Jeremiah 23:10 - Syin Chin Bible

¹⁰ Tua ngam sia Topa tungah a thumaan ngawl mihingte taw kidim hi; amate sia a seksol nuntakna taw nungta in a vaang neina uh zangh khial uh hi. Topa ii haamsiatna hangin hi ngam sia khuangai in om a, ngamsung lonote kongaw hi.

Jeremiah 23:10 Iomraidhean Croise

Ezra 10:18

Hi sia in ngamdang zinei pasalte tepteena hi: Joshua le a suapuite ii bee le phung pan Jehozadak ii tapate: Maaseiah, Eliezer, Jarib le Gedaliah te ahi hi.

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Isaiah 24:6

Tua ahikom Pathian in leitang haamsiat zo hi. A mite in amate ii vawt bangin thuak uh hi. A nungta mihing tawm vaial hi.

Isaiah 5:18

Note a lal na hi uh hi! Na mawnate uh pan suatak natu in na kisaan zo bua uh hi.

Jeremiah 12:11

Amate in ka ngam sia ngam tawngtol suaksak uh a; ka mu tangin ngamkhing mun suak hi. Ngam buppi sia sennealngam suaksak a, kuama in awlmawk ngawl hi.

Jeremiah 14:2

“Judah kap in om a; a khuapite bo dedek hi, a mite khuangai in lei ah bok uh a, Jerusalem in huna ngenin au hi.

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Jeremiah 9:12

Keima in, “Topa awng, hi ngam sia kuama khualhaw ngawl natu in banghangin kisia cip a sennealngam bangin kongaw ziam? Akua in hi bang thute a tel thei tu za in ciim tu ziam? Midangte tungah sonsawn thei tu in akua tungah na thiang son zo ziam?” ci in ka dongh hi.

Jeremiah 9:2

Ka mite taisan thei in sennealngam sungah om natu mun khat nei leng ka uuk hi. Amate sia a thu maan ngawl vive, ngual a leeheak honkhat hi uh hi.

Hosea 7:4

Amate a vekpi thutuum ngawlin citakna nei ngawl uh hi. Anluum em pa in anvui thau in, a em thei hun mateng anluum emna mei sawk ngawlin a mei a khep bangin a ki etsatna iip phot hi.

Joel 1:10

Lote kolh hi; leitangte khuangai hi banghang ziam cile ankungte kisusia in sapitngate kikosak a, olive kungte kivulsak hi.

Thiampite 5:1

A nuai a thute ah mawphel biakpiaknate kisamh hi. Mihing khat sia thukhenzum ah tetti pang tu in kisam a, ama muna bang le a zaakna bangin a son buale ama in a piang bang a thuak kul tu hi.

Zephaniah 3:4

Kamsaangte in sep nop vacin nei ngawl a, thimthel uh hi; thiampite in a thiangtho nate ninsak in, Pathian thukhamte amate phattuam natu in deikai uh hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

1 Timothy 1:10

numei le pa huvau a paktatte, numei le pa ngeina ngawlin a ngamtate, mihing a mante, leilotin thumaan ngawl tetti a pangte tua ahibuale a pha a kho upna thubul taw a kileebulin ngamtatna a neite atu in a kivawt ahi hi.

Hebrew te 13:4

Nupa kiteenna sia a kuama theampo in zatak vawt tahen a, pasalte le zite sia khat le khat tungah kithumaan hamtang tahen. Pathian in a paktatte le a kipalngulte tungah thukhen tu hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.