Jeremiah 27:8 - Syin Chin Bible

⁸ “Ahihang minam khat pawpo, ahibuale kumpi ngam khat in, Nebuchadnezzar ii ukna sungah a tum bua ahile tua minam sia, Nebuchadnezzar ii ka suksiat cipsak mateng in keima in ngal, kialpi le natna taw in daan ka pia tu hi.

Jeremiah 27:8 Iomraidhean Croise

Jeremiah 24:10

Amate le a taanghpupite tungah ka piaksa ngam sungah amate khat zongh a taang nawn ngawl dongin ngal kidona, kialpi tunna le natna ngilo ka tungsak tu hi,” hong ci hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 27:11

Ahihang minam khat pawpo in Babylon kumpipa khut sungah tum a, a na a seam le, a ngam ah lotho tu le a teang tu in ka om suaksak tu hi. Keima, Topa in ka ci zo hi,” hong cisak hi.

Jeremiah 27:13

Banghangin nang le na mite sia ngal ahibuale kialpi ahibuale natna taw in thi tu nu ziam? Tua thu sia Babylon kumpipa khutnuai ah a tum ngawl minam khat pawpo tungah piang tu hi ci a, Topa ii sonsa thu ahi hi.

Jeremiah 28:14

Vaanglianbelpa Topa, Israel ii Pathian in hi minamte theampo tungah thik hakkol ka bul tu a, amate in Babylon kumpipa Nebuchadnezzar ii na a seam tu uh hi, ci hi. Topa in ngamsate ngawngawn in Nebuchadnezzar ii na ka seamsak tu ci hi,” hong ci hi.

Jeremiah 28:4

Keima in Judah kumpipa, Jehoiakim ii tapa Jehoiachin zongh Babylon ah saltaang a, a pai Judah mite theampo ka ciapui kik tu hi. Hi hi. Keima in Babylon kumpipa vaangletna ka susia tu hi. Keima, Topa in ka ci zo hi,” ci in hong son hi.

Jeremiah 29:17

Vaanglianbelpa Topa in, ‘Keima in amate tungah ngal, kialpi le natna ka tungsak tu a, amate sia neak thei ngawl theinga muat bang ka hisak tu hi.

Jeremiah 29:18

Ngal, kialpi le natna taw amate ka zuizen tu a, leitung minam theampo in tuasia a mu uh ciang lau tu uh hi. Mun theampo ah amate ka thethaang tu a, amate tung thupiangte hangin mihingte ingh in lau tu uh hi. Mihingte in amate nunau in, a min uh sia kihaamsiatna in zangh tu uh hi.

Jeremiah 40:9

Gedaliah in amate tungah, “Babylon te nuai ah na tum tu uh sia lau kul ngawl hi kong ci hi. Hi ngam sungah teangin Babylon kumpipa ii na seam le uhte no atu in pha siat tu hi.

Ezekiel 14:21

Hi sia Vaanglianpipa Topa ii pauna ahi hi: ‘Jerusalem tungah a siabel daan nam li tungsak tu khi hi — ngal, kialpi, ngamsa ngilote le natna te — in mihingte le ngannote a kibangin susia tu uh hi.