Jeremiah 22:7 - Syin Chin Bible

⁷ Tua kumpi inn a susia tu in mihingte ka puak tu hi. Amate in a hei uh tek hong keng tu uh a, cedar thing khuam phate phukin meikhuk sung denna in nei tu uh hi.

Jeremiah 22:7 Iomraidhean Croise

Isaiah 37:24

Na siphu ngalleang theampo taw Lebanon mualsaangbel sia na zawna thu, kei tungah a kisuangtaak tu in na naseamte nong puak hi. Nangma in a saangbel cedar thingkung le a hoibel cypress thingkungte tua munah phuktan in, ngam thuk belnate dong na thetna sia kisuantaak na in nong nei hi.

Jeremiah 15:8

Tuipi hui ah sennealte sangin note ngam sungah meingong tamzaw hi. Na tangvalte uh a khan saan laitakin ka that a, a nute in ka thuaksak hi. Thakhat thu in amate tungah thin natna le launa ka thengsak hi.

Jeremiah 21:14

Ahihang na sepnate taw kizui in nang daan kong pia tu hi. Na kumpi inn mei taw ka hal tu a, a kiim a paam a om na theampo tua mei in kaanghtum tu hi. Keima, Topa in ka ci zo hi.”

Jeremiah 5:15

Israel mihingte awng, ngam khuala pan no hong sim tu in Topa in minam khat hong paipui hi. Tua minam sia a thahat le taanghlai minam khat hi a, a kam na heak ngawl uh minam khat ahi hi.

Zechariah 11:1

Lebanon awng, mei in na cedar thingkungte a kaktum thei natu in na kongkhate hong in.

Matthew 22:7

Kumpipa thin uuk mama ahikom a ngalkapte paisak a, mihing that te thatlum in a khuapi halthapsak hi.