Jeremiah 3:13 - Syin Chin Bible

¹³ Na khialna le Topa na Pathian na langpannate thiang takin pualaak po in. Thingkung hing theampo ii nuai ah ngamdang pathiante na thangaina taw kong thupiakte na nit ngawlnate pualaak in. Topa keima in ka son zo hi.

Jeremiah 3:13 Iomraidhean Croise

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Isaiah 57:5

Ta hong hausak pathiante ka bia uh hi ci in, tua thingkung thiangthote nuai ah numei le pa khialna na vawt uh hi. Luitui luanna hui ah a om suang hawngte sungah na tanote biakpiakna in na pia uh hi.

Jeremiah 14:10

Hi mihingte taw kisai in Topa in, “Amate in kei kung pan tai nuam uh a, tuaciang amate le amate ki uk zo ngawl tu hi. Tua ahikom amate tungah ka lungkim ngawl hi. Khialna a vawt nate ka ciamtee tu a, a mawnate hu in amate daan ka pia tu hi,” ci hi.

Jeremiah 14:20

Topa awng, nang tungah kong maw zo uh hi; koma ii mawnate le ka taanghpupite ii mawnate kong pualaak uh hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 2:25

Israel awng, pathian dangte ii nung na delna taw in na peang toisak heak in a, na dangkosak heak in. Ahihang nangma in, ‘Hi ngawl hi! hong heak kik thei ngawl tu khi hi. Keima in ngamdang pathiante ka it a tuate nung ka zui tu hi,’ na ci hi,” a ci hi.

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Jeremiah 3:25

Eite maizum in, lum in ih maimawlna in hong seal tahen. Eima le ih taanghpupite sia Topa ih Pathian tungah ih khial tawntung zo hi; ama ii thupiakte ih zui ngei bua hi,” ci nu hi.

Jeremiah 3:6

Josiah, kumpi in a maan lai in, Topa in kei tungah, “Tua a thumaan ngawl numei, Israel ngamtatna na mu zo ziam? Ama in kei hong taisan zo a, mual saangna theampo tung le thingkung hing theampo nuai ah pumpi kizuak numei khat bangin ngamta zo hi.

Jeremiah 7:24

Ahihang amate in ka thu ni ngawl, nadon ngawl uh hi. A thinpuina le a thin ngitlo nate ii sawl bangin seam zaw ahikom, amate phazaw ngawlin sia vaial zaw uh hi.

Jeremiah 7:26

Ahihang kuama in thu ngai ngawl, nadon ngawl uh hi. Na taanghpupite uh sangin na thin uh pui zaw in langpan kan zaw nu hi.

Ezekiel 16:15

“Ahihang na mealphatna le na minthanna te suangin hong pai po na luppui hi.

Hosea 5:15

“Keima in a mawna a khialna hu in a thuak tu za in a thuak dong le kei hong zon kik mateng ka mite ka nusia tu hi. Ngimna a thuak ciang amate in kei hong zon tu hanciam tha tu uh hi,” ci hi.

Thuhil kikna 12:2

Na laak tu ngamsung mihingte ii a pathian biakna mun ahi mualsaangte tung, mualnote tung le thingkung hing nuai theampo suksiatsak vun.