Jeremiah 27:4 - Syin Chin Bible

⁴ Vaanglianbelpa Topa, Israel ii Pathian, Topa in hi bangin ci hi ci in a kumpite tungah a son natu in a tongciinte thupia tu in kei hong sawl hi:

Jeremiah 27:4 Iomraidhean Croise

Pusuana 5:1

Tuaciang Moses le Aaron Egypt kumpipa kungah pai in, “Topa Israel te ii Pathian in, ‘Ka mite sennealngam ah kei zatak piakna poai khat a khaam thei natu in paisak in’ hong ci hi,” ci hi.

Jeremiah 10:10

Ahihang Topa, nangma in Pathian tatak na hi a, a nungta Pathian le tawntung kumpipa na hi hi. Na thin uuk ciangin leitung liing a; minamte in na thin uukna thuak zo ngawl uh hi.

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Jeremiah 25:27

Tuaciang Topa in keima tungah, “Mipite tungah son in. Keima, Vaanglianbelpa Topa, Israel ii Pathian in, amate tungah ngal ka thetsak hu in amate kham in a luak dong, pukin a thaw kik zawk ngawl za dong a neak tu in thu ka piak sia son in.

Jeremiah 27:3

Tuaciang Jerusalem khua ah Zedekiah kumpipa taw kimu tu a hong pai tongciinte tungtawnin Edom, Moab, Ammon, Tyre, le Sidon kumpite tungah thu khat puak tu in Topa in keima hong sawl hi.

Jeremiah 27:5

“Ka vaangletna le ka thahatna taw in leitung mihing nam le leitung ah a teang nganhingte theampo ka bitphua a; tuate sia ka piak nop pawpo tungah ka pia hi.

Jeremiah 28:14

Vaanglianbelpa Topa, Israel ii Pathian in hi minamte theampo tungah thik hakkol ka bul tu a, amate in Babylon kumpipa Nebuchadnezzar ii na a seam tu uh hi, ci hi. Topa in ngamsate ngawngawn in Nebuchadnezzar ii na ka seamsak tu ci hi,” hong ci hi.

Jeremiah 51:19

Jacob ii Pathian sia amate bang hi ngawl hi; Ama sia na theampo a vawtpa hi a, ama mi tatak tu in Israel teal zo hi. Ama min sia Vaanglianbelpa Topa ahi hi.