Jeremiah 20:4 - Syin Chin Bible

⁴ Topa mama in ‘Nang sia nangma le nangma a kilausak tu le na lawmte a lausak tu in kong vawt tu a, a ngalte ii namsau taw na lawmte a thalup siat na mu tu hi. Keima in Judah mihingte theampo Babylon kumpipa khutnuai ka then siat tu hi; pawlkhat a ngam ah thongtaak tu in ciapui tu a, a dangte thatlum tu hi.

Jeremiah 20:4 Iomraidhean Croise

2 Kumpite 25:7

Zedekiah ii mu tangin a tapate kithatlum hi; tua zawkciang Nebuchadnezzar in Zedekiah ii mittangte khelkeaksak a, thikkol bulin Babylon ah paipui hi.

Psalm Late 73:19

Amate thakhat thu in kisusia in, a kiitakhuai sungah bocip uh hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 13:19

Judah ngam thangsang khuapite sia ngalte in uumci zo a; a sungah kuama tum thei ngawl hi. Judah mite theampo a saltanna munah kipaipui siat zo hi,” hong ci hi.

Jeremiah 19:15

Vaanglianbelpa Topa, Israel ii Pathian in, “Ka tungsak tu hi ka ci sa daan theampo sia hi khuapi le a naina khua theampo tungah ka tungsak tu hi, banghang ziam cile no na thinpui in kong son thu na ngai buatu uh hi,” a ci sia ka son hi.

Jeremiah 20:6

Pashhur awng, nang na hile, nangma le na innkuanpuite theampo zongh hong kiman tu a, Babylon ah hong kipaipui tu hi. Tua munah na thi tu a, na theam zazaan bul na lawmte taw hong kiphum khawm tu hi,’ ci hi,” ka ci hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 29:21

“Vaanglianbelpa Topa, Israel ii Pathian in, ama min suangin no tungah leilot thu hong son, Kolaiah ii tapa Ahab le Maaseiah ii tapa Zedekiah te ii thu son zo hi. Topa in amate sia Babylon kumpipa Nebuchadnezzar khut sungah aap tu a, ama in noma mu tang ma in thatlum tu hi, ci zo hi.

Jeremiah 46:5

Topa in “Ahihang keima in bang mu khi ziam?” ci in dongh hi. “Amate lau in heak kik uh hi. A ngalkapte kinot kik hi; a ngalte kiita mama ahikom a ngang thei zaza in tai a, a nungsang en kik ngawl uh hi.

Jeremiah 52:24

Tua bek dom ngawlin ngalkaphonpi ukpa, Nebuzaradan in Thiampi Lianbelpa Seraiah, thiampi dom Zephaniah le a thupi biakinn ulian dang thum te thongtaak tu in paipui hi.

Jeremiah 52:27

tua khuapi sia Hamath ngam sungah om hi. Tua munah kumpipa in amate saatsak in thatlum hi. Tua ahikom Judah mite sia a ngam panin saltaang tu in kipaipui hi.

Jeremiah 6:25

Ngamsung teng ah ih pai ngam bua a lampi tung zongh ah ih vak ngam bua hi, banghang ziam cile ih ngalte in hiamh toai a, ih kiim ih paam theampo lauhuai siat hi,” ci uh hi.

1 Samuel 2:33

Ahitazong na suan na paalte khat sia keamin ka nungtasak tu a, thiampi in ka na seam tu hi. Ahihang ama sia a mittaw in, a lam etna theampo bo tu hi, tuaciang na suan na paal theampo sia thi ngamh in thi tu hi.