Jeremiah 20:7 - Syin Chin Bible

⁷ Topa awng, nangma in kei nong theam a, keima theam ka thuak hi. Nangma in kei sangin na hat zaw a, kei nong zo zo hi. Mihing theampo in kei hong nunau uh a; sunkhuateakin amate in kei hong selno uh hi.

Jeremiah 20:7 Iomraidhean Croise

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Kaa late 3:14

Mihingte in sunkhuateak in kei hong nuisan a; amate theampo atu in kei sia ciammuina ka suak hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Jeremiah 20:9

Ahihang, “Topa ka mangil tu a ama min suangin thu ka son nawn buatu hi,” ka ci ciangin, na thupuak sia mei bangin ka sung tawngh ah kuang hi. Ka hi thei za iip tu ka hanciam hangin, ka iip zo nawn bua hi.

Hebrew te 11:36

Pawlkhat sia kiselno in kivel a, pawlkhat sia thikkol kibulin, thong sungah kikhum hi.

1 Corinth te 9:6

Tua ahibuale koma kivaak natu zongin na a seam sia Barnabas le kei bek hi khu ziam?

Sawltakte 17:32

Thina panin a thawsak kikna huvau, Paul ii son a zaak uh ciangin, pawlkhat in nunauna in nei uh a, ahihang a dangte in, “Hi thu huvau na son sia za kik nuam lai khu hi,” ci uh hi.

Sawltakte 17:18

Epicurean syate le Stoic syate zongh in, ama taw thu kinial uh hi. Pawlkhat in, “He ngawl napi, a kihesak hisia pa in, bang teng son nuam ziam,” ci in dongh hi. A dangte in, “Ama ii son sia, ngamdangte pathiante hi tuak hi,” ci in zo kik hi. Banghang hi bangin ci ziam cile, ama in Jesus thu le a thaw kikna thu a hil hang ahi hi.

Luke 23:11

Herod le a ngalkapte in Jesus etsatna taw selno hi; tua zawkciang puantual pha khat silhsak in, Pilate kungah puak kik uh hi.

Luke 16:14

Phariseete in hi thute a zaak uh ciangin Jesus sia ciammuina in nei uh hi, banghang ziam cile amate sum deite ahi uh hi.

Micah 3:8

Ahihang kei ka hile Topa in a thaa le a vaangletna taw hong dim a, thukhaikim heak theina le Israel mite tungah amate mawna khialna teng son ngam natu hanna hong pia hi.

Jeremiah 29:26

“Topa in Jehoiada taangin nangma thiampi in hong koi zo hi, tua ahiciang tu in nang sia Biakinnpi sungah ulianbel na hi hi. Kamsaang khat in a kivawt tawm a mawmaw theampo ii ngawng ah thikkual bulin na khii tu sia nangma vaipuak ahi hi.

Jeremiah 17:16

Ahihang, Topa awng, amate tungah tuasiatna na thetsak tu kong sawl ngei bua a; amate ii ngim a thuak tu ka deisak bua hi. Topa awng, nangma in hi thu na he hi; ka sonsa sia na he hi.

Jeremiah 15:18

Banghang ngim thuathuak lai khi ziam? Banghangin ka liammate kibawl thei ngawl ziam? Banghangin dam ngawl tu ziam? Khuakhaal sung luitui kang bangin thin kiamsak tu hong sawm ni ziam?” ka ci hi.

Jeremiah 15:10

A lungdam ngawl pa sia keima ka hi hi! Banghangin ka nu in leitung ah kei hong hing ziam? Ngam sungah mihing theampo taw kihau in thu kinial tu ka hi thong hi. Sum ka pukthaak bua a sum ka pu bua hi; tua hi napi ngual theampo in kei hong haamsiat veve hi.

2 Kumpite 2:23

Elisha in Jericho nusia in Bethel ah a pai le, patang pawlkhat khua khat panin hong pusuak in, ama ciammuina in nei a, “Hi sung pan tai in, lutol pa awng,” ci in oksan uh hi.

Job 12:4

Tu in ka ngualtamhte ngawngawn in kei hong nuisan hi; kei thutang in sit baang ngawl hi napi hong kinuisan hi; ahihang Pathian in ka thungetna hong zo kik hun om ngei hi.

Psalm Late 119:51

A kiphasakte in kei hong zawnsak tawntung hang, na thukham panin ka pial ngei bua hi.

Jeremiah 38:19

Ahihang kumpipa in, “Babylon te kungah a tai ih ngammite ka kiita hi. Amate ii khut sungah kei hong ki aap thei tu a, hong vawtsia tu uh hi,” ci in zo hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Job 30:9

Tu in amate hong pai in kei hong nuisan uh hi; kei sia amate atu in ciammuina bang bek ka suak hi.

Isaiah 8:11

Mihingte tot lampi ka tot thaak ngawl natu in Topa in ka kidop natu a vaangletna taw thu hong hil hi. Ama in,