Jeremiah 26:5 - Syin Chin Bible

⁵ note kungah kong paisak nithi ka naseam kamsaangte ii kammalte na nadonna uh taw ahizong, ka thu nong nit tu kisamh hi, ci in hong son zo khi hi. Amate ii a sonte na ni ngei bua uh hi.

Jeremiah 26:5 Iomraidhean Croise

2 Kumpite 17:13

Topa in a kamtai te le a kamsaangte paisakin Israel le Judah te a kidop natu in sawl a: “Na ngamtat siatna uhte nusia vun a, na taanghpupite uh ka piak Thukhamte sungah a om, ka naseam ka kamsaangte tungtawnin no tungah kong piak kong sawlna te ni vun,” ci hi.

2 Kumpite 17:23

a naseam kamsaangte tungah Topa ii ka vawt tu hi ci in a kidop natu a sonkhol bangin a khakbel ciang ama ii mu na pan betkeakna a thuak uh dong amate in mawna vawt uh hi. Tua ahikom Israel mite sia Assyria ah sal in kiciapui a, tu ni dong tua munah teang lai uh hi.

2 Kumpite 24:2

Topa in Babylon te, Syria te, Moab te le Ammon te ii ngalkapte ngalsim tu in Judah ah paisak a, Jehoiakim langpanin Topa in a naseam a kamsaangte tungtawnin ka vawt tu hi a ci bangin Judah lalsak tu in kuan uh hi.

2 Kumpite 9:7

Jezebel ii ka kamsaangte le a dang ka naseamte a thalup hu in daan ka piak natu in, nangma in na topa, kumpipa Ahab ii tapa sia thatlum tu ni hi.

Ezra 9:11

Kamsaang na naseamte tungtawn a nong thupiakte ka zui bua leleau uh hi. Amate in ka laak tu uh ngam sia thiangtho ngawl hi, banghang ziam cile tualai ah a teang mite in tua ngam mong khat pan mong khat a kiihuai, a thasiathuai ngamtatnate taw kidimsak hi hong ci uh hi.

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 29:19

Hi thu sia amate tungah tung tu hi, banghang ziam cile amate in ka naseam kamsaangte tungtawn a ka puak tawntung ahi ka thupuak sia a nit ngawl uh hang ahi hi. Amate in ngai nuam ngawl uh hi.

Jeremiah 32:33

Amate in kei hong nungngat uh a, ka hil tawntung hi napi hong ngai nuam ngawlin he nuam ngawl uh hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 44:4

Ka naseam kamsaangte note kungah tatsat ngawlin kong paisak a, amate in ka ngaimawk a lauhuai, hi na sia na vawt ngawl natu in note hong son uh hi.

Jeremiah 7:13

Hi mawna khialnate theampo na vawt siat zo uh a, kong papau kong hihil hangin nong ngai bua uh hi. Kong sam ciang nong zo nuam bua uh hi.

Jeremiah 7:25

Na taanghpupite Egypt ngam pan a pusua ni pan kipan tuni ciang dong ka naseam kamsaangte kong puak tan viuveu hi.

Ezekiel 38:17

Ka naseam Israel kamsaangte tungtawnin, a ni a hun hong thet ciang Israel te a sim tu khat kong puak tu hi ci a nidang pek pan ka taangko sia nangma na hi hi.” Vaanglianpipa Topa in son zo hi.

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

Zechariah 1:6

Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.

Thupualaakna 10:7

Ahihang vantunglalang a salina sia in, lemle a tum tak ciang, a naseam kamsaangte tungah a sonsa bangin Pathian in a thuku ngealna khuangkhim tu hi,” ci hi.

Thupualaakna 11:18

Pathian he ngawlte sia thin uukna taw kidim hi, banghang ziam cile na thin uuk tu hun le, a thite tungah thu na khen tu hun hong theng zo hi. Na naseam kamsaangte, a lian a no nang hong thasia theampo minphatna thaman na piak tu hun hi zo a, Leitung a lalsakte na lalsak tu hun hong theng zo hi!” ci hi.