Jeremiah 27:7 - Syin Chin Bible

⁷ Minam theampo in ama ii na seam tu uh a, ama ngam a bo tu hun a thet mateng in minamte in ama ii tapa le a tupa ii na sepsak tu uh hi. Tua zawkciang ama minam in a thahat minamte le kumpi liante ii na sepsak tu uh hi.

Jeremiah 27:7 Iomraidhean Croise

Psalm Late 37:13

Ahihang Topa in mihing seksolte nuisan lel hi, banghang ziam cile amate hai ngawlin kilalcipsak tu hi ci in he hi.

Isaiah 13:1

Hisia sia Babylon taw kisai, Amoz ii tapa Isaiah ii Pathian tung pan a nga thupuak khat ahi hi.

Isaiah 21:9

Thakhat thu in amate hong theng hi! Mihing nii veu nii veu siphu tung to hi. Ngal encik pa in, thu puak in, “Babylon bo zo hi! Amate ii biak milim theampo lei ah tamhtham dipdeapin om hi,” ci hi.

Jeremiah 27:22

Tuate sia Babylon ah kipua tu a, keima ii ka kat mateng in tua munah om suak tu hi. Tua zawkciang tuate ka la kik tu a, hi munah ka koi kik tu hi. Keima, Topa in ka ci zo hi,” ci in ka son hi.

Jeremiah 34:1

Babylon kumpipa Nebuchadnezzar, ama ngalkaphonpi le amate a hu a khutnuai ah a om minamte theampo ii ngalkapte in Jerusalem le a naina khuate a sim uh lai in Topa in keima hong paupui hi.

Jeremiah 44:30

Judah Kumpipa Zedekiah sia ama a thatlum nuam a ngalpa Babylon kumpipa Nebuchadnezzar tungah ka aap bangma in, Egypt kumpipa Hophra sia ama a thatlum nuam a ngalte khut sungah ka aap tu hi,” hong ci hi.

Jeremiah 46:13

Babylon kumpipa Nebuchadnezzar sia Egypt sim tu in hong pai ciang, Topa in kei hong paupui hi. Ama in,

Jeremiah 52:31

Evilmerodach sia Babylon kumpi a sua kumin, ama in Judah kumpipa Jehoiachin sia thong panin a pusuasakna taw a dik na lak hi. Hi bang a suataksak ni sia Jehoiachin thongtaak a, a kipaipui zawk kum sawmthum le kum sali kum, a tha sawm le tha niina ni kul le ni nga ni ahi hi.

Ezekiel 30:24

Tua zawkciang Babylon kumpipa ii khut a tha ka hatsak tu a, ka namsau a khut sungah ka koi tu hi. Ahihang Egypt kumpipa khut ka thiaktan tu a, a ngalte mai ah tau in a thi tu hi.

Daniel 2:37

Kumpipa awng, nangma in kumpi theampo sung panin a lianbel na hi hi. Vantung Pathian in nang sia kumpi lian in hong koi zo a, vaangletna, thahatna le upatna hong pia zo hi.

Daniel 4:22

“Kumpipa awng, nangma in a saang, a thahat thingkung sia na hi hi. Khangto in lian mama na hikom vantung na baan to a, na vaangletna sia leitung buppi ah kizel hi.

Habakkuk 2:7

Ahizong tuasia na heak ma in, noma ngual zothalte mama in leiba na nei tu uh a, a meet taw na piak tu in zawthawk thu taw leiba hong kinot tu hi. Ngalte hong pai in hong liingsak tu hi. Na vanhte hong suttol tu uh hi!

Habakkuk 2:8

Ngam tam mama ah mihingte na suttol uh hi, ahizong tu in a nungta laite in no hong suttol tu hi, banghang ziam cile noma in mihing na that uh a, leitung mite tung le a khuapite tungah na ngongtatna hang ahi hi.

Thupualaakna 14:8

Vantunglalang a niina sia in a masa sia zui a, “Numeinu lal zo hi. A lian mama Babylon lal zo hi. Ama in a paktatna sapittui sia mihing theampo in nesak zo hi,” ci hi.

Thupualaakna 16:19

Khuapi lian sia khen thum in hong kiphaltham uh a, tuaciangin ngam theampo a khuapite sia kilalsak siat hi. Pathian in Babylon khuapi sia phawkin a thin uuk thangsiatna sapittui sia — ama ii hai panin dawnsak hi.