Jeremiah 23:6 - Syin Chin Bible

⁶ Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Jeremiah 23:6 Iomraidhean Croise

1 Kumpite 4:25

Ama nuntak lai tengin Judah le Israel ngamsung a teang mite ngammuangin, innkuan simin a sapitkungte le a thei kungte taw nuamsa uh hi.

Psalm Late 45:5

Na thaltangte hiam a, na ngalte lungtangte vutlet hi; minam tuatuamte in na peang ah puksuk hi.

Pusuana 9:26

Israel te teenna Goshen ngam bekma ngial kia ngawl hi.

Isaiah 2:4

Ama in minam liante sungah thu nawngkaite khensat tu hi. Amate in a namsaute lo thawna tumanh le a teite thingbaak heuna namte in seak tu uh hi. Ngam khat le ngam khat kido kik ngei nawn ngawl tu a, ngal sim tu in kithoai kik nawn ngawl tu hi.

Isaiah 32:1

Khatvei ciangin thutuumna taw a uk kumpi khat le, thukhaikim thu taw a uk ngam lampuite om tu hi.

Isaiah 32:18

Pathian ii mihingte in thinngimna te taw kipeal in, a innte sia thinnopna le ngam muanna taw kidim tu hi.

Isaiah 33:22

Tua teambawte tungah a kizangh khaute theampo a luithawthong hi; Teambaw puankhakte kiphal thei ngawl hi! Ih ngalte ii ngalkap honte nei na manpha theampo ih matsak tu a, vanh tam mama tu ahikom peangbaite ngawngawn zongin hawmtel khat tek nga tu uh hi. Topa mama sia ih kumpi hi tu a; ama in eite hong ukin hong sungsia tu hi.

Isaiah 33:5

Topa bangza in lian ziam! Ama in na theampo uk hi. Ama in thukhaikim le thutuumna taw Jerusalem dimh tu a,

Isaiah 35:9

Tua munah tawpite om ngawl tu a, a kiitakhuai nganhingte in tua lampi kaantan ngawl tu hi. Topa ii suatak sa mihingte in tua lampi tawnin a inn uh ah cia tu uh hi.

Isaiah 42:6

“Topa, keima in, leitung ah thukhaikimin a kiseam ziam ci thu en tu in, nangma kong sam a, vaangletna kong pia zo hi. Nangma tungtawnin mite theampo taw thuciamna khat ka vawt tu hi; nangma tungtawnin minamte tungah khuavak ka pia tu hi.

Isaiah 45:17

Ahihang Israel ahile Topa in ngumin, a ngalzawna a tawntungin kip hi; Ama mite kimaimawlsak ngeingawl tu hi,’ ci in pualaak tu uh hi,” ci hi.

Isaiah 54:17

Ahihang ngalhiam khat zongh in nang bangma hong law zo ngawl tu hi; nang hong mawsiatte theampo na zo kik natu na he tu hi. Ka naseamte ka panpui tu a, zawna ka pia tu hi,” ci hi. Topa in ci zo hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 29:11

No atu in tupna ka neite sia na tuasiat natu hi ngawlin mi nuamsa na sua natu le mai sangah lametna kong piak natu ngealnate ahi hunlam keima bek in ka he hi.

Jeremiah 30:10

“Ka mite awng, lau heak vun; Israel mite awng, patau heak vun. Na thongtaakna a khualana ngam panin kong suatak tu hi. Inn ah nong cia kik tu uh a, thinnuam takin na teang tu uh hi; na ngammuang tu uh a, kuama in no hong lausak ngawl tu hi.

Jeremiah 31:23

Vaanglianbelpa Topa Israel ii Pathian in, “Mihingte a ngam ka piak kik ciang, Judah ngamsung le a khuate sungah amate in, ‘Topa in Jerusalem mual thiangtho, ama teenna mun thiangtho sia, thupha pia tahen’ khatvei ma ci kik tu uh hi.

Jeremiah 32:37

Ka thin uuk, ka thinsona taw in ka thethaangna ngamte theampo pan mihingte ka kaikhawm tu hi, hi munah ka ciapui kik tu a, ngam muang in ka teangsak tu hi.

Jeremiah 33:15

Tua hun ciang David ii suan le paal sung pan thumaan thutang khat kumpi in ka teal tu hi. Tua kumpipa in ngamsung theampo ah thudik le thutang in a maan sia seam tu hi.

