Jeremiah 23:5 - Syin Chin Bible

⁵ Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 23:5 Iomraidhean Croise

2 Samuel 23:3

Israel ii Pathian pau zo hi; Israel a dal pa in kei tungah hong ci hi: “Thutang khenna taw a uk kumpipa, Pathian thu ni in a uk pa sia,

Psalm Late 45:4

Thumaan le thutang khenna a huu tu in zawna sungah na uk theina vaang taw hong pai ta'n. Na thahatna in zawna lianpite hong ngasak tu hi.

Psalm Late 80:15

Hong pai ta'n a, hi na suan sa sapitkung le a limcii tu na suan sapitkung moi sia hong hung ta'n!

Psalm Late 99:4

A thahat kumpipa awng, nangma in a maan nate na dei hi; nangma in Israel ngam sungah thutang khenna omsak zo ni hi; nangma in thutang le phatna nong paipui hi.

Isaiah 33:5

Topa bangza in lian ziam! Ama in na theampo uk hi. Ama in thukhaikim le thutuumna taw Jerusalem dimh tu a,

Isaiah 4:2

Topa in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

Isaiah 42:6

“Topa, keima in, leitung ah thukhaikimin a kiseam ziam ci thu en tu in, nangma kong sam a, vaangletna kong pia zo hi. Nangma tungtawnin mite theampo taw thuciamna khat ka vawt tu hi; nangma tungtawnin minamte tungah khuavak ka pia tu hi.

Isaiah 45:24

“Amate in keima taw bekin ngalzawna om a thahatna kinga hi ci tu uh hi; ahihang kei hong ngaimawte theampo in maimawlna thuak tu uh hi.

Isaiah 52:13

Topa in, “Ka naseampa in ama ii nasepna zo tu hi; ama sia nasia takin kipatoai tu hi.

Isaiah 53:10

Topa in, “Hi bang a thuak natu sia keima deina ahi hi; a thina sia mawna maisak natu in biakpiakna ahi hi. Tua ahiciang ama in a suan le a paalte mu tu hi; Ama a khansau in, ama tungtawnin ka tupna taangtung tu hi.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Isaiah 9:5

Ngalsim a hong kuan ngalkapte ii peangdapte le chi baang amate puante theampo sia mei taw kihal tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Jeremiah 22:15

Midangte inn sangin a phazaw cedar thing taw innte na sak ciang in kumpi phazaw khat hong suaksak ziam? Na pa sia a khan zo in nuamsa hi. Ama sia a tawntung maan a pha hi, a sepna theampo ah a maapai hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Jeremiah 22:30

“Hisia pa sia ma a tun ngeingawl tu le, a tate a khuaisua tu in a kiningkhiin sa hi. Ama in David ii za laihte bangin, Judah ngam a uk tu in suan le paal nei ngawl tu hi. Keima Topa in ka son zo hi,” ci hi.

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Jeremiah 29:11

No atu in tupna ka neite sia na tuasiat natu hi ngawlin mi nuamsa na sua natu le mai sangah lametna kong piak natu ngealnate ahi hunlam keima bek in ka he hi.

Jeremiah 30:3

banghang ziam cile Israel le Judah ka mite a ngam ka piak kik tu hun hong theng tu hi. A taanghpupite tungah ka piaksa ngam ah ka heak kik sak tu a, amate in tua ngam tang kik tu uh hi. Keima, Topa in ka son zo hi,” hong ci hi.

Jeremiah 30:9

Amate in Topa a Pathian le, kumpi ka suasak tu David ii suan le paal khat ii na seam zaw tu uh hi.

Jeremiah 31:27

“Keima, Topa in Israel le Judah ngam sia mihingte le nganhingte taw ka kidimsak tu hun hong theng tu hi, ka ci hi.

Ezekiel 21:27

Siatna, siatna vive! Hi hi, khuapi sia ka siacipsak tu hi. Ahihang khuapi daan a pia tu in ka teal pa hong pai mateng hi thu a piang buatu hi. Ama tungah tua nasep ka pia tu hi.

Ezekiel 34:16

“Keima in a bote ka zong tu a, a lampial te ka khoi kik tu hi, a liamte a liamma ka tuamsak tu a, a ciinate ka damsak tu hi; ahihang thau in a thahatte ka susia tu hi, banghang ziam cile keima in a maan in a ngamta tuucingpa ka hi hi.

Ezekiel 34:29

Leipha leihoi lote ka pia tu a, a ngam sungah ngilkialna ka omsak buatu hi. Ngamdangte in selno ngawl tu hi.

Ezekiel 45:8

Hi mun sia kumpipa ii nga tu Israel ngam leitang hi tu hi, tua ahikom ama in mite zawthawk vawt nawn ngawl tu a, ahihang a om lai ngam theampo sia Israel minamte neisa hisak tu hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Hosea 1:11

Judah mite le Israel mite kingawm kik tu hi. Amate mama in amate atu lampui khat teal tu a, khatvei ma a ngam a lei ah khangto in nuamsa kik tu uh hi. Hi hi, Jezreel ii ni sia ni thupi ni khat hi tu hi!

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Zechariah 3:8

Tua ahiciang nang, Thiampi Lianbel ahi Joshua awng, na ngai in; no, a thiampi seppuite awng, mailam hun phate ii limlakna ahite awng, ngai vun: Thingbaak a kici ka naseampa kong pualaak tu hi!

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 2:2

“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.

John 1:45

Philip in Nathanael a mu ciang, “Moses ii thukham laibu sungah a thu a at pa le, kamsaangte zongh ii a thu a at pa mu zo khu hi. Ama sia Nazareth pan Joseph tapa Jesus hi,” ci in ama munah son hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

Hebrew te 8:8

Ahihang Pathian in, a mite tungah khialna mu ahikom thu a sonna ah, “Topa in, Israel mite le Judah mite taw thuciamna thak khat, ka vawt tu hun hong theng tu hi.

Thupualaakna 19:11

Tuaciang vantung a kihongin ka mu a, tua ii sungah siphu kaang khat om hi. A tung to pa sia Thumaan Thutang kici hi; ama in khaikim takin thukhen a, a ngalte do hi.