Jeremiah 20:5 - Syin Chin Bible

⁵ Hi khuapi ii hauna theampo, a nei a lamh le a vanh theampo, Judah kumpite ii sum le vanh manphate dongin a ngalte in ka suttolsak tu a, a khawng a kheakin Babylon ah ka paipuisak tu hi.

Jeremiah 20:5 Iomraidhean Croise

2 Khangtaanghthu 36:10

Khuakhaal kipat ciang Nebuchadnezzar kumpipa in Jehoiachin sia thongtaak tu in Babylon ah paipui hi. Biakinnpi sum le vanh manphate zongh pua hi. Tua zawkciang Nebuchadnezzar in Jehoiachin ii pano Zedekiah sia Judah le Jerusalem kumpi suaksak hi.

Isaiah 39:6

na kumpi inn sungah a om, na taanghpupite ii tu ni dong a kholsa vanh theampo Babylon khua ah a kipuak tu hun khat hong theng tu hi. Bangma taang ngawl tu hi.

Jeremiah 12:12

Sennealngam mun saang na theampo kaantan in hong sut tu in mihingte hong pai zo hi. Ngam buppi susia tu in ngal ka piangsak zo hi; kuama thinnuam thin muangin om thei ngawl hi.

Jeremiah 15:13

Topa in keima tungah, “Ngamsung theampo ah mawna khialna a vawt hu in amate daan pia tu in ka mite ii nei le lamh sum le vanh manphate a laaksak tu ngalte ka puak tu hi.

Jeremiah 17:3

le mual liante tungah, a kiphut limte biaknataute ah bia uh hi. Na ngamsung theampo ah na vawt uh mawna khialnate theampo hu in na nei na lamh le na sum na paaite na ngalte in kong sutsak tu hi.

Jeremiah 3:24

Ahihang maizumna pathian, Baal biakna in, ih tuu honte le khui honte, tapate le tanute — taanghlai pan kipan ih taanghpupite ii a thalaw sa theampo hong sumsisak siat zo hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 39:2

Zedekiah ii kumpi a sua zawk kum sawm le kum khatna, a tha li tha, ni kua ni in khuapi luphungte kisulet hi.

Jeremiah 39:8

Tua hun sung ma in Babylon te in kumpi inn le mipite ii innte haltum a Jerusalem khua luphungte sutham uh hi.

Jeremiah 4:20

Tuasiatna khat zawkciang khat hong theng a; ngamsung buppi kisia siat hi. Thakhat thu in ih bukte kilalsak hi; a puankhaite ki eaukeak hi.

Kaa late 1:10

A ngalte in ama ii a nei a lamh theampo suttol hi. Topa ii Gentile te pai tu a khaamna mun Biakinnpi sung mama ah a ngalte a tum sia ama in mu hi.

Kaa late 1:7

Tu in a ngamkhing, a siacip sa Jerusalem khua in nidang a phatna nung phaw kik hi. A ngalte khut sung a thet ciang a hu tu kuama om ngawl hi; A ngallelna sia ama a zote in nuisan uh hi.

Kaa late 4:12

A kuama peuma, ngamdang ngamukte ngawngawn in Jerusalem ii kongpite sungah ngalte tum thei tu ci in um ngawl uh hi.

Ezekiel 22:25

A lampuite sia a thalup sa nganhingte a hawk tawpite taw kibang hi. Amate in mihingte that a, a sum le a neisa te a laak thei theampo laaksakin a thalup hu in tam mama meingong suaksak uh hi.

Daniel 1:2

Topa in, Jehoiakim Kumpipa sia Nebuchadnezzar Kumpipa in mansak a, biakinn na manpha pawlkhatte laaksak hi. Ama in a mat mihing pawlkhatte Babylon khua ama ii pathiante biakinn ah ciapui a, a mat sum le vanh manphate biakinn vanh kholna inndoite sungah koi hi.

Hosea 13:15

Israel in lopa bangin pung hikale, sennealngam pan nisuana vuisa khat ka vasak tu a, a tuinaakte le a tuikhukte ka kangsak tu hi. Tua vuisa in a mannei na theampo lenmang tu hi.