Jeremiah 33:16

Judah mite le Jerusalem mite sia kisuatak tu a, ngam muangin teang tu uh hi. Tua khuapi sia ‘Topa, Eite Ngupna’ kici tu hi.

Ezekiel 21:27

Siatna, siatna vive! Hi hi, khuapi sia ka siacipsak tu hi. Ahihang khuapi daan a pia tu in ka teal pa hong pai mateng hi thu a piang buatu hi. Ama tungah tua nasep ka pia tu hi.

Ezekiel 28:26

Tua munah amate sia ngam muangin teang tu uh hi. Amate in inn sa in sapithuan vawt tu uh hi. Amate a zawnsak vawt a ngampaamte theampo sia daan ka pia tu a, Israel te sia ngam muangin om tu uh hi. Tuasia ciang amate in, Kei sia Topa, a Pathian ka hi sia hong he tu uh hi,” ci hi.

Ezekiel 38:14

Tua ahikom, Vaanglianpipa Topa in ama ci teng Gog tungah a son tu in kei hong paisak hi: “Tu in Israel ka mite thin muang in a teen laitakin nangma in

Ezekiel 48:35

Khuapi ii pangh li teng a kiim uum pang sia ii sauna kingawm sia metre 9,000 pha hi. Tu pan kipan tua khuapi ii min sia, ‘Hi munah Topa om hi!’ “Jehovah Shammah” hi tu hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Daniel 9:7

Topa awng, nangma in a tawntungin a maan na seam a, ahizong ko ka hi uh le koma le koma ka mai ka kimawlsak tawntung uh hi. Judea ngam le Jerusalem khua sungah a teang kote theampo le a nai le a khualana ngam tuatuam ah na thethaang Israel te theampo atu in hi thu sia maan hi, banghang ziam cile amate in nang tungah hong thumaan ngawl hi.

Hosea 1:11

Judah mite le Israel mite kingawm kik tu hi. Amate mama in amate atu lampui khat teal tu a, khatvei ma a ngam a lei ah khangto in nuamsa kik tu uh hi. Hi hi, Jezreel ii ni sia ni thupi ni khat hi tu hi!

Hosea 1:7

Ahihang Judah mite tungah ka itna ka lak tu hi, keima, amate ii Pathian, Topa in amate ka hun tu hi, ahihang ngal kisimna — namsau, thal le thaltang, ahibuale siphu le siphu ngalkapte ka zangh buatu hi,” ci hi.

Hosea 2:18

Tua hun ciang ka mite a liamsua ngawl natu in ngamsate le vacimte taw thuciamna ka vawt tu hi. Ngalhiam theampo ahi, namsaute le thalte zongh ngamsung panin ka sot siat tu a, ka mite sia a kilem a ngammuangin ka teangsak tu hi.

Obadiah 1:17

“Ahizong Zion Mual tungah pawlkhatte suakta tu uh a, tuaciang tuasia a thiangtho mun hi tu hi. Jacob mite in amate nga tu ahi a leitang sia tang tu uh hi.

Obadiah 1:21

Jerusalem ngalzote in Edom ngam simin, uk tu uh hi. Tuaciang Topa ama mama kumpi hi tu hi,” ci hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zechariah 10:6

“Keima in Judah mite ka hatsak tu hi; Israel mite ka suatak tu hi. Keima in amate khuangaihuai ka sa tu a, a vekpi in inn ah ka ciapui kik tu hi. Amate sia ka nial ngeingawl mite bang hi tu hi. Keima in Topa, a Pathian ka hi hi; A thungetnate ka zo tu hi.

Zechariah 3:10

Tua ni hong thet ciang, note khatsim in na sapitkungte le na theikungte taw a kidimna sungah kilemna le ngal muanna nga tu in hong pai natu na innpaamte tek na sam tu uh hi,” ci hi.

Romete 3:22

Pathian in mihingte sia Jesus Christ a upna uh tungtawnin thutang suaksak hi. Christ a umte theampo tungah Pathian in hi bangin vawt hi, banghang ziam cile kuama a kilamdang tuatuan a om bua uh hi.

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Philippi te 3:9

Thukham zuina taw a kinga theite nam ahi keima aituam thutang suana khat sia ka nei nawn bua hi. Christ ih upna tungtawnin hong kipia, Pathian kung pan hong pai upna a kibulphu thutang sia tu in ka nei zo hi.