Jeremiah 21:2 - Syin Chin Bible

² “Nong hesuakna taw ko atu in Topa hong paupuisak ta'n, banghang ziam cile Babylon kumpipa Nebuchadnezzar le a ngalkaphonpi in khuapi uumci hi. Topa in ama ii nalamdang laknate khat ko atu in hong vawt tahen a, Nebuchadnezzar nungkin kik natu zawthawk thu zangh tahen,”

Jeremiah 21:2 Iomraidhean Croise

Pianciilna 10:10

A masa phitin ama ii kumpi ngam sia, Babylon ngam sungah a om Babylon, Erech le Accad ngam thum teng ahi hi.

2 Kumpite 1:3

Ahihang Topa ii vantunglalang khat in Tishbe pan kamsaang Elijah sia Kumpipa Ahaziah ii kamtaite taw kisi tu in paisak a, “Banghangin Ekron pathian Baalzebub tungah thu dongh tu nu ziam?

2 Kumpite 17:24

Assyria kumpilianpa in Babylon, Cuth, Ivvah, Hamath le Sepharvaim khuapite pan mihingte paipui in, saltaang Israel te ii teenna mun Samaria te khuapite ah teangsak hi. Hi khuapite, amate ii neisa sua in tua munah teang uh hi.

2 Khangtaanghthu 32:21

Topa in vantunglalang khat paisakin Assyria ngalkap te le a ngalkapbute thatsak hi. Tua ahikom a kumpilianpa sia maimawlin Assyria ngam ah heak kik hi. Ni khat ni in ama sia a pathian biakinn sungah a om laitakin a tapate pawlkhat in a namsau uh taw ama thatlum hi.

Pusuana 9:28

Topa tungah thungen vun! Hi vanto le ngialkiate kicing zo hi. Note paisak tu in kamciam kong pia a; hi lai ah no om tu kul nawn ngawl hi,” ci hi.

Isaiah 48:2

Tuaciang a thiangtho khuapi ah a teang mite ka hi uh a, Israel te ii Pathian ahi Vaanglianbelpa Topa a suangte ka hi uh hi ci in, na kiphasak lalai uh hi.

Jeremiah 15:11

Topa awng, nangma ii na pha takin ka seam bua le, ka ngalte ngim nga a natna satna a thuak laitakin amate taangin nangma tungah hesuakna ka ngetsak buale amate ii hong haamsiatnate theampo taangtung tahen. (

Jeremiah 21:3

Tuaciang Topa in kei hong paupui a, Zedekiah ii kei kungah hong sawl mihingte munah,

Jeremiah 32:17

“Vaanglianpipa Topa awng, nangma in lei le van sia na vaangletna le na thahatna taw na vawt hi; nang atu in a haksa lei bangma om ngawl hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 34:1

Babylon kumpipa Nebuchadnezzar, ama ngalkaphonpi le amate a hu a khutnuai ah a om minamte theampo ii ngalkapte in Jerusalem le a naina khuate a sim uh lai in Topa in keima hong paupui hi.

Jeremiah 37:17

Tua zawkciang Zedekiah kumpipa in keima hong sam a, kumpi inn sungah ama in, “Topa kung panin bang thu hong pai ziam?” ci in kei hong dongh tuam hi. “Thu om hi” ci in ka zo a, “Nang sia Babylon kumpipa khut sungah hong ki aap tu hi,” ci in ka son belap hi.

Jeremiah 37:3

Ih minam luangin Topa ih Pathian tungah keima sia thungen tu hong sawl tu in, Zedekiah kumpipa in Shelemiah ii tapa Jehucal le Maaseiah ii tapa thiampi Zephaniah hong paisak hi.

Jeremiah 37:7

Zedekiah tungah son tu in hi bangin keima hong sawl hi, “Egypt ngalkaphonpi sia nangma hong hu tu in hong pai a, ahihang a ngam ah heak kik tu uh hi.

Ezekiel 7:26

Tuasiatna khat zawkciang khat hong kizui tu a, thusia lasia zongh piangin tui bang hong luang tu hi. A mu kholnate hong pualaak natu in kamsaangte tungah na ngen tu uh hi. Thiampite in mite a hil tu bangma nei ngawl tu uh a, tuaciang upate in ngaisutna a piak tu nei ngawl tu uh hi.

Thukhente 20:27

Pathian ii Thuciamna Thingkuang sia tua hun lai in Bethel ah kikoi hi, tuaciang Eleazer tapa, Aaron ii tupa Phinehas in tuasia keam hi. Mihingte in Topa tungah, “Ka suapui Benjamin te ka sim kik tu uh ziam maw, ka tawp heu tu uh ziam?” ci in dongh uh hi. Topa in, “Sim vun, zing ciangin noma in amate hong zosak tu khi hi,” ci in zo hi.

1 Samuel 10:22

amate in Topa dongh a, “A dang khat ma a om lai ziam?” ci uh hi. Topa in zo a, “Saul sia zia sungah om hi, vanh honte nungah buu hi,” ci hi.

1 Samuel 28:15

Samuel in Saul munah, “Banghangin kei hong nawngkaisak ni ziam? Banghangin hong pai kiksak ni ziam?” ci hi. Saul in, “Ngimna lianpi sungah om khi hi! Philistine te sia kei ngalin hong pang hi, tuaciang Pathian in kei hong nusia hi. Ama in kamsaangte tungtawn ahizong, mang tungtawn ahizong ka thudok hong zo nawn ngawl hi. Tua ahikom bang vawt tu khi ziam nong son natu nang hong sam khi hi,” ci in zo hi.

1 Samuel 28:6

tua ahikom ama in Topa munah bang law tu khi ziam ci in dongh hi. Ahihang Topa in mang sung pan ahizong, Urim le Thummim tung pan ahizong, kamsaangte tung pan ahizong, a zo mama bua hi.