Jeremiah 27:9 - Syin Chin Bible

⁹ Na kamsaangte ahibuale, mangmatna taw ahizong, mithite ii thaa samna taw ahizong mitbum taw ahizong mailam thupiang tute a sonkhol thei a ci khat pawpo ii thu ngai heak vun. Amate theampo in Babylon kumpipa khutnuai ah na tum ngawl natu in no hong son hi.

Jeremiah 27:9 Iomraidhean Croise

Pusuana 22:18

“Bum le ai toai numei peuma kithatlum tu hi.

Pusuana 7:11

Tuasia ciang kumpipa in a mipilte le mitbum thiamte samin a mitbum thiamna taw a kibangma in vawt uh hi.

Paunakte 19:27

Tapa awng, pilna sinna na tawp le na heak sate zongh hai ngawlin na ngaingon tu hi.

Isaiah 8:19

Ahihang mihingte in, maisang thu tu a phun vasup aisaan theite le thaa sam theite tungah thu dongh in hong sawl tu hi. Amate in, “A tatakin ci leang, mihingte in thaa te ii thusuakte nget tu hi a, tuaciang a nungtate atu in a thisate tung thu dok tu ahi hi,” hong ci tu uh hi.

Jeremiah 14:14

Ahihang Topa in, “Tua kamsaangte sia keima min suangin leilot thu son uh hi; amate ka sawl bua a, amate tungah thupiak ka nei bua hi, amate kam khat beak zongh ka paupui bua hi. Amate ii a son mukholna sia kei kung pan hi ngawl hi; mailam thu piang tu a sonkhol thute sia amate ngaisut tawm, kimanna a nei ngawl thu ahi hi.

Jeremiah 23:16

Vaanglianbelpa Topa in Jerusalem mite tungah, “Kamsaangte ii thusonte ngai heak vun; amate in a maan ngawl lam etnate hong dimh uh hi. Amate in keima ii ci ahi ngawl, amate ii ngaisut tawmte no tungah hong son uh hi.

Jeremiah 23:25

Amate mang sungah ka thupuakte hong pia zo hi ci a keima min suangin leilot thu a son kamsaangte ii thusonte ka he hi.

Jeremiah 23:32

Keima, Topa ii ka ci sia ngai vun! Leilot thu nguaktang ahi amate ii mangte a son kamsaangte ka langpan hi. Amate in hi mangte sonin a leilotnate le a kisaktheina uh taw in ka mite lam khialpui uh hi. Amate ka paisak bua a, thu zongh ka pia bua hi, mihingte atu in amate kimanna nei vet ngawl hi. Keima Topa in ka son zo hi,” ci hi.

Jeremiah 29:8

Note sungah a teang kamsaangte in hikale maisang thu ka sonkhol thei hi a ci midangte in hikale na theamsak ngawl natu in Keima, Topa Israel ii Pathian in na kidop natu kong hilkhol hi. Amate ii mangmatte na thudon heak vun.

Ezekiel 21:29

Na mu kholte a theam hi a, na thu sonkholte sia leilot thu hi. Nang sia seksol a ngilo ni hi, tuaciang a khakbel daan na khak ni, na ni sia hong pai tu hi. Na ngawng ah namsau hong ki ngat tu hi.

Daniel 4:7

Tuaciang aisaan theite, mitbum thiamte, doaiai neite le aksi enthiamte theampo kisam a, amate tungah ka mang ka son hi, ahizong amate in a khiakna hong son thei bua uh hi.

Micah 3:7

Mailam atu a sonkholte, a son bang a taangtut ngawl hu in minsia tu uh hi. Amate theampo ki enthaw tu hi, banghang ziam cile Pathian in amate ci bangin zo ngawl hi.

Zechariah 10:2

Mite in milimte le aisaan theite thu dongh ahihang a zo kiknate sia leilot thu le luithawthong thu veu hi. Pawl khat in mangkhia a, ahihang tuate in nang hong lampialsak bek hi; amate hong piak thinnopna in man nei ngawl hi. Tua ahikom tuu bote bangin tua mite vakthap uh hi. Amate in lampui nei ngawl ahikom ngim nga uh hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Sawltakte 8:11

Khuangei mama sung ama ii mitbum taw lamdang sasak ahikom, a thusonte pha takin ngai uh hi.

Ephesus te 5:6

Mawmawt kammal taw kuama in theamsak heak vun; hi thute mama hu in, Pathian ii thin uukna sia ama ii thu a ni ngawlte tungah tung tu hi.

Thuhil kikna 13:2

nidang in na biak ngeingawl pathiante a bia tu le a naseam tu in hong zolna in nalamdang lakna khat ahibuale a lamdang na khat hong kamciam thei tu hi. Ama hong kamciamte tak suakin a maan hial zong,

Thuhil kikna 18:14

Tua zawkciang Moses in, “Na laak tu ngam ah mite in aisaan theite le ai toaite thu ngai in a nungzui uh hi, ahizong Topa na Pathian in tuabangte na vawt tu uh hong oai ngawl hi.

Joshua 13:22

Israel te ii thalupte sungah Beor tapa Balaam, aisaan thei pa kihel hi.

Thupualaakna 18:23

Meiinn taang zongh nang sungah a kimu nawn buatu hi; mo le zi neipa awte zongh nang sungah kiza nawn ngawl tu hi. Na sum vawtte sia leitung theampo ah a hatbelte hi a, na ngual theamna ai taw leitung mihingte theampo na theam siat hi!”

Thupualaakna 21:8

Ahihang a lauthauh, ngual leeheakte, zummawk seamte le ngual thatte, a paktatte, bum le ai toaite, milim biate, le a leilot thei theampo — a om natu sia niivei thina ahi meili le kaan sia ahi hi,” hong ci hi.

Thupualaakna 22:15

Ahihang lampialte, bum le ai toaite, a paktatte, mihing thatte, milim biate, leilot kampauna le ngamtatna taw ngualtheam theite khuapi puasia ah om tu uh hi.

Thupualaakna 9:21

Amate in ngual a thalupna, bum le ai toaina, numei le pa paktatna le nguktaknate uh panin a kisiik kik bua uh hi.