Jeremiah 26:3 - Syin Chin Bible

³ Tua mihingte in na thu hong ngai tu a, a ngamtat siatnate kheal thei tha tu hi. A kikheal uh le, amate ii seksol ngamtatna hang a, amate suksiat tu in ka tup ka ngaisut sia ka kheal kik tu hi,” hong ci hi.

Jeremiah 26:3 Iomraidhean Croise

1 Kumpite 21:27

Elijah ii a pau tu teng a man ciang Ahab in a puansilh lai te baltham in, suut a, khau-ip puan silh hi. Ama in an ne ngawlin khau-ippuan te taw lum a, mainuu in thin lalin vavak hi.

1 Kumpite 21:29

“Ahab in keima mai ah bangzata kiniamkhiak in a om sia na mu ziam? Hi bangin ngamta ahiciang ama khan sungah tuasiatna piangsak ngawl tu khi hi; a tapa ii khan sung in Ahab bangkua sungah tuasiatna piangsak tu khi hi,” ci hi.

Jeremiah 26:13

Na nuntakzia le na sep uhte kheal nanak vun a, Topa na Pathian thu ni vun. Tuabangin na hi uh le, no tungah siatna thengsak tu in a sonsa sia pan Topa in a thin kheal tu hi.

Jeremiah 26:19

Hezekiah kumpipa le Judah mite in Micah thatlum ngawl uh hi. Hezekiah in Topa zatak vawtin Topa ii mai pha a nga natu in hanciam zaw lai hi. Amate tungah tuasiatna ka thengsak tu hi a ci sia Topa in a thin kheal kik hi. Tu in eima in a lauhuai tuasiatna khat eima tung ma ah ih thengsak dektak hi!” ci uh hi.

Jeremiah 36:3

Judah mite in amate susia tu a ka sawmna thute theampo a zaak uh ciang, a tatsiatnate panin kikheal tha tu uh hi. Tuasia ciang a seksolna le a maw a khialnate ka maisak tu hi,” hong ci hi.

Jeremiah 36:7

Topa in a lauhuai thin uukna le a thinsona taw hi mihingte tawng zo ahikom amate in Topa tungah thu ngenin, a tatsiatnate panin kikheal thei tha tu uh hi.”

Ezekiel 12:3

“Tu in, a thithei mihing awng, ngaltai khat ii vawt tu bangin vanh khat heang in khuazin ma in ding in. Mun khat nusia in mundang khat na zot sia a kuama theampo in musak in. Tua hile a langpante in nang hong phawk tha tu hi.

Ezekiel 18:21

“Mihing ngilo khat in mawna vawt nawn ngawlin, ka thukhamte tangin, a pha le a maan a seam le ama thi ngawl tu hi; ama nungta tatak tu hi.

Hosea 11:9

Ka thin uuk hu in nang daan kong pia buatu hi; Israel ka susia kik buatu hi. Banghang ziam cile kei mihing hi ngawlin Pathian khi hi. Keima a Thiangtho Pa in note taw kong omkhawm hi. Thin uuksa in nang kung kong pai buatu hi.

Joel 2:14

Topa na Pathian in a thin kheal tha tu a, an hauna taw nang thupha hong pia tu hi. Tuasia ciang antang le sapittui te ama na pia thei tu uh hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.