Jeremiah 23:1 - Syin Chin Bible

¹ Ama mite suksiatsak a, a thethaangsak ngam uk uliante tungah Topa ii thukhenna in bangza in lauhuai tu ziam!

Jeremiah 23:1 Iomraidhean Croise

Jeremiah 10:21

Keima in, “Ih lampuite mawmaw a; lamlak tu in Topa thu dongh ngawl hi. Tuasia hu in amate nguallelin, ih mite kithethaang hi.

Jeremiah 12:10

Hong uk ngamdangmi tam mama in ka sapithuan siasak uh hi, amate in ka lote tuanhcil zo uh hi; a dei huai ka leitang sennealngam suaksak uh hi.

Jeremiah 13:17

Ka thu nong ngai bua uh le na kiphatsak na uh hangin ka kap ku tu a; thitui luangin nasia takin ka kap tu hi, banghang ziam cile Topa ii mite sia ngalmatte bangin kipaipui zo hi.

Jeremiah 2:26

Topa in, “Nguta khat a kimat ciang a maimawl bangma in, no Israel mite theampo — na kumpite le uliante, na thiampite le kamsaangte hong maimawlsak tu hi.

Jeremiah 2:8

Thiampite in, ‘Topa koisung om ziam?’ ci in zongh dongh ngawl uh hi. Keima ii thiampite mama in kei hong he ngawl uh hi. Ngam ukte in kei hong langpan uh a; kamsaangte in Baal min suangin thuson uh a, tuaciang bangma kimanna a nei ngawl milimte bia uh hi.

Jeremiah 22:22

Na lampuite uh sia vui in seamkeak tu a, na pawlpuite uh sia ngalmat thongtaakte suak in, na khuapi sia a min kidaisak in kimaizumsak tu hi, banghang ziam cile a sia teng na vawt uh hang ahi hi.

Jeremiah 23:2

Ama mihingte keamcing tu a, a kingaisun ngamukte taw kisai in Topa, Israel ii Pathian in hi bangin ci hi: “Ka mihingte nong kepcingsak bua uh hi; na thethaang zo a na hawlkeak uh hi. A sia na vawt uh hu in tu in daan kong pia tu hi.

Jeremiah 50:6

“Ka mite sia tuucingte ii mualtung tengah a bosua tuute taw kibang hi. Amate sia tuute bangin mual khat pan mual khat ah vakthap kawkoai uh a, a inn omna mun mangil zo uh hi.

Ezekiel 13:3

Hi sia Vaanglianpipa Topa ii ci ahi hi: “Hi a mawmaw kamsaangte a lal hi zo hi! Amate aituam ngaisut thiamna taw mu kholnate phuak tawm uh hi.

Ezekiel 34:1

Topa in kei hong paupui hi.

Ezekiel 34:21

Note in tuu a ciinate na kii uh taw na sii uh a, tuuhon sung pan na niil keak uh hi.

Ezekiel 34:31

“No, ka tuute, kong vaak sa tuuhon, keima mite na hi uh a, keima in note Pathian ka hi hi,” Vaanglianpipa Topa in ci hi.

Ezekiel 36:38

Tua hun ciang, tu laitakin a lalcip khuapite sia poai sungah sangaw biakpiakna in a nei tuute taw a kidim ngei Jerusalem khuapi bangin mihing taw kidim kik tu hi. Tuasia ciang Keima, Topa ka hi hunlam hong he tu uh hi,” ci hi.

Zechariah 10:3

Topa in, “Ka mite a uk ngamdangmite tungah ka thin uuk a, daan ka pia tu hi. Judah mite sia keima aa hi, tuaciang keima Vaanglianbelpa Topa in amate ka keam tu hi. Amate sia a thahat ka ngal siphute hong hi tu uh hi.

Matthew 15:14

“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

Matthew 9:36

Mihonte a et ciangin, hesuakhuai sa hi, banghang ziam cile tuucing om ngawl tuuhonte bangin, amate thinngim cimaw in, om uh hi.

John 10:10

Ngutapa ahile a ngu tu, a that tu le a susia tu bekma in hong pai hi. Kei kong paina sia, nuntakna na nga natu uh le a kicing nuntakna na nga thei natu uh ahi hi.

John 10:12

Tuu neipa a hi ngawl, a kicial tawm tuucingpa ahile ngiapui hong pai a mu ciangin, a tuute nusia in taisan hi; tua ahikom ngiapui in a tuute man a, kithethaangsak hi.

John 10:8

Kei mai a hong pai sa theampo sia ngutate le phalakte ahi uh hi, ahihang tuute in, amate aw a ngai bua uh hi.