Jeremiah 24:7 - Syin Chin Bible

⁷ Keima Topa ka hi hunlam heak nopna thin ka pia tu hi. Tuasia ciang amate sia ka mite hi tu a, keima in a Pathian ka hi tu hi, banghang ziam cile amate in a thin theampo taw ka kung hong zuan kik tu uh hi.

Jeremiah 24:7 Iomraidhean Croise

2 Khangtaanghthu 6:38

Tua ngam ah amate in thintak le a maan takin kisiik in, ka taanghpupite tungah na piak hi ngam, na tealsa hi khuapi, nang atu ka sak hi Biakinnpi maingat in thu hong ngen le,

Psalm Late 119:2

Ama thupiakna a zuite, a thin theampo taw ama thu a nite in mihing lungdamte ahi uh hi.

Isaiah 51:16

Keima in vantungte ka phalhkeak a, lei ii tawdapte ka pha hi; Jerusalem tungah, ‘Nang in keima mihing na hi hi! Nang tungah thu kong hil zo a, ka khut taw nang kong dal hi,’ ka ci hi,” a ci hi.

Jeremiah 11:4

Hi thuciamna sia pummei lingh taw a kibang Egypt ngam pan amate ka paipui lai in, a taanghpupite taw ka vawt uh thuciamna ahi hi. Ka thu hong nit natu le ka thupiak theampo vawt tu in amate ka son hi. Ka thu hong ni uh le, amate sia ka mite hi tu uh a keima in amate ii Pathian ka hi tu hi ci in amate ka son hi.

Jeremiah 29:10

“Topa in, ‘Babylon ah na om zawk uh kum sawmsali a cin ciang no kong thin nopmawkna kong lak tu a, na khua na tui uh ah na cia kik natu uh in ka kamciam ka len tu hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Jeremiah 7:23

Ahihang keima in amate ii Pathian ka hi natu le amate sia keima ii mite ahi natu in ka thu a nit natu thu ka piak ma ahi hi. Tuaciang ka thupiak bangin a nuntak thei natu in amate tungah ka son hi, tua hile amate a maivang tu uh hi.

Ezekiel 11:17

“Tua ahikom, Keima, Vaanglianpipa Topa in ka ci teng amate tungah son in. Ngamdang ah ka thethaang na munte panin amate ka khawmtua kik tu a, Israel ngam ka pia kik tu hi.

Ezekiel 14:11

Israel te in kei hong taisat ngawl natu le a mawna a khialna te taw amate le amate a kininsak ngawl natu in hi bangin ka vawt tu hi. Amate sia ka mite hi tu a, Keima in a Pathian ka hi tu hi.” Vaanglianpipa Topa in son zo hi.

Ezekiel 16:62

Nang taw ka kamciamte ka thaksua tu a, tuaciang Keima sia Topa ka hi hunlam na he tu hi.

Ezekiel 37:23

A kiihuai milimte taw amate le amate kininsak nawn ngawl tu a, mawna taw kilalsak nawn ngawl tu hi. Amate sia kei hong melsiatna mawna le hong leeheakna lampite theampo pan ka suaktasak tu hi. Amate ka thiansua tu hi; amate sia keima mite hi tu a, Keima in amate ii Pathian ka hi tu hi.

Ezekiel 37:27

Amate taw tua munah ka teang khawm tu hi; keima in amate ii Pathian ka hi tu a, amate in keima mite ahi tu uh hi.

Ezekiel 39:22

Israel te in tua hun pan kipan Keima sia Topa a Pathian ka hi hunlam hong he tu uh hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Zechariah 8:8

Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.

Romete 6:17

Bangpo ahizong Pathian tungah lungdamko tawng! Banghang ziam cile khatvei lai in note in mawna silate na hi uh a, na saansa uh hong kihil thumaan thutakte na thin theampo uh taw na ni zo uh hi.

Hebrew te 11:16

Amate ii lungngul sia ngam phazaw, vantung ngam hi zaw hi. Tua ahikom Pathian in amate ii Pathian hi a kici sia a mai a zum bua hi. Banghang ziam cile ama in, amate atu khuapi khat vawtkhol sa in koisak hi.

Hebrew te 8:10

Tu in hisia in, maisang hong pai lai tu hun sungah, Israel mite taw ka vawt tu thuciamna ahi hi, Topa in ci hi: Ka thukhamte amate thinsung ah ka koi tu a, a lungtang tungah ka at tu hi. Kei sia amate ii Pathian ka hi tu a, amate sia keima ii mite ahi tu hi.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.