Jeremiah 21:9 - Syin Chin Bible

⁹ Khuapi sungah a om a kuama po sia ngalte thalup ahibuale pukthi in ahibuale natna taw thi tu hi. Ahihang tu laitakin khuapi hong sim Babylon mite kungah pai in a ki aap pawpo kithat ngawl tu hi; amate in a nuntakna beak suatak tu hi.

Jeremiah 21:9 Iomraidhean Croise

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 21:7

Ahihang, nangma, na khutnuai a uliante le ngalsung, kialpi le natna ngilo pan a, a suakta mite sia — no hong that nuam Nebuchadnezzar kumpipa le na ngalte in na vekpi in kong mansak tu hi. Nebuchadnezzar in no hong thatlum tu hi. Ama in note hesuakna le deisakna hong nei ngawl tu a khat zongh hong khoaikhe buatu hi. Keima Topa in ka ci zo hi.”

Jeremiah 24:10

Amate le a taanghpupite tungah ka piaksa ngam sungah amate khat zongh a taang nawn ngawl dongin ngal kidona, kialpi tunna le natna ngilo ka tungsak tu hi,” hong ci hi.

Jeremiah 27:11

Ahihang minam khat pawpo in Babylon kumpipa khut sungah tum a, a na a seam le, a ngam ah lotho tu le a teang tu in ka om suaksak tu hi. Keima, Topa in ka ci zo hi,” hong cisak hi.

Jeremiah 27:12

Judah kumpipa Zedekiah tungah ta bangma in, ka son a, “Babylon kumpipa khutnuai ah tum in. Ama le a mite ii na sepsak in, tua hile na nungta tu hi.

Jeremiah 27:13

Banghangin nang le na mite sia ngal ahibuale kialpi ahibuale natna taw in thi tu nu ziam? Tua thu sia Babylon kumpipa khutnuai ah a tum ngawl minam khat pawpo tungah piang tu hi ci a, Topa ii sonsa thu ahi hi.

Jeremiah 38:2

Topa in, “Khuapi sungah a om suak peuma ngal taw ahibuale kialpi taw, ahibuale natna taw in thi tu uh hi. Ahihang pusuak in Babylon te khut sungah a tum pawpo kithatlum ngawl tu a; a nuntakna beak peuma suatak tu hi, ci hi,” ci a ka son sia za uh hi.

Jeremiah 38:3

Topa in, “Keima in hi khuapi sia Babylon ngalkaphonpi khut sungah ka pia tu a, amate in la tu uh hi,” a ci sia zongh amate tungah ka son si hi.

Jeremiah 39:18

Nang sia kong keamcing tu a, hong kithatlum ngawl tu hi. Kei hong muang na hikom na nuntakna suakta tu hi. Keima, Topa in ka ci zo hi.”

Jeremiah 45:5

Nang atu a tuam vilvel a hong kivawt natu zong na hi ziam? Zong heak in! Mihing nam buppi tungah siatna ka thengsak tu a, ahihang nang sia na paina po ah thi ngawlin na suakta valiai tu hi. Keima Topa in ka ci zo hi.”

Ezekiel 5:12

Na mite sung pan khen thum sua khen khat sia khuapi sungah natna taw le ngilkialna taw in thi tu hi; a dang khen thum sua khen khat sia khuapi pua sangah namsau taw kisaatvawk tu hi; tuaciang a khakbel khen thum sua khen khat sia hui sungah ka thethaang tu a, namsau taw ka zuizen tu hi.