Jeremiah 24:6 - Syin Chin Bible

⁶ Amate ka en tu a, hi ngam ah ka ciapui kik tu hi. Amate ka laamto tu a, ka khiasuk buatu hi; amate ka suan tu a, ka botkeak buatu hi.

Jeremiah 24:6 Iomraidhean Croise

Pianciilna 44:21

Topa awng, nangma in ama na mu thei natu in hi lai ah hong paipui tavun nong ci a,

2 Khangtaanghthu 16:9

Topa in ama tungah thumaanna a neite tungah thahatna pia nuam in leitung buppi encik nginge hi. Na mawmawt ngamtatna hu in tu pan kipan ngal do tawntung tu ni hi,” ci hi.

Nehemiah 5:19

Pathian awng, nang tungah thu kong ngen hi, hi mipite atu in ka septe theampo, keima noptuam natu in hong tepteesak ta'n.

Psalm Late 34:15

Topa in thutangte encing a, amate aunate ngai hi;

Psalm Late 44:2

Nangma mama in Pathian he ngawlte bangbang na notkeak a, amate ii leitang tungah na mite bangbang na koi a; minam dangte bangbang daan pia in, na mite bangbang khangtosak ci thu ka za uh hi.

Isaiah 14:1

Topa in ama ii mihing Israel te khatvei ma hesuak kik leleau tu a, ama aituam mi in teal tu hi. Topa in amate a leitang tungah teangsak kik tu a, ngamdangmite pai in tua munah amate taw teang khawm tu uh hi.

Isaiah 60:21

Na mite theampo in a maan seam tu a A tawntungin tua ngam lua tu hi. A theampo tungah ka letna a pualaak tu in tuate ka suan a, ka vawt hi.

Jeremiah 1:10

Minamte le kumpi ngamte a longhkeak tu le a kaikeak tu, a susia tu le a lawnthal tu, a sa tu le a suan tu in thu neina, tuni in nang kong pia hi” hong ci hi.

Jeremiah 12:15

Ahihang amate ka laak zawkciang amate ka hesuak tu hi; a minam simin amate ii leitang tung le a ngam tek ah ka paipui kik tu hi.

Jeremiah 16:15

Amate in, saksang ngam pan le amate ka thethaangna ngamdang theampo panin Israel mite hong paipui, a nungta Pathian, keima min taw kiciam zaw tu uh hi. A taanghpupite tungah ka piaksa amate ngam ah ka ciasak kik tu hi. Keima Topa in ka son zo hi,” ci hi.

Jeremiah 21:10

Hi khuapi sia khe tuan ngawlin suksiat tu in ka thin ka khensat zo hi. Babylon kumpipa khut sungah kipia tu a, ama in mei taw haltum tu hi. Keima, Topa in ka ci zo hi.”

Jeremiah 23:3

Ka mihingte a taanglai teng ka thethaang na ngamte panin ka kaikhawm tu a, a ngam ah ka ciasak kik tu hi. Amate in ta tam mama nei in pung mama tu uh hi.

Jeremiah 29:10

“Topa in, ‘Babylon ah na om zawk uh kum sawmsali a cin ciang no kong thin nopmawkna kong lak tu a, na khua na tui uh ah na cia kik natu uh in ka kamciam ka len tu hi.

Jeremiah 31:28

Kidawm takin amate ka zunglok, ka kaikeak, ka lotthal, ka suksiat le ka lalsak lai bangma in kidawm takin amate ka suan kik tu a ka laamto kik tu hi.

Jeremiah 31:4

Khatvei ma kong pua kik tu hi. Khatvei ma na daalkual khuangnote na la kik tu uh a, lungdam in na laam tu uh hi.

Jeremiah 32:37

Ka thin uuk, ka thinsona taw in ka thethaangna ngamte theampo pan mihingte ka kaikhawm tu hi, hi munah ka ciapui kik tu a, ngam muang in ka teangsak tu hi.

Jeremiah 32:41

Amate atu in naphate ka vawtna ah dik ka sa tu a, hi ngam sungah amate ka teang suaksak tu hi.

Jeremiah 33:7

Judah mite le Israel mite ka nuamsasak tu a, nidang a om ngei bangin ka pua kik tu hi.

Jeremiah 33:9

Jerusalem sia kei atu in lungdamna, patoaina le kiphatsakna ii kipatna hi tu hi; leitung ah minam om theampo in Jerusalem atu na pha ka vawtnate le hi khuapi atu nopsakna ka piakna thute a zaak uh ciang, lau in liing tu uh hi,” ci hi.

Jeremiah 39:12

“Pai in Jeremiah na mu ciang pha takin keam in. Vawtsia heak in, a dei pawpo vawtsak in,” ci hi.

Jeremiah 42:10

‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi.

Ezekiel 36:24

Minam theampo le ngam theampo pan kong la kik tu a, na ngam ah kong ciapui kik tu hi.

Amos 9:14

Ka mite a ngam a lei ah ka paipui kik tu hi. A khuapi zaancip sate, sa kikin, tua munah amate teang tu uh hi; Amate in sapithuan vawtin sapittui ne tu uh hi. Amate in huan vawt tu a, a ciinte ne tu uh hi.

Thuhil kikna 11:12

Topa na Pathian in hi ngam keamcing a, kum tawntungin cing hi.

1 Peter 3:12

Banghang ziam cile, Topa in thutangte en a, a thungetna uh ngai hi; siatna a vawtte ahile ama in langpan hi,” ci hi.