Jeremiah 27:3 - Syin Chin Bible

³ Tuaciang Jerusalem khua ah Zedekiah kumpipa taw kimu tu a hong pai tongciinte tungtawnin Edom, Moab, Ammon, Tyre, le Sidon kumpite tungah thu khat puak tu in Topa in keima hong sawl hi.

Jeremiah 27:3 Iomraidhean Croise

2 Khangtaanghthu 36:13

Nebuchadnezzar kumpipa ii ama tungah a thumaan tu in Pathian min taw hamtangpi in a kiciamsak Zedekiah in ama leedo hi. Zedekiah thinpui in kisiik kik nuam ngawlin Israel te ii Pathian, Topa kung zuan kik nuam ngawl hi.

Isaiah 23:4

Sidon khuapi awng, na maimawl hi! Tuipi le tuipi thuk liante in nang hong nialin, “Kei ta khat zongh nei ngei bong. Tapate, tanute ka vaak ka taa ngei bua hi” ci hi.

Jeremiah 27:12

Judah kumpipa Zedekiah tungah ta bangma in, ka son a, “Babylon kumpipa khutnuai ah tum in. Ama le a mite ii na sepsak in, tua hile na nungta tu hi.

Jeremiah 27:4

Vaanglianbelpa Topa, Israel ii Pathian, Topa in hi bangin ci hi ci in a kumpite tungah a son natu in a tongciinte thupia tu in kei hong sawl hi:

Jeremiah 28:1

Zedekiah kumpi a sua zawk a kum lina ii a tha ngana, tua kum sung ma in Gibeon khua mi Azzur ii tapa kamsaang Hananiah in Biakinnpi sungah kei hong paupui hi. Thiampite le mipite om honna ah ama in keima tungah,

Ezekiel 29:18

Ama in, “A thithei mihing awng, Babylon kumpipa Nebuchadnezzar in Tyre khua sim hi. A ngalkapte vanh ngit leilam a puaksak hu in, a sam uh zuukin a lutol a, a liangkote kokkeak hi, ahihang tua ngimna thaman a kumpipa le a ngalkapte in bangma leaplaw a nei bua uh hi.

Amos 1:9

Topa in, “Tyre mite maw kikik, khial kikik ahiciang amate daan ka pia tatak tu hi. Amate in minam bup Edom ah sal tang tu in paisak a, kipawlmat natu thukimna a vawt sia len ngawl hi.