Jeremiah 21:4 - Syin Chin Bible

⁴ Topa Israel ii Pathian in hi bangin a ci teng Zedekiah tungah son kik in ka sawl hi, “Zedekiah awng, Babylon kumpipa le a ngalkaphonpi a sim, na ngalkapte ka zo tu hi. Na ngalkapte ii ngalhiamte khuapi laizang ah ka seng tu hi.

Jeremiah 21:4 Iomraidhean Croise

Isaiah 10:4

Note ngal kisimna sungah hong kithatlum tu hi, ahibuale zong thongtaakte bangin hong kikai keak tu hi. Tuabang ngawngawn taw zongh in Topa thin uukna thai ngawl lai tu a; daan pia tu in a khut kivaan lai tu hi.

Isaiah 13:4

Mualtung ngamlumna — mihonpite aw, a kikhawm tua minamte le kumpi ngamte ii ngamlumna awte ngai vun. Ngalkaphonpite ii Topa in a ngalkapte ngalsim tu in kithoaisak hi.

Isaiah 5:5

“Hi bangin ka sapithuan tungah ka vawt tu hi; a kiim uumna dalte ka lakeak tu a, a dalna ngawlte thiaktanin, ngamsate in ka nesak tu a, ka tuanhcilsak tu hi.

Jeremiah 20:4

Topa mama in ‘Nang sia nangma le nangma a kilausak tu le na lawmte a lausak tu in kong vawt tu a, a ngalte ii namsau taw na lawmte a thalup siat na mu tu hi. Keima in Judah mihingte theampo Babylon kumpipa khutnuai ka then siat tu hi; pawlkhat a ngam ah thongtaak tu in ciapui tu a, a dangte thatlum tu hi.

Jeremiah 21:3

Tuaciang Topa in kei hong paupui a, Zedekiah ii kei kungah hong sawl mihingte munah,

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 32:3

Zedekiah kumpipa in kei sia tua munah thong hong khum a, Topa ii son bang a ka taangko hu in kei hong mawsiat hi, Topa sonna pan, “Babylon kumpipa in hi khuapi ka lasak tu a,

Jeremiah 32:5

Zedekiah sia Babylon ah kipaipui tu a, ama kungah ka kihiil kik mateng tua munah om zii tu hi. Babylon te a do hial zongin, zo ngawl tu hi. Keima, Topa in ka ci zo hi”.

Jeremiah 33:5

Mihing kimkhatte in Babylon te do tu uh hi, amate in ka thin uuk ka thangsiatna taw ka velvawk tu mithi luangte taw innte dimsak tu uh hi. A mite ii a tatsiatnate hu in hi khuapi ka nungngat zo hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 39:3

(Jerusalem khuapi a kilaak ciang Babylon kumpipa ii uliante theampo hong pai in Kongpi Laita ah mun hong la uh hi. Tuate sungah Nergal Sarezer, Samgar Nebo, Sarsechim le Nergal Sarezer dangkhat kihel hi.)

Jeremiah 52:18

Amate in kawkeaute, biaknatau thianthosakna a, a kizangh vut kuangte, meiinn puuana a, a nazakte, sangaw biakpiakna chi donna kuangte, ngimnamtui halna kuangte le biakinn kikhopna a, a kizangh taau taw a kivawt nate theampo zongh la uh hi.

Kaa late 2:3

Ama in a thinso in Israel te thahatna saattham hi. Ngalte hong kuan ciang ama in hong hu nuam ngawl hi. Kaanghmei bangin ama in ei hong zaap keak a, na theampo lalthamsak hi.

Kaa late 2:5

Topa in ngal khat bangin Israel susia zo hi. Ama in a kulhte le kumpi innte a zaancip sa in nusia hi. Ama in Judah mite tungah a bo thei ngawl heena tungsak hi.

Kaa late 2:7

Topa in a biaknatau nial a, ama ii a thiangtho Biakinnpi taisan hi. Ama in Biakinn pangte sia ngalte in balthamsak hi. Khatvei lai in lungdamna taw ih biakna munah amate ngalzo in au uh hi.

Ezekiel 39:3

Tua zawkciang a khut veisang ah a toai thal le a khut ziatsang ah a toai thaltangte ka bekkeaksak tu hi.

Hosea 9:12

Ahihang patang a kep a om hial zong tuate ka laaksak tu a, a nungta in khat zongh ka nusiat buatu hi. Hi mite ka taisat ciang amate tungah a lauhuai nate piang tu hi,” ci hi.

Zechariah 14:2

Topa in Jerusalem sim tu in minam theampo khawmtua tu hi. Khuapi kila in, innte kiphuul tu a, numeite buan in khialpui tu hi. Khua mite a lang sia sal in kipaipui tu a, a taanglai teng ahile khuapi pan kipaipui ngawl tu hi.

Matthew 22:7

Kumpipa thin uuk mama ahikom a ngalkapte paisak a, mihing that te thatlum in a khuapi halthapsak hi.