Jeremiah 23:3 - Syin Chin Bible

³ Ka mihingte a taanglai teng ka thethaang na ngamte panin ka kaikhawm tu a, a ngam ah ka ciasak kik tu hi. Amate in ta tam mama nei in pung mama tu uh hi.

Jeremiah 23:3 Iomraidhean Croise

Psalm Late 106:47

Topa kote Pathian awng, hong hun ta'n, nang tungah lungdam kong ko thei natu le na min thiangtho kong pok thei natu in, minam tuatuamte sung panin, hong kaikhawm kik ta'n.

Jeremiah 16:15

Amate in, saksang ngam pan le amate ka thethaangna ngamdang theampo panin Israel mite hong paipui, a nungta Pathian, keima min taw kiciam zaw tu uh hi. A taanghpupite tungah ka piaksa amate ngam ah ka ciasak kik tu hi. Keima Topa in ka son zo hi,” ci hi.

Jeremiah 29:14

Hi hi, Kei nong mu tu uh a, na ngam uh ah kong koi kik tu hi, ka ci hi. Note kong thethaangna ngam theampo le mun theampo panin kong kaikhawm kik tu a, saltaang a kong puak ma na omna munah kong ciapui kik tu hi. Keima, Topa in ka ci zo hi.’

Jeremiah 30:10

“Ka mite awng, lau heak vun; Israel mite awng, patau heak vun. Na thongtaakna a khualana ngam panin kong suatak tu hi. Inn ah nong cia kik tu uh a, thinnuam takin na teang tu uh hi; na ngammuang tu uh a, kuama in no hong lausak ngawl tu hi.

Jeremiah 30:3

banghang ziam cile Israel le Judah ka mite a ngam ka piak kik tu hun hong theng tu hi. A taanghpupite tungah ka piaksa ngam ah ka heak kik sak tu a, amate in tua ngam tang kik tu uh hi. Keima, Topa in ka son zo hi,” hong ci hi.

Jeremiah 31:7

Topa in, “Minamte sung panin a lianbel, Israel atu in lungdamin lasa vun. Pokna lasa vun, ‘Topa in a mite ngum zo a; a taanglaite theampo suatak zo hi,’ ci vun.

Jeremiah 31:8

Keima in amate saksang pan ka paipui tu a, leimong pan ka kaikhawm tu hi. Mittaw peangbaite, numei naupaaite le nausuak dektakte zongh amate taw hong pai tu uh hi, Amate sia minam lian khatin hong cia kik tu uh hi.

Jeremiah 32:37

Ka thin uuk, ka thinsona taw in ka thethaangna ngamte theampo pan mihingte ka kaikhawm tu hi, hi munah ka ciapui kik tu a, ngam muang in ka teangsak tu hi.

Jeremiah 46:27

“Ka mite awng, lau heak vun, Israel mite awng, patau heak vun. Na thongtaakna uh ngam khuala na pan kong suatak tu hi. Note na inn na lo ah na cia kik tu uh a thinnuam in na teang tu uh hi; note ngam muangin na om tu uh a, hong lausak kuama om ngawl tu hi.

Jeremiah 50:19

Israel mite a ngam ah ka teangsak kik tu hi. Amate in Carmel mual tung le Bashan ngam sungah a ciin ante ne tu uh a, Ephraim le Gilead ngamte sungah a piang ante theampo a du bangin in ne tu uh hi.

Jeremiah 8:3

Hi a ngilo minam sung pan a nungta lai sun, ka thethaangna munah a teang teng in a nuntak tu sangin thi nuam zaw tu uh hi. Kei Vaanglianbelpa Topa in ka son zo hi,” ci hi.

Ezekiel 11:17

“Tua ahikom, Keima, Vaanglianpipa Topa in ka ci teng amate tungah son in. Ngamdang ah ka thethaang na munte panin amate ka khawmtua kik tu a, Israel ngam ka pia kik tu hi.

Ezekiel 36:11

Na ngannote le mihingte kong pungsak tu hi. Nidang sangin na tamzaw tu uh a, ta tam mama na nei tu uh hi. Na teen ngei bangin tua munah kong teangsak tu a, nidang sangin na nuamsa zaw tu uh hi. Tua hun ciang Topa ka hi hunlam nong he tu uh hi.

Ezekiel 36:24

Minam theampo le ngam theampo pan kong la kik tu a, na ngam ah kong ciapui kik tu hi.

Ezekiel 36:37

Vaanglianpipa Topa in, “Israel te in ka tungah hu ka ngensak kik tu a, tuasia ciang tuuhon bangin amate ka pungsak tu hi.

Thiampite 26:9

Thupha kong pia tu a, ta tam mama kong pia tu hi; note taw ka vawt thuciam sia keima sang pan ka len tu hi.

Micah 2:12

“Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Micah 7:12

Na mite mun theampo pan — nisuana sang Assyria pan, thangsang Egypt pan, Euphrates ngamkhen sung pan, tuipi ngalkhat pan le mual khualanate pan no kungah hong heak kik tu hi.