Jeremiah 3:18 - Syin Chin Bible

¹⁸ Israel sia Judah taw kikop tu uh a, amate in a saltanna ngamsung saksang pan hong paikhawm tekin, na taanghpupite ii a kip a kho in a nei top tu a piaksa ngam ah cia kik tek tu uh hi,” va ci ta'n, ci a hong sawl hi.

Jeremiah 3:18 Iomraidhean Croise

Pianciilna 12:7

Abram kungah Topa kilangh a, “Na suan le na paalte tungah hi ngam ka pia tu hi,” ci hi. Tua zawkciang Abram in, ama ii kungah a kilangh Topa atu in biaknatau khat vawt hi.

Isaiah 43:5

Lau heakin — nangma hong ompui khi hi! “Ni suana a khualana pan le nitumna sang a khuala belna panin, na mite inn ah kong ciapui tu hi.

Isaiah 43:6

Saksangte tungah amate paisak vun ka ci tu a; thangsang te tungah amate khaktan heak vun ka ci tu hi. Ngam khuala na pan le leitung mun theampo panin ka mite heak kik tahen.

Jeremiah 16:15

Amate in, saksang ngam pan le amate ka thethaangna ngamdang theampo panin Israel mite hong paipui, a nungta Pathian, keima min taw kiciam zaw tu uh hi. A taanghpupite tungah ka piaksa amate ngam ah ka ciasak kik tu hi. Keima Topa in ka son zo hi,” ci hi.

Jeremiah 23:8

Amate in saksang ngam pan le amate ka thethaangna ngamdang theampo panin Israel mite a pusua pui, a nungta Pathian, keima min taw kiciam zaw tu uh hi. Tua zawkciang amate sia a ngamsung ma ah teang tu uh hi,” ci hi.

Jeremiah 3:12

Ama in kei tungah Israel te kung pai in hong sawl a, “Thumaan ngawl Israel awng, ka kungah hong pai kik ta'n. Keima in ka hesuak thei a, ka thin uuk ngawl tu hi; nang tungah a tawntungin ka thin a uuk buatu hi.

Jeremiah 30:3

banghang ziam cile Israel le Judah ka mite a ngam ka piak kik tu hun hong theng tu hi. A taanghpupite tungah ka piaksa ngam ah ka heak kik sak tu a, amate in tua ngam tang kik tu uh hi. Keima, Topa in ka son zo hi,” hong ci hi.

Jeremiah 31:8

Keima in amate saksang pan ka paipui tu a, leimong pan ka kaikhawm tu hi. Mittaw peangbaite, numei naupaaite le nausuak dektakte zongh amate taw hong pai tu uh hi, Amate sia minam lian khatin hong cia kik tu uh hi.

Jeremiah 50:20

Tua hun a thet ciang, Israel ngam ah mawna khialna kimu ngawl tu a, Judah ngam ah seksolna om ngawl tu hi, banghang ziam cile a nuntakna ka kheet lai mihingte ii mawna ka maisak tu hi. Keima, Topa in ka son zo hi,” ci hi.

Jeremiah 50:4

Topa in, “Tua hun hong thet ciang, Israel le Judah mite kap kawmin hong paikhawm tu uh a, amate ii Pathian, keima hong zong tu uh hi.

Jeremiah 50:5

Amate in Zion lampi dongh tu uh a, tua zawkciang tua sang ah pai tu uh hi. Amate in keima taw a tawntung kiciamna khat vawt tu uh a, bangma hunin palsat ngeingawl tu uh hi.

Jeremiah 7:7

Na kikheal uh le, na taanghpupite tungah a nei top tu ka piaksa hi ngam sungah kong teang suaksak tu hi.

Ezekiel 11:17

“Tua ahikom, Keima, Vaanglianpipa Topa in ka ci teng amate tungah son in. Ngamdang ah ka thethaang na munte panin amate ka khawmtua kik tu a, Israel ngam ka pia kik tu hi.

Hosea 1:11

Judah mite le Israel mite kingawm kik tu hi. Amate mama in amate atu lampui khat teal tu a, khatvei ma a ngam a lei ah khangto in nuamsa kik tu uh hi. Hi hi, Jezreel ii ni sia ni thupi ni khat hi tu hi!

Hosea 11:12

Topa in, “Israel mite in kei leilot thu le theamna taw hong kiim uum a, Judah mite in kei a thumaan le a thiangtho Pathian hong langpan lai uh hi.

Hosea 2:2

Ka tate awng, ama sia ka zi hi nawn ngawl a, keima a pasal ka hi nawn ngawl hang na nu tungah na thuum vun. Ama ii hong palngulna le pumpi kizuakna a kheal natu in thuum vun.

Amos 9:15

Ka mite ka piaksa ngam sungah ka teangsak tu hi, tuaciang amate kila keak kik ngawl tu hi,” ci hi. Topa na Pathian pau zo hi.

Zechariah 10:6

“Keima in Judah mite ka hatsak tu hi; Israel mite ka suatak tu hi. Keima in amate khuangaihuai ka sa tu a, a vekpi in inn ah ka ciapui kik tu hi. Amate sia ka nial ngeingawl mite bang hi tu hi. Keima in Topa, a Pathian ka hi hi; A thungetnate ka zo tu hi.

Zechariah 2:6

Topa in a mite tungah, “Mun theampo ah note kong thethaang hi. Ahihang tu in, no saltaangte awng, Babylon panin suakta in Jerusalem ah heak kik tavun.