Jeremiah 27:6 - Syin Chin Bible

⁶ Ka naseam Babylon kumpipa Nebuchadnezzar khutnuai ah hi minamte theampo a koi pa sia Keima ka hi hi, tuaciang ngamsate ngawngawn in ama ii na ka seamsak hi.

Jeremiah 27:6 Iomraidhean Croise

2 Kumpite 25:28

Evilmerodach in ama sia hesuak a, ama taw Babylon ah sal tang khawm kumpi dangte sangin phat vawt zaw a, vaang neizaw dinmun pia hi.

2 Khangtaanghthu 36:23

“Hisia in Persia kumpilianpa Cyrus ii thupiakna ahi hi. Vantung Pathian, Topa in leitung buppi uk pa in keima hong koi zo a, Judah ngam Jerusalem ah ama atu biakinn khat sa tu in vaipuak hong pia zo hi. Tu in no, Pathian mite theampo awng, tualai ah va pai tavun a, Topa na Pathian note taw hong omkhawm tahen.”

Isaiah 44:28

Keima in Cyrus tungah, ‘Nangma in keima luangin a uk tu pa na hi hi; Keima dei bangin na seam tu hi: Jerusalem khua a kisak kik natu le Biakinnpi tawdapphate a kipha natu in thu na pia tu hi,’ ka ci hi,” a ci hi.

Jeremiah 21:7

Ahihang, nangma, na khutnuai a uliante le ngalsung, kialpi le natna ngilo pan a, a suakta mite sia — no hong that nuam Nebuchadnezzar kumpipa le na ngalte in na vekpi in kong mansak tu hi. Nebuchadnezzar in no hong thatlum tu hi. Ama in note hesuakna le deisakna hong nei ngawl tu a khat zongh hong khoaikhe buatu hi. Keima Topa in ka ci zo hi.”

Jeremiah 22:25

na kiitak mihingte le nang hong thatlum nuam mihingte tungah kong aap tu hi. Babylon kumpipa Nebuchadnezzar le a ngalkapte tungah kong aap tu hi.

Jeremiah 24:1

Topa in Biakinnpi mai ah a kikoi theinga bawm nii kei hong lak hi. (Hi thu sia Babylon kumpipa Nebuchadnezzar in Jerusalem khua panin Jehoiakim ii tapa Judah kumpipa Jehoiachin sia thongtaak khatin Judah lampuite, khutthiamte le naseam thiamte theampo taw Babylon khua ah a paipui zawkciang thupiang ahi hi).

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 28:14

Vaanglianbelpa Topa, Israel ii Pathian in hi minamte theampo tungah thik hakkol ka bul tu a, amate in Babylon kumpipa Nebuchadnezzar ii na a seam tu uh hi, ci hi. Topa in ngamsate ngawngawn in Nebuchadnezzar ii na ka seamsak tu ci hi,” hong ci hi.

Jeremiah 43:10

Tua zawkciang, Vaanglianbelpa Topa Israel ii Pathian, keima in, ka naseam Babylon kumpipa Nebuchadnezzar sia hi munah kong puak tu a, ama in tua na phum suangtumte tungah a kumpi tokhum koi tu hi, a kumpi puanbuk sia tuate ii tung ma ah phalh tu hi, ci sia amate tungah son in.

Jeremiah 49:30

“Hazor mihingte awng, a khuala na ah tai vun a buu vun ci in keima, Topa in kong sonkhol hi. Babylon kumpipa Nebuchadnezzar in no hong thasawm a, ama in,

Ezekiel 29:12

Egypt ngam sia a kinusia cip, leitung bup a ngamkhing belin ka vawt tu hi. Kum sawmli sung Egypt ngam khuapite sia khuapi dang pawpo sangin a lalcip zaw suak tu hi. Egypt mite ngaltaite ka suaksak tu hi. Amate ngam theampo ah tai in midangte kawm ah teang tu uh hi.

Ezekiel 30:24

Tua zawkciang Babylon kumpipa ii khut a tha ka hatsak tu a, ka namsau a khut sungah ka koi tu hi. Ahihang Egypt kumpipa khut ka thiaktan tu a, a ngalte mai ah tau in a thi tu hi.

Daniel 4:12

A teete et hoi a, tuaciang a ngate taw tuaisuk in — leitung bup ii a neakkhop tu za in nga thiam hi. Ngamsate in a lim bealhin tawlnga a, vacimte sia a baakte tungah bu tom hi, tuaciang nuntakna nei a minpiang theampo in a nga ne uh hi.

Daniel 4:22

“Kumpipa awng, nangma in a saang, a thahat thingkung sia na hi hi. Khangto in lian mama na hikom vantung na baan to a, na vaangletna sia leitung buppi ah kizel hi.