Jeremiah 22:10 - Syin Chin Bible

¹⁰ Judah mite awng, Josiah kumpipa kaa heak vun; ama ii a thi hangin khuangai in kap heak vun. Ahihang a tapa Joahaz atu in nasia takin kap vun; ama sia hong heak kik nawn ngawl tu le a pianna ngam mu kik ngei nawn ngawl tu in amate in paipui uh hi.

Jeremiah 22:10 Iomraidhean Croise

2 Kumpite 22:20

tuaciang Jerusalem khua daan ka piak tu sia zongh na thi zawk mateng in tung ngawl tu hi, thinnuam in kong thisak tu hi.” Tua pasalte in hi a thupuak teng taw kumpipa Josiah kungah heak kik uh hi.

2 Kumpite 23:29

Josiah sia kumpi ahi laitakin, Egypt kumpipa Neco in Assyria kumpilianpa a hu tu in ngalkaphonpi taw Euphrates ngun ah kuan hi. Kumpipa Josiah in Megiddo ah Egypt ngalkaphonpi khak tu in hanciam a, ama ngal kisimna ah kithat hi.

2 Khangtaanghthu 36:4

Neco in Joahaz ii suapuipa Eliakim Judah kumpi suaksak a, a min Jehoiakim ci in laihsak hi. Joahaz sia Neco in Egypt ngam ah paipui hi.

Thuhilsya 4:2

A thi le a bo sate ka eang hi, a nungta laite sangin amate nuamsa zaw pek hi.

Isaiah 57:1

Miphate thi a, kuama in tua thu tel ngawlin, ngaisut zongin nei ngawl uh hi. Ahihang amate a thi uh ciang, khuangai tuasiatna lian bangma in amate nasak thei ngawl hi.

Jeremiah 16:7

A it khat a thi ciang heenepna in, kuama in ama tui le an neak pui ngawl tu hi. A pa ahibuale a nu a thite ngawngawn kuama in khuangai pui ngawl tu hi.

Jeremiah 22:11

Judah kumpipa ahi a pa ii za a lai Josiah ii tapa Joahaz taw kisai in Topa in hi bangin ci hi, “Ama in hi mun panin pai zo a, hong heak kik nawn ngawl tu hi.

Jeremiah 22:18

Tua ahikom, Topa in Judah kumpipa, Josiah ii tapa Jehoiakim thu taw kisai in hi bangin ci hi, “Ama thi hu in kuama khuangai ngawl tu hi, ahibuale ‘Bangza lauhuai ziam, ka lawm awng! Bangza lauhuai ziam!’ ci ngawl tu hi. ‘Ka topa! ka kumpipa awng!’ ci in kuama thitui taakin kap ngawl tu hi.

Jeremiah 22:27

Hi ngam sia na mu kik nuam tu uh hi, ahihang na heak kik ngei nawn buatu uh hi,” ci hi.

Jeremiah 25:27

Tuaciang Topa in keima tungah, “Mipite tungah son in. Keima, Vaanglianbelpa Topa, Israel ii Pathian in, amate tungah ngal ka thetsak hu in amate kham in a luak dong, pukin a thaw kik zawk ngawl za dong a neak tu in thu ka piak sia son in.

Jeremiah 28:4

Keima in Judah kumpipa, Jehoiakim ii tapa Jehoiachin zongh Babylon ah saltaang a, a pai Judah mite theampo ka ciapui kik tu hi. Hi hi. Keima in Babylon kumpipa vaangletna ka susia tu hi. Keima, Topa in ka ci zo hi,” ci in hong son hi.

Jeremiah 42:18

“Topa, Israel, ii Pathian in, ‘Ka thin uukna le ka thinsona Jerusalem khua mite tungah a kibuak bangma in, Egypt ngam ah na pai uh le ka thinsona sia note tungah hong kibuak tu hi. Midangte ii hong muna ah a cizathuai na suak tu uh hi; Mite in note ciammuina in hong nei tu a na min uh sia haamsiatna in zang tu uh hi. Hi mun sia na mu kik ngei nawn buatu uh hi,’ ci hi,” ka ci hi.

Jeremiah 44:14

Judah mi a taanglai, Egypt ngam ah teang tu a hong paite kuama suakta ngawlin nungta ngawl tu uh hi. Khatvei a ten kik nopna mun Judah ngam ah kuama heak kik ngawl tu uh hi. Ngaltai tawmno simngawl kuama heak kik ngawl tu hi,” ci hi.

Kaa late 4:9

Ngal sungah a thite sia nuntak zawk natu an om ngawl a, dadam in a thi, a thi khakte sangin phazaw lai hi.

Ezekiel 24:16

Ama in, “A thithei mihing awng, mihing na itbel khat sia thakhat thu in ka la tu hi. Phun thei ngawl tu, kap thei ngawl tu, thitui zongh taaksak thei ngawl tu ni hi.

Luke 23:28

Jesus in amate sang nga in, “Jerusalem numeite awng! Kei atu in kap heak vun, noma atu le na tate atu in kap po vun.