Jeremiah 21:7 - Syin Chin Bible

⁷ Ahihang, nangma, na khutnuai a uliante le ngalsung, kialpi le natna ngilo pan a, a suakta mite sia — no hong that nuam Nebuchadnezzar kumpipa le na ngalte in na vekpi in kong mansak tu hi. Nebuchadnezzar in no hong thatlum tu hi. Ama in note hesuakna le deisakna hong nei ngawl tu a khat zongh hong khoaikhe buatu hi. Keima Topa in ka ci zo hi.”

Jeremiah 21:7 Iomraidhean Croise

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Isaiah 47:6

Ka mite tungah ka thin uuk hi; ka mi in ka tuat nawn bua hi: Nangma khut sungah amate kong aap a, amate na hesuak bua hi; Khanghaamte ngawngawn na vawtsia hi.

Jeremiah 13:14

Tuaciang a huai a khang a kibangin thambealte khat le khat kitaih in a kisukthap bangin amate ka susia tu hi. Khuangaihuai sakna, ciliapna ahibuale hesuakna te in amate ka thalup tu hong khaam zo ngawl tu hi,” hong ci hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 15:5

Topa in, “Jerusalem mite awng, akua in no hong hesuak tu ziam, akua in no hong khuangai pui tu ziam? Na om zia uh hong dongh tu in akua in hong ngak man tu ziam?

Jeremiah 15:9

A tate sali ii a thi sanh a nu sia butthi in a husamh hi, ama ii sun khuavak sia khuazing suak a, ama sia maimawl in a thinna sa hi. No sung pan a nungta laiteng na ngalte in kong thatlumsak tu hi. Keima, Topa in ka son zo hi,” ci hi.

Jeremiah 19:7

Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 20:4

Topa mama in ‘Nang sia nangma le nangma a kilausak tu le na lawmte a lausak tu in kong vawt tu a, a ngalte ii namsau taw na lawmte a thalup siat na mu tu hi. Keima in Judah mihingte theampo Babylon kumpipa khutnuai ka then siat tu hi; pawlkhat a ngam ah thongtaak tu in ciapui tu a, a dangte thatlum tu hi.

Jeremiah 22:25

na kiitak mihingte le nang hong thatlum nuam mihingte tungah kong aap tu hi. Babylon kumpipa Nebuchadnezzar le a ngalkapte tungah kong aap tu hi.

Jeremiah 27:6

Ka naseam Babylon kumpipa Nebuchadnezzar khutnuai ah hi minamte theampo a koi pa sia Keima ka hi hi, tuaciang ngamsate ngawngawn in ama ii na ka seamsak hi.

Jeremiah 32:4

Zedekiah kumpipa suakta ngawl tu hi. Ama sia Babylon kumpipa khut sungah ki aap tu a, ama taw maitang kisi in thuson tu hi.

Jeremiah 34:3

Na suakta buatu hi; hong kiman tu a, ama tungah hong ki aap tu hi. Nangma in ama na mu tu a, maitang kisi in na paupui tu hi, tua zawkciang Babylon ah na pai tu hi.

Jeremiah 36:29

Topa in kumpipa tungah hi bangin ci ta'n ci in kei hong sawl hi, “Laizial na haltum zo hi, tuaciang Jeremiah tungah, Babylon kumpipa hong pai tu a, hi ngam susia in a mite le a ngannote thatlum tu hi ci in banghangin at ni ziam ci in dongh zo ni hi.

Jeremiah 37:17

Tua zawkciang Zedekiah kumpipa in keima hong sam a, kumpi inn sungah ama in, “Topa kung panin bang thu hong pai ziam?” ci in kei hong dongh tuam hi. “Thu om hi” ci in ka zo a, “Nang sia Babylon kumpipa khut sungah hong ki aap tu hi,” ci in ka son belap hi.

Jeremiah 50:17

Topa in, “Israel mite sia tawpite in delmang a, a kithethaang tuute taw kibang uh hi. A masabel in amate sia Assyria kumpipa in sim a, tua zawkciang Babylon kumpipa Nebuchadnezzar in a ngu khimtham hi.

Kaa late 2:20

En in, Topa awng! Banghang hi bangin daan hong thuaksak ni ziam! Nupite in a it a tate ii sa ne uh hi! Thiampite le kamsaangte sia Biakinnpi sung mama ah kithatlum hi!

Kaa late 2:22

Nangma in keima ii kiim ah hong lausak poai vawt tu in ka ngalte na sam a, Tuaciang tua na thin uuk ni in kuama suakta zo ngawl hi. Amate in itna taw ka vak ka taa sa tanote suamlum uh hi.

Ezekiel 23:28

Hisia Vaanglianpipa Topa ii ci ahi hi: “Na ngaimawk le kiihuai na sak mite khut sungah nang kong aap tu hi.

Ezekiel 7:9

Nang kong khoaikhe buatu a, kong hesuak buatu hi. Keima sia Topa ka hi hunlam le nangma daan hong pia sia ka hi hunlam na heak natu in, a thasiathuai na ngamtatnate hu in daan kong pia tu hi.”

Ezekiel 8:18

Amate in ka thin uuk tutna theampo thuak tu hi. Amate ka khoaikhe buatu a, ka hesuak buatu hi. Amate in a nging thei zaza au in ka tungah thu hong ngen tu uh hi, ahihang amate aw ka ngai buatu hi,” hong ci hi.

Ezekiel 9:10

Ahihang amate tungah hesuakna nei ngawl tu khi hi; amate ii ngual tungah a vawt uh bangin, amate tungah ka vawt tu hi,” ci in hong zo hi.

Thuhil kikna 28:50

Amate ngongtat tu a, khangmoi, khanghaam, a kuama po hesuak ngawl tu hi.