Jeremiah 3:25 - Syin Chin Bible

²⁵ Eite maizum in, lum in ih maimawlna in hong seal tahen. Eima le ih taanghpupite sia Topa ih Pathian tungah ih khial tawntung zo hi; ama ii thupiakte ih zui ngei bua hi,” ci nu hi.

Jeremiah 3:25 Iomraidhean Croise

Psalm Late 106:6

Ka taanghpupite ii maw bangma in ko zongh ka maw zo uh hi; kote in seksolin ka ngilo uh hi.

Psalm Late 106:7

Egypt ngam ah ka taanghpupite in Pathian ii a lamdang a sepnate tel ngawl hi; tamvei tak, a itna a lak hunte amate in mangil hi, tuaciangin San Tuipi ah amate in Vaanglianbelpa langpan uh hi.

Psalm Late 109:29

Ka ngalte sia mindaina taw kituam tahen; amate in a maizumna sia puantual bangin silh tahen.

Paunakte 13:18

Kihilna a ni nuam ngawl po sia zawngin mindai tu hi. A kuama po kihil kipauna a ngai sia kizakta hi.

Paunakte 5:13

Ka syate thu ka ngai bua a, amate ka thusim bua hi.

Isaiah 48:8

Note sia a tawntung ngual langpan ci in hong kihe ahikom note sia muan thei tu hi ngawl ci in kong he hi. Tua hu in hi thu na za ngei vet bua uh a, na nakheng sung uh ah hi kammal tum ngeingawl hi.

Isaiah 50:11

Ngualdangte lalcipsak tu a sawm note theampo sia noma ii sawmnate in noma hong lalcipsak tu uh hi. Topa ama mama in hi thu piangsak tu hi; thinngim lungmanna na thuak tu uh hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Jeremiah 14:20

Topa awng, nang tungah kong maw zo uh hi; koma ii mawnate le ka taanghpupite ii mawnate kong pualaak uh hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 2:2

“Na khangno lai in na thumaanna ih kiteen sawng lai a kei nong itnate ka phawk hi; sennealngam, an kicing ngawl leitang kaantanin kei nong zui hi.

Jeremiah 2:26

Topa in, “Nguta khat a kimat ciang a maimawl bangma in, no Israel mite theampo — na kumpite le uliante, na thiampite le kamsaangte hong maimawlsak tu hi.

Jeremiah 20:18

Banghangin piang khi ziam? Ngimna le heena khuangaina bek thuakin maizumna taw ka nuntakna bosak tu in a piang khi ziam?

Jeremiah 22:21

Na nopsak uh laitakin Topa in no hong paupui hi, ahihang na ngai bua uh hi. Na nuntak uh sung theampo tuabang vive hi nu hi; Topa thu na ni ngei bua uh hi.

Jeremiah 3:13

Na khialna le Topa na Pathian na langpannate thiang takin pualaak po in. Thingkung hing theampo ii nuai ah ngamdang pathiante na thangaina taw kong thupiakte na nit ngawlnate pualaak in. Topa keima in ka son zo hi.

Jeremiah 31:19

Nangma kung pan ka puapial uh hi, ahihang kong heak kik paih nuam uh hi. Daan nong piak zawkciangin khuangai in ka kun uh hi. Ka no lai a mawna khialna ka vawt uh hu in maizum, minpaan in ka om uh hi’.

Jeremiah 6:26

Topa in a mite tungah, “Khuangai in, Khau-ip puan silhin vut sungah kilumliik vun. Tapa khat a nei sun sia in a thi san hu in thitui luang in kap vun, banghang ziam cile no hong susia tu hong pai pa in thakhat thu in hong sim tu hi.

Jeremiah 7:19

Ahihang amate ii thin a natsak sia, keima tatak ka hi ziam? Hi ngawl hi, amate le amate kivawtin a na hi a, maizum kipia ahi uh hi.

Jeremiah 8:14

Pathian ii mite in “Banghangin to lalai hi ziam?” ci in dongh uh hi. Hong pai tavun, a muanhuai khuapite ah tai in tua munah ih thi tu hi. Ih Topa Pathian in ei sia a thi tu in hong see zo hi; ama in ih neak tu nguu hong pia zo hi, banghang ziam cile eima in ama tungah ih maw zo hi.

Jeremiah 9:18

Mi honpi in, “Ih mittangte thitui taw a kidim mateng le, ih mitkhute kaana taw a kawt mateng amate hong manlang in, mithi vui la ei hong sak natu son vun,” ci uh hi.

Kaa late 5:16

Ko kiphatsakpui nate khat zongh taang nawn ngawl hi. Kote ka maw uh a, tu in a bo ka hi uh hi.

Kaa late 5:7

Koma taanghpupite mawna hi a; ahihang tu in amate om nawn ngawl hi, amate mawna hu in kote in ngimna ka thuak uh hi.

Ezekiel 2:3

“A thithei mihing awng, Israel mite kungah kong puak tu hi. Amate in hong langpan a, a taanghpupite bangma in hong langpanin tualngalte suak lai uh hi.

Ezekiel 36:32

Israel awng, hi te theampo sia nang atu in a seam ka hi ngawl hunlam na heak tu ka dei hi. Na sep na vawtnate hu in na maizum in na maimawl tu ka dei hi. Keima, Vaanglianpipa Topa in ka pau zo hi.”

Ezekiel 44:13

Amate in thiampite bangin keima ii na seam ngawl tu hi, kei atu a thiangtho khat pawpo ii a nai neak ngawl tu, ahibuale Thiangthobel Mun ah tum ngawl tu hi. Hite in a kiihuai a ngamtatnate hu in daan piakna ahi hi.

Ezekiel 7:18

Amate in khau-ip puan silhin liing ngawp tu uh hi. A lute uh kimeet tol tu a, kimaizumsak tu hi.

Daniel 12:2

A thisate tam mama nungta kik tu uh hi: pawlkhatte sia tawntung nuntakna nga tu uh a, pawlkhatte in tawntung maimawlna thuak tu uh hi.

Hosea 9:10

Topa in, “Israel ka mu phitin sennealngam sungah a po sapitngate mu bang ahi hi. Na taanghpupite ka mu phit hunin thei min hun a, a min masate mu bang ahi hi. Ahihang Peor mual ah hong pai uh ciang amate in Baal a biak hong kipan a, hai ngawlin a khiaklaak pathiante bangma in mu thada huai suak hi.

Zephaniah 1:17

Topa in, “Mihingte tungah tuabang tuasiatna ka tungsak tu a, a vekpi in mittawte bangin lei a zawt tu uh hi. Amate in kei tungah hong maw zo ahikom tu in a chisan uh tui bang in luang tu a, a mithi luangte lei ah kisial in a muat tu hi,” ci hi.

Romete 6:21

Maizum huai na saknate na vawt uh ciangin, bang meetna na nga uh ziam? Tuate taw a kizom thu in thina ahi hi!

Thukhente 2:2

Hi ngam a teang te taw thuciamna vawt ngawl het tu nu hi. Amate biaknataute na baltham nanak tu uh hi,’ ka ci hi. Ahihang kong sawl bangin na ngamta bua uh hi. A lee lalam in na ngamta uh hi!