote, sapithuante, olive ciinnate tung — lei pan a piang an namcin tung, mihingte le ngannote tung, na ciin sa theampo tungah nguatui kong hangsak hi,” ci hi.

Thuhil kikna 28:23

Nguazu ngawl tu a, na leitangte thik bangin sak tu hi.

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!