Jeremiah 22:6 - Syin Chin Bible

⁶ “Kei atu in, Judah ii kumpi inn sia Gilead ngam le Lebanon Mualte bangin hoi hi; ahihang kuama ii ten ngawlna a ngamkhing mun kolh khat ka suaksak tu hi.

Jeremiah 22:6 Iomraidhean Croise

Pianciilna 37:25

An a neak laitak Gilead pan Egypt ah khual a haw Ishmael te honkhat thakhat thu in mu uh hi. A kalaohte sia hel namtui le thingnaai te puasak uh hi.

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Solomon ii La 4:1

Ka ngaino awng, na mealpha lawlawm hi! Na mai sealna dial ii nungah a ithuai na mittangte tee vakil hi. Na sam sia Gilead mualpangh suk a, keal hon tai bangin kithing hi.

Solomon ii La 5:15

A pheizangte sia khamh tungah a kingaa suangngo khuamte taw kibang hi. Ama sia kumpi mealpu a, Cedar kung saang pona Lebanon mualte bang ahi hi.

Isaiah 27:10

A muanhuai khuapi sia lalcip in om hi. Ngamkol khat bangin kinusia hi. Ngan thana le ngan lup thei na mun suak hi.

Isaiah 37:24

Na siphu ngalleang theampo taw Lebanon mualsaangbel sia na zawna thu, kei tungah a kisuangtaak tu in na naseamte nong puak hi. Nangma in a saangbel cedar thingkung le a hoibel cypress thingkungte tua munah phuktan in, ngam thuk belnate dong na thetna sia kisuantaak na in nong nei hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 21:11

Topa in David ii suan le paal, Judah kumpi innkuan tungah hi thu son tu in kei hong sawl hi: “Keima, Topa ii ka son sia ngai vun. Ni simin thukhaikimna omsak vun. Ngualtheam a thuak pa sia a theam pa khut sung panin dal vun. Tuabangin na hi bua uh le, thusia na vawt sia in a kimit thei ngawl meikuang khat bangin ka thin uukna nasia tu hi.

Jeremiah 21:14

Ahihang na sepnate taw kizui in nang daan kong pia tu hi. Na kumpi inn mei taw ka hal tu a, a kiim a paam a om na theampo tua mei in kaanghtum tu hi. Keima, Topa in ka ci zo hi.”

Jeremiah 22:24

Topa in Judah kumpi Jehoiakim ii tapa Jehoiachin kumpipa tungah, “A nungta Pathian ka hi bangma in, nang sia ka ziatsang khut tungah min tupna khutzungbu na hi hial zongh in, kong suut keak tu a,

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 4:20

Tuasiatna khat zawkciang khat hong theng a; ngamsung buppi kisia siat hi. Thakhat thu in ih bukte kilalsak hi; a puankhaite ki eaukeak hi.

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 50:12

ahihang na khuapi lian uh sia a vaang kibosak tu a, kimaizumsak tu hi. Babylon sia ngam theampo sung panin a thupi ngawlbel ngam suak tu a, a kongaw le tui om ngawl sennealngam suak tu hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Jeremiah 8:22

Gilead ah zatui om ngawl ziam? tua munah syavuan te om ngawl ziam? Tua ahile banghangin, ka mite kidamsak ngawl thong ziam?

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zechariah 11:1

Lebanon awng, mei in na cedar thingkungte a kaktum thei natu in na kongkhate hong in.

Mi Simna 32:1

Reuben le Gad namte in nganno tam mama nei uh hi. A ngannote atu in Jazer le Gilead ngam le lei bangza pha ci in a mu ciang,

Thuhil kikna 3:25

Topa awng, Jordan Ngun hong kaantansak ta'n a, a langkhat lei phana, mualtung ngamhoi le Lebanon Mualte hong musak tan’, ka ci hi.