Jeremiah 21:6 - Syin Chin Bible

⁶ Hi khuapi sungah a teang mihingte theampo ka thatlum tu hi; mihing le nganhing a kibangin natna ngilo taw thi tu uh hi.

Jeremiah 21:6 Iomraidhean Croise

Pianciilna 6:7

“Hi ka bitphua sa mihingte, tuaciang nganhingte le vacimte zongh ka bosak siat tu hi, banghang ziam cile amate ka piansak sia ka khuangai hi,” ci hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 14:12

Amate an a tang hial zonghin hu ngenin a auna aw ka ngai buatu hi; meihal biakpiakna le antang taw biakpiakna te hong piak uh hang zong, amate ii tungah ka lungkim ngawl tu hi. Amate sia ngal sungah ahizong kialpi tunna le natna taw ahizong ka thatlum zawsap tu hi,” hong ci hi.

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 20:4

Topa mama in ‘Nang sia nangma le nangma a kilausak tu le na lawmte a lausak tu in kong vawt tu a, a ngalte ii namsau taw na lawmte a thalup siat na mu tu hi. Keima in Judah mihingte theampo Babylon kumpipa khutnuai ka then siat tu hi; pawlkhat a ngam ah thongtaak tu in ciapui tu a, a dangte thatlum tu hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 33:12

Vaanglianbelpa Topa in, “Mihing nganhing a teang ngawl sennealngam bang ahi, hi ngam sungah nganthana tu mun om kik tu a, tua munah tuucingte in a tuute cing tu uh hi.

Jeremiah 34:17

Tua ahikom keima, Topa in ka thu nong ni bua uh hi kong ci hi: na Israel mipuite suatakna na pia bua uh hi. Tua ahile pha mama hi, suatakna kong pia tu hi: tua suatakna sia ngal, natna le kialpi taw thina ahi hi. No tungah kong vawtna taw leitung mite theampo ka lausak tu hi.

Jeremiah 36:29

Topa in kumpipa tungah hi bangin ci ta'n ci in kei hong sawl hi, “Laizial na haltum zo hi, tuaciang Jeremiah tungah, Babylon kumpipa hong pai tu a, hi ngam susia in a mite le a ngannote thatlum tu hi ci in banghangin at ni ziam ci in dongh zo ni hi.

Jeremiah 42:22

Tua ahikom, hi thu ciamtee vun: noma pai nopna le ten nopna ngam ah ngal ahibuale ngilkialna, ahi buale natna taw in na thi tu uh hi,” ci in ka son hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Ezekiel 12:16

Amate sungah tawmno khat sia ngal kidona, kialpi le natnate pan ka luhaisak tu hi, tuasia ciangin, tua mun minamte sungah amate in a ngamtatnate sia bangza in thasiathuai ci sia phawk tu a, Kei Topa ka hi hunlam hong tel tu uh hi,” hong ci hi.

Ezekiel 14:13

Ama in, “A thithei mihing awng, ngam khat maw a, kei tungah hong thumaan buale, ka khut ka vaan tu a, a an ngana lampi sia ka susia tu hi. Kialpi ka tungsak tu a, mihing le ngannote a kibangin ka thatlum tu hi.

Ezekiel 14:17

“Tua ahibuale, tua ngam ah ngal ka thengsak thei tu a, tuaciang mihingte le ngannote a kibangin ka maaimot natu in a susia thei ngalhiamte ka puak tu hi.

Ezekiel 14:19

“Tua ngam ah a kilaw thei natna tungsak in, ka thin uukna taw nuntakna tam mama la a, mihing le ngannote ka thalup ciang,

Ezekiel 14:21

Hi sia Vaanglianpipa Topa ii pauna ahi hi: ‘Jerusalem tungah a siabel daan nam li tungsak tu khi hi — ngal, kialpi, ngamsa ngilote le natna te — in mihingte le ngannote a kibangin susia tu uh hi.

Ezekiel 33:27

“Keima, Vaanglianpipa Topa in a nungta takpi Pathian ka hi bangma in, tua khuapi siacip sate sungah a teang mihingte kithat tu hi ci in a kidop natu thu ka piak sia son in. Ngam sungah a teang teng sia ngamsate in ne tu hi. Mualtung le suanghawng sungah a buu te natna taw thi tu hi.

Ezekiel 33:29

Mihingte a mawna a khialna te hu in daan ka piak ciang le a ngam sia ngamtongta ka suasak ciang Topa ka hi hunlam amate in hong he tu uh hi,” hong ci hi.

Ezekiel 7:15

Lampite ah ngal kisimna om a, innte sungah natna le ngilkialna om hi. Ngam pua sangah a om khat pawpo sia ngal kisimna ah thi tu a, khuapi sung a om khat pawpo sia natna le ngilkialna taw thi tu hi.

Hosea 4:3

Tua ahiciang a ngam kaanghko tu a, ngam sungah nuntakna nei theampo thi tu hi. Nganhingte, vacimte theampo le ngasate ngawngawn thi tu hi,” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zephaniah 1:3

mihing le nganhing, vacim le ngasa dongin ka susia tu hi. Mi ngilote bo natu ka vawt tu hi. Mihing nam buppi ka susia tu a, kuama taang ngawl tu hi. Keima Topa in ka son zo hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.