Jeremiah 22:3 - Syin Chin Bible

³ Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Jeremiah 22:3 Iomraidhean Croise

2 Samuel 23:3

Israel ii Pathian pau zo hi; Israel a dal pa in kei tungah hong ci hi: “Thutang khenna taw a uk kumpipa, Pathian thu ni in a uk pa sia,

2 Kumpite 24:4

tuaciang, a tuan in mawnei ngawlte theampo zongh a thalup hu ahi hi. Topa in Manasseh ii tuabang ahikom in maisak zo ngawl hi.

Job 22:9

Meingongte na hu nop ngawl bek dom ngawlin tangate zongh na suttol a, na vawtsia hi.

Job 24:9

Misiate in pasel patang note sal suaksak a, mizawngte ii tate leiba taangin la uh hi.

Psalm Late 68:5

Ama ii Biakinnpi thiangtho sungah a teang Pathian in tangate khoi a, meingongte sungsia hi.

Psalm Late 82:4

Amate mihing seksolte khut sung panin suatak tavun.

Psalm Late 94:21

Mihing phate a thasawmte a maw ngawl khat thidaan a piate sia nang taw a kipawl thei bua uh hi.

Psalm Late 94:6

Amate in meingong tangate thatlum uh a, ih ngam sungah a teang khualmite suamlum uh hi.

Pusuana 22:21

“Ngamdangmi khat vawtsia ahibuale zothaw heak vun; Egypt ah ngamdangmite na hina uh phawk vun.

Pusuana 22:22

Meingong ahibuale tanga peuma na vawtsia heak vun.

Paunakte 23:10

Bangma hunin ngisuang luite na khiin ngei heak vun, ahibuale tangate neisa leitang na sut heak vun.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 58:6

“Kei dei an tanna sia hi bang ahi hi: zawthawkna thikkolte le thukhaikim ngawl a kivawtna hakkolte suutin, zawthawk vawt a thuakte suataksakna ahi hi.

Isaiah 58:7

Ngilkialte na an uh hawm vun a, inn nei ngawl mizawngte atu in na inn uh hon vun. Puan silh tu a nei ngawl mite puan pia vun a, na beete na hu thada heak vun.

Jeremiah 19:4

Hi bangin ka vawt tu hi, banghang ziam cile mihingte in kei hong nusia zo uh a, hi mun sia pathian dangte biakpiakna taw in ninsak zo uh hi — tua pathiante sia amate, a taanghpupite, Judah kumpite ii a thu a heak ngeingawl pathiante ahi uh hi. Amate in hi mun sia a mawbaang ngawl mihingte ii chi taw kidimsak uh hi,

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 26:16

Tuaciang ngam lampuite le mihonte in thiampite le kamsaangte tungah “Hisia pa in Topa ih Pathian min suangin ei tungah thu hong son hi; ama kithatlum ngawl tu hi,” ci uh hi.

Jeremiah 5:28

ankhamin thau uh hi. Amate in ngitlona lam ah ciangtan nei ngawl uh hi. Amate in tangate ii a nga tu a kilawmte pia ngawl, ahibuale a kinengcip te tungah thukhaikimna lak ngawl uh hi.

Jeremiah 7:23

Ahihang keima in amate ii Pathian ka hi natu le amate sia keima ii mite ahi natu in ka thu a nit natu thu ka piak ma ahi hi. Tuaciang ka thupiak bangin a nuntak thei natu in amate tungah ka son hi, tua hile amate a maivang tu uh hi.

Jeremiah 9:24

Mihing khat pawpo in a kisathei nuam ahile, keima hong heakna le hong telna kisakthei pui tahen, banghang ziam cile ka itna in kipin kho a, thumaan le thutang ka seam hi. Hite sia ka thin hong nuamsakte ahi hi. Topa keima in ka ci zo hi,” ci hi.

Kaa late 3:36

thukhenzum ah thutang khenna a om ngawl ciang, ama in he hi.

Ezekiel 18:12

Ama in a zawngte theam a, suttol in, sum a pu khat ii a aap vanhte tang paih hi. Ama doai biakna munah pai in, a kiihuai milimte bia hi,

Ezekiel 18:7

Ama in kuama theam ngawl, a neisa suttol ngawl hi. Sum a pu khat ii a vanh aapte pia kik hi; ngilkialte anvaak in, a pumnguak omte puansilh pia hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Ezekiel 45:9

Vaanglianpipa Topa in, “No Israel ngamukte awng, mawna khialna na vawt uh khuangei lei zo hi! Na ngoltolna uh le ngual na zawthawk vawtnate tawlnga vun. A pha le a maan bek vawt vun. Ka minamte a ngam uh pan hawlkeak kik ngeingawl tu nu hi. Keima, Vaanglianpipa Topa in hi teng kong son hi.

Joel 3:19

“Egypt ngam sia sennealngam khat suak tu a, Edom kisia in dui suak tu hi. Banghang ziam cile amate in Judah ngam simin mawbaang ngawl, a mite thatlum uh hi.

Thiampite 19:15

Zum tung thusonnate na khen uh ciang “Thumaan le thutang taw thu khen vun; mizawngte ngum tuan heak vun, ahibuale sumhaute kiita heak vun.

Amos 5:15

Thusia ngaimaw in thu man dei vun a, thukhenzumte ah thukhaikim omsak vun. Hi ngamte sungah a nungta lai mite Topa in hesuak thei tha tu hi.

Amos 5:24

Tuate taangin thukhaikim sia luitui bangin luangsak vun a, thutang sia a kang ngeingawl ngun bangin luang tahen.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Matthew 23:23

“Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Thuhil kikna 10:18

Ama in tangate le meingongte a pha in vawt a, eite sungah a teang ngamdangmite it in, an le puansilhte pia hi.

Thuhil kikna 24:17

“Ngamdangmite le tangate ii a nga tu te khaktan heak vun a; meingong nu ii puansilh sia leiba khapna in la heak vun.

Thuhil kikna 24:7

“Israel a mipui khat ngu a, sal in a khoai pawpo ahibuale sal in a zuak pawpo kithatlum tu hi. Tuabangin hi siatnate na bosak tu uh hi.

Thuhil kikna 25:1

“Sonteena in Israel te nii sia thu kinei in zum kithen a, thu a khen ciang khat sia maw ngawlin a dang khat sia maw hi.

Thuhil kikna 27:19

“ ‘Ngamdangmite, tangate le meingong nupite ii nga tute a khaktan pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.