Jeremiah 24:10 - Syin Chin Bible

¹⁰ Amate le a taanghpupite tungah ka piaksa ngam sungah amate khat zongh a taang nawn ngawl dongin ngal kidona, kialpi tunna le natna ngilo ka tungsak tu hi,” hong ci hi.

Jeremiah 24:10 Iomraidhean Croise

1 Kumpite 14:15

Topa in Israel daan pia tu a, tuaciang lui sungah pumpate bangin ngawk tu hi. A taanghpupite tungah a piaksa hi leitang phate tung panin ama in Israel mite zunglok tu a, Euphrates ngun kalhin thethaang tu hi, banghang ziam cile amate in Asherah numeipathian sia ii limte a vawt hu in ama a thin uuksak hi.

Isaiah 51:19

Nang tungah tuasiatna a thuapin hong tung zo hi: na ngam sia ngal in siasak zo a, na mite pukthi zo hi. No, hesuakna hong lak tu kuama om ngawl hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 15:2

Koi sungah pai tu khu ziam ci in amate in nang hong dongh uh le, hi bang ka ci teng son in: Pawlkhat sia natna taw thi tu in kisee a — tua mun sia amate pai natu mun ahi hi! A dangte sia ngal sungah thi tu in kisee a — tua mun sia amate pai natu mun ahi hi! Pawlkhat sia pukthi in thi tu in kisee a — tua mun sia amate pai natu mun ahi hi! A dangte sia thongtaakte bangin a kipaipui tu in kisee a — tua mun sia amate pai natu mun ahi hi!

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 19:7

Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 21:9

Khuapi sungah a om a kuama po sia ngalte thalup ahibuale pukthi in ahibuale natna taw thi tu hi. Ahihang tu laitakin khuapi hong sim Babylon mite kungah pai in a ki aap pawpo kithat ngawl tu hi; amate in a nuntakna beak suatak tu hi.

Jeremiah 27:8

“Ahihang minam khat pawpo, ahibuale kumpi ngam khat in, Nebuchadnezzar ii ukna sungah a tum bua ahile tua minam sia, Nebuchadnezzar ii ka suksiat cipsak mateng in keima in ngal, kialpi le natna taw in daan ka pia tu hi.

Jeremiah 29:17

Vaanglianbelpa Topa in, ‘Keima in amate tungah ngal, kialpi le natna ka tungsak tu a, amate sia neak thei ngawl theinga muat bang ka hisak tu hi.

Jeremiah 29:18

Ngal, kialpi le natna taw amate ka zuizen tu a, leitung minam theampo in tuasia a mu uh ciang lau tu uh hi. Mun theampo ah amate ka thethaang tu a, amate tung thupiangte hangin mihingte ingh in lau tu uh hi. Mihingte in amate nunau in, a min uh sia kihaamsiatna in zangh tu uh hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 32:25

Ahizong, khuapi sia Babylon te in a la tu hi zo napi tetti te mai ah lo lei tu a, thu hong pia sia nangma Vaanglianpipa Topa na hi veve hi,” ka ci hi.

Jeremiah 34:17

Tua ahikom keima, Topa in ka thu nong ni bua uh hi kong ci hi: na Israel mipuite suatakna na pia bua uh hi. Tua ahile pha mama hi, suatakna kong pia tu hi: tua suatakna sia ngal, natna le kialpi taw thina ahi hi. No tungah kong vawtna taw leitung mite theampo ka lausak tu hi.

Jeremiah 42:17

Egypt ngam ah tai a, teen tatak tu a sawm mihingte theampo sia ngal ahibuale kialpi ahibuale natna taw thi tu uh hi. Khat zongh nungta ngawl tu a, amate tungah ka thetsak tu tuasiatna sia taw khat zong kipeal thei ngawl tu hi,’ hong ci tu hi.

Jeremiah 42:22

Tua ahikom, hi thu ciamtee vun: noma pai nopna le ten nopna ngam ah ngal ahibuale ngilkialna, ahi buale natna taw in na thi tu uh hi,” ci in ka son hi.

Jeremiah 5:12

Topa ii mite in ama nial in, “Ama in bangma vawt takpi ngawl tu hi. Ih haksatna hunte om ngawl tu hi; ngal ahibuale kialpi ih thuak buatu hi,” ci uh hi.

Jeremiah 9:15

Tua ahikom, Vaanglianbelpa Topa Israel ii Pathian, keima ii vawt tu sia ngai in: Ka mite neak tu in a khaa thingno kungte ka pia tu a, a dawn tu in nguu tui ka pia tu hi.

Jeremiah 9:16

Amate ahizong a taanghpupite ahizong ii a zaak ngeingawl minamte sungah amate ka thethaang tu a, amate ka siatcipsak siat matengin a do tu in ngalkap honte ka puak tu hi,” ci in zo hi.

Ezekiel 33:27

“Keima, Vaanglianpipa Topa in a nungta takpi Pathian ka hi bangma in, tua khuapi siacip sate sungah a teang mihingte kithat tu hi ci in a kidop natu thu ka piak sia son in. Ngam sungah a teang teng sia ngamsate in ne tu hi. Mualtung le suanghawng sungah a buu te natna taw thi tu hi.

Ezekiel 6:11

Vaanglianpipa Topa in, “Na khut meak in! Na peang taw khuasiik in. Israel te ii tatsiatna theampo le a thasiathuai na te a vawt hu in khuangai in kap in. Amate sia ngal sung ahizong ngilkialna taw ahizong, natna taw ahizong thi tu uh hi.

Ezekiel 7:15

Lampite ah ngal kisimna om a, innte sungah natna le ngilkialna om hi. Ngam pua sangah a om khat pawpo sia ngal kisimna ah thi tu a, khuapi sung a om khat pawpo sia natna le ngilkialna taw thi tu hi.

Thuhil kikna 28:21

Ama in na laak tu ngam sungah khat zongh na taan nawn ngawl uh dongin natna khat zawkciang khat hong tungsak tu hi.

Thupualaakna 6:8

Ka et ciang, siphu a daang khat ka mu hi. A tungah a to pa ii min sia Thina hi a, a nung panin mithi khua in zui hi. Leitung ah a teangte see li sua see khat sia amate in ngal, kialpi, natna le ngamsate taw thalup thei natu in thu kipia hi.