Jeremiah 3:23 - Syin Chin Bible

²³ Mualdawn ah ih doai biakna in ei hong hu vet ngawl hi. Israel te atu huna sia Topa ih Pathian kung pan bekin hong pai hi.

Jeremiah 3:23 Iomraidhean Croise

Psalm Late 3:8

Ngalzawna sia Topa kung pan hong pai hi — Ama in ama ii mihingte thupha pia tahen.

Psalm Late 62:7

Kei hong kingupna le hong ki upatna sia Pathian tung pan bek hi; ama in a thahat kei hong sungsia pa ahi hi; ama in ka belhna ahi hi.

Paunakte 21:31

Ngalsim natu in siphute na kinging kholsak thei hi. Ahihang ngalzawna hong pia pa in Topa ahi hi.

Isaiah 10:20

Israel mi a suakta teng in amate a mong siatsak dektak minam sia a suan nawn ngawl natu hun khat hong theng tu hi. Amate in Israel te ii a thiangtho Pathian Topa muang takpi tu hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 43:11

“No hong ngum thei tu sia Topa ahi, keima khat bekma ka hi hi.

Isaiah 44:9

Milim a vawt mite theampo mannung ngawlin, amate ii a man neisak mama pathiante sia luithawthong hi. Hi bang pathiante a biate sia a mit uh taw in, bangma he ngawl uh a — amate kimaimawlsak tu hi.

Isaiah 45:15

A mite a ngum, Israel te ii Pathian sia, ama le ama a kiseal Pathian ahi hi.

Isaiah 45:17

Ahihang Israel ahile Topa in ngumin, a ngalzawna a tawntungin kip hi; Ama mite kimaimawlsak ngeingawl tu hi,’ ci in pualaak tu uh hi,” ci hi.

Isaiah 45:20

Topa in, “Ngam tuatuam pan mite awng, a lal kumpi ngamlian pan a suakta mite theampo awng, hong pai tek tavun; thu sit thuak tu in noma na ki aap vun! A thing milimte taw thuangsia khawmin amate a ngum thei ngawl pathian tungah thungen mite — tua mite in bangma heak nei ngawl uh hi!

Isaiah 63:1

“Edom ngam Bozrah khuapi pan hong pai hisia pa akua ziam? Puansan silhin pha tak a kizeam, vaangletna le thahatna taw hong pai hisia pa akua ziam?” “A hun zo tu in vaangletna a nei, ama ngalzawna thu thangsak tu in hong pai, Topa ahi hi.”

Isaiah 63:16

Nangma in kote pa na hi hi. Ka taanghpupi Abraham le Jacob te in ko hong thusim ngawl uh hi, ahihang Topa, kote hong suatak tawntung pa, nangma in kote pa na hi hi.

Jeremiah 14:8

Nangma bekma Israel ii lametna na hi a; nangma bekma in kote tuasiat natu pan hong ngum pa na hi hi. Banghangin ka ngamsung uh ah khualmi khat bangin na om a, zan khat bek a taam khualhaw pa bangin om ni ziam?

Jeremiah 17:14

Topa awng, hong damsak ta'n, tua hile ka dam thiang tu hi; hong suatak ta'n, tua hile ka ngammuang tatak tu hi; kong pok pa sia nangma bek na hi hi!

Jeremiah 17:2

Na mite sia numeipathian Asherah atu in ngamsung thingkung hing theampo ii kung, mualno dawnte

Jeremiah 3:6

Josiah, kumpi in a maan lai in, Topa in kei tungah, “Tua a thumaan ngawl numei, Israel ngamtatna na mu zo ziam? Ama in kei hong taisan zo a, mual saangna theampo tung le thingkung hing theampo nuai ah pumpi kizuak numei khat bangin ngamta zo hi.

Jeremiah 31:7

Topa in, “Minamte sung panin a lianbel, Israel atu in lungdamin lasa vun. Pokna lasa vun, ‘Topa in a mite ngum zo a; a taanglaite theampo suatak zo hi,’ ci vun.

Ezekiel 20:28

Ka piak tu a kamciam ka piaksa ngam ah ka paipui hi. Mualsaangte le thingkung hing te a mu uh ciang amate in tuate theampo tungah sangaw biakpiakna pia uh hi. A sangaw meihal biakpiakna le sapittui biakpiakna te in kei hong thin uuksak hi.

Hosea 1:7

Ahihang Judah mite tungah ka itna ka lak tu hi, keima, amate ii Pathian, Topa in amate ka hun tu hi, ahihang ngal kisimna — namsau, thal le thaltang, ahibuale siphu le siphu ngalkapte ka zangh buatu hi,” ci hi.

John 4:22

No Samaria te in na biak uh akua ziam, ci in he tatak ngawl nu hi; ahihang ko Jew te in, ka biak uh sia ka he uh hi, banghang ziam cile ngupna sia Jew te tung panin hong pai hi.