Biblia Todo Logo
Bìoball air-loidhne

- Sanasan -




Jeremiah 20:8 - Syin Chin Bible

8 Thu ka son simin, ka au keak kul a, “Ngoltolna! Kisuksiatna!” ci in ka au hi. Topa awng, nangma thupuak ka thansak hu in a tawntungin simmawk vawtna le zawnsakna ka thuak hi.

Faic an caibideil Dèan lethbhreac




Jeremiah 20:8
26 Iomraidhean Croise  

Elisha in Jericho nusia in Bethel ah a pai le, patang pawlkhat khua khat panin hong pusuak in, ama ciammuina in nei a, “Hi sung pan tai in, lutol pa awng,” ci in oksan uh hi.


Ahizong amate in Pathian ii kamtaite nunau in, a kammalte awlmawk ngawl a, kamsaangte nuisan uh hi, a khakbel ciang a mite tungah Topa thin uukna nasia tatak ahikom suatak natu lampi om ngawl hi.


Note in akua ciammui zazaan nu ziam? No, leilot mite in akua selno nu ziam?


A lungdam ngawl pa sia keima ka hi hi! Banghangin ka nu in leitung ah kei hong hing ziam? Ngam sungah mihing theampo taw kihau in thu kinial tu ka hi thong hi. Sum ka pukthaak bua a sum ka pu bua hi; tua hi napi ngual theampo in kei hong haamsiat veve hi.


Tuasia ciang keima in, “Topa awng, tel ni hi. Hong phawkin hong hu ta'n. Kei hong vawtsiate tungah phu hong lasak ta'n. Amate ii kei hong thalup nop sia a taangtut natu in, amate tungah na thin sausak lei heak in. Nangma hangin kei hong kiselno ahi sia phawk in.


Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.


Topa awng, nangma in kei nong theam a, keima theam ka thuak hi. Nangma in kei sangin na hat zaw a, kei nong zo zo hi. Mihing theampo in kei hong nunau uh a; sunkhuateakin amate in kei hong selno uh hi.


Nang le kei ii om hun ma in a om, taanghlai a thuson kamsaangte in minam tam mamate tung le a thahat a kumpi ngamte tungah ngal, kialpi le natna theng tu hi ci in sonkhol zo uh hi.


Jerusalem mite awng, na lamdungte zui in tai vun! Na kiim na paam khuadakin en vun! Noma tatak ma na mu vun. Vanh zuakna munte zong vun! A maan a ngamta le Pathian tungah thumaan tu a hanciam mihing khat na mu thei uh ziam? Na mu thei uh ahile Topa in Jerusalem ii mawna maisak tu hi.


Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.


Keima in, “Amate tungah kidop natu thu ka son hial zong akua in hong ngai nuam thong tu ziam? Amate a thinpui a, na thupuak ngai nuam ngawl uh hi; son tu a, nong sawlte amate nuiza bek hi.


Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.


Tuabang ngimnate banghangin hong musak ni ziam? Tuabang tatkhialnate en in bangbangin thuak zo ni ziam? Siatna le ngongtatnate ka kiimkot ah om a, kihauna le kidona mun theampo ah om hi.


Thukham hil sya khat in, “Sya awng hi teng na ci ciangin ko zongh hong selno na hi hi,” ci hi.


Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.


Tua ahikom, eite zongh ngiaphual puasang, ama kung zuanin a maizumnate thuak pui tawng.


Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.


Lean sinn:

Sanasan


Sanasan