Jeremiah 3:21 - Syin Chin Bible

²¹ Mualdawnte ah awnging khat kiza hi: tua in Israel mite kaana le thuumna aw ahi hi, banghang ziam cile amate nuntakna sia mawna khialna taw kidimin Topa a Pathian uh a makngil hang ahi hi.

Jeremiah 3:21 Iomraidhean Croise

Job 33:27

Ama in mihonte tungah, “Maw zo khi hi. A maan bang seam ngawl ka hihang, Pathian in hong khoaikhe hi.

Paunakte 10:9

Thumaan mihingte thinmuang hiithiat a, ahizong thumaan ngawlte mat thuak tu hi.

Paunakte 19:3

Mihing pawlkhatte in amate ii mawmawt ngamtatnate taw kilal sua a, tuasia ciang Topa mawsiat uh hi.

Isaiah 15:2

Dibon khua mihingte a thiangtho biakna mun mual tungah kap tu in kaato uh hi. Nebo le Medeba khuapite tungtaang ah khuangai in Moab khua mite nasia takin kap uh hi; a khuangai hu in a samte le a khamulte meet uh hi.

Isaiah 17:10

Israel awng, nang hong suatak a, a thahat suangpi khat bang a hong dal Pathian sia na mangil zo hi. Tuasia taangin, ngamdang pathian khat biak natu in huan thiangthote na vawt hi.

Isaiah 57:11

Topa in, “Kei nong theam a, kei nong makngil cip natu uh in note hong lausak, tua pathiante sia a kuate ziam? Khuangei hial ka thim om hithiat manin kei hong zakta nawn ngawl nu ziam?

Jeremiah 12:12

Sennealngam mun saang na theampo kaantan in hong sut tu in mihingte hong pai zo hi. Ngam buppi susia tu in ngal ka piangsak zo hi; kuama thinnuam thin muangin om thei ngawl hi.

Jeremiah 13:25

Tusia note ii thuak tu ma ahi hi, ama in ci hi. Hisia sia noma taw kisai in ama ii a vawt tu a, a khensat sa hi, banghang ziam cile noma in ama na mangil zo uh a, pathian maan ngawlte na muang zo uh hi.

Jeremiah 18:15

Ahihang ka mite in kei hong mangil zo uh a; milimte kungah ngimnamtui hal uh hi. A tot natu lampi ah lutu zo a, lamluite zui nawn ngawl hi; a kisial ngawl lamzinte tawn uh hi.

Jeremiah 2:32

Ngaknu khat in a kizepna suang manphate, ahibuale mothak khat in a mopuante mangil thei ziam? Ahihang ka mite in a kisim zo ngawl ni tam mama sung hong mangil zo uh hi.

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Jeremiah 31:9

Ka mite lampui in ka heakpui kik laitak amate kap kawm, thungen kawmin hong heak kik tu uh hi. Tui omna lui ah amate lam ka pui tu a, lam nuamna ah amate lutu ngawl tu uh hi. Keima in Israel te ii pa khat bang ka hi a, Ephraim sia ka tapa lianbel ahi hi,” ci hi.

Jeremiah 7:29

“Jerusalem mite awng, kap vun; Na sam uh at tan vun a, vawk vun. Mual dawnah mithi vuina lasa vun, banghang ziam cile keima Topa ka thin uuk a, ka mite ka nial zo hi.

Ezekiel 23:35

Tu in hisia Vaanglianpipa Topa ii ci ahi hi: “Kei hong mangil in hong nungngat na hi ciang na sikvilna le na pumpi zuakna hu in ngim na thuak tu hi.”

Ezekiel 7:16

Pawlkhatte sia leikuamte pan a lau vakhute bangin mual tungah suakta to tu hi. A mawna uh hu in amate theampo mau tu uh hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 8:14

“Israel mite in kumpi innte sa zo ahihang amate in amate a Vawtpa mama mangil uh hi. Judah mite in kulh taw a ki uum khuapite saat uh hi. Ahihang a kumpi innte le a khuapite a kaanghthamsak tu meikuang ka puak tu hi,” ci hi.

Micah 3:9

Thukhaikim ngaimaw in, a maan sia a khial a sua, no Israel ngamukte awng, hong ngai tavun.

Mi Simna 22:32

Vantunglalang in, “Banghang hi bang na laa thumvei saat ni ziam? Hi bang a pai tu hi ngawl na hikom, na mai khak tu in kong pai zo hi.

2 Corinth te 7:10

Banghang ziam cile Pathian ih zak heena in ngupna nga natu in thin kikhealna piangsak hi — tua ii sungah bangma kisii natu om ngawl hi! Ahihang mihing ii heena lel bek in thina piangsak hi.