Jeremiah 3:1 - Syin Chin Bible

¹ Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Jeremiah 3:1 Iomraidhean Croise

Psalm Late 106:38

Amate in tua mawnei ngawl patangno numeinote thatlum uh a, tua kithalupnate in ngam ninsak hi.

Isaiah 24:5

Mihingte in Pathian thukhamte paltan na taw le a tawntungin a kikhomsuan tu a vawt thuciamna a siatsakna taw leitang ninsak uh hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 2:23

Bangbangin nangma le nangma ka kininsak bua a, Baal ka bia ngei bua na ci thei tu ziam? Munkuam sungah mawna khialna na vawt hi; na vawt sate mu in. Nang sia a zual ngawl kalaoh huuk khat taw na kibang a, leetai kawkoai in

Jeremiah 2:7

Keima in amate thaw an laaknate le a dang a phate a nga natu in leiphana mun ka thetpui hi. Tua hi napi amate in ka ngam siasak zaw a; amate ka piaksa ngam ninsak uh hi.

Jeremiah 22:20

Jerusalem mihingte awng, Lebanon ngam ah pai vun a au vun, Bashan ngam ah pai vun a kap vun; Moab mualtung panin au vun banghang ziam cile na pawlpuite theampo kizo siat zo hi.

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 3:9

a maizum ngawl het hi. Ama in ngam ninsak hi, suangtum le thingkungte a biakna taw in palngul khialna vawt hi.

Jeremiah 31:22

Bang tanvei haisaang tu nu ziam, upna nei ngawl mihingte awng? A thak le a tumdang na khat ka bitphua zo a, numei khat in pasal khat a sungsiat bangin tumdang hi,” ci hi.

Jeremiah 4:1

Topa in, “Irsael mite awng, na kiheak nuam uh le, kei kungah hong heak kik tavun. Ka tungah nong thumaan a, ka ngaimawk milimte na vawk uh le,

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Kaa late 1:2

Zankhuateakin ama kap a; a biangkho ah thitui luang suk vahii hi. A lawm a ngual masa te khat zongh ama heeneam tu taang ngawl hi, A kipawlpuite in ama leeheak zo a, tu in langpan tek ta uh hi.

Ezekiel 16:26

A lan mama na innpaam Egypt te taw na lumkhawm a, na paktatna taw kei nong thin uuksak hi.

Ezekiel 16:30

Vaanglianpipa Topa pauna hisia hi: “Nang in a maizum maw pumpi zuak khat bangin hi teng na seam hi.

Ezekiel 16:35

Tua ahiciang tu in, Jerusalem, nang pumpi zuak nu! Topa ii hong ci teng ngai in.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Hosea 1:2

Topa in Hosea tungtawn a, Israel a paupui phitbel hunin Hosea tungah, “Pai in a, zi nei in; na zi in na vaang hong tang ngawl tu a, na tate ama bang lian ma hi tu hi. Tuasia bangma ka mite in kei hong nusia in, a thumaan ngawl te suak uh hi,” ci hi.

Hosea 2:2

Ka tate awng, ama sia ka zi hi nawn ngawl a, keima a pasal ka hi nawn ngawl hang na nu tungah na thuum vun. Ama ii hong palngulna le pumpi kizuakna a kheal natu in thuum vun.

Micah 2:10

Tho vun a, pai vun; hi lai ah ngam muanna om nawn ngawl hi. Na mawnate in hi mun siasak in lalna sung then hi.

Zechariah 1:3

ahihang tu in no tungah kong ci hi, ‘Kei kungah hong heakkik tavun, tuaciang keima no sangah kong kiheak tu hi.

Matthew 5:31

“ ‘A zi a khul mihing khat pawpo in kikhulna lai pia tahen,’ kici si hi.

Thuhil kikna 22:21

a pa inn kongbiang ah ama kipaipui tu a, tua khua pasalte in suang taw deanglum tu hi. A pasal nei ma a pa inn ah a om lai in numei le pa khialna taw ih mipuite sungah a maizumhuai vawt zo hi. Tuabangin hi siatnate bosak tu nu hi.

Thukhente 19:2

ahihang tua nu sia ama tungah thin uuk ahikom Bethlehem khua a pa inn ah cia kik a, tha li taam hi